(حياه اخرئ لاتشبه حياتي)

(حياه اخرئ لاتشبه حياتي)

(للكاتبه زهراء عباس ")

(البارت الأول)

                  يوزر الانستا
zahra_abbas_313m

القصه.تتحدث عن فتاه تعيش مع عائلتها واجهت الكثير من المشاكل وال صعوبات في حياتها وعاشت حياه اخرئ بعد زواجها من شخص زواج تقليدي

يا اول كسر بضلوعي مامريود''
ويا اول عشك مكسور جنحه"
هم تدري من سيرت جن ماكو اي دمعه"

بين الكاعده والنايمه سمعت صوت تلفوني يدك رفعت راسي وشفت المتصل وكلت اهوووو هم انتَي رديت َوكلت

استبرق :ألوو

صديقتي :هلا ولج شلونج

استبرق :زينه الحمد لله انتي شلونج

صديقتي :تمام اكلج عرس لمئ بعد. يومين تجين ويانه لو لا

استبرق :شبساع راح تتزوج هاي

صديقتي:شمدريني هيَ عزمت وكالت تعالن واعزمي استبرق وياج

استبرق؛:والله ماادري اشوف اهلي اذا قبلو اروح واذا ماقبلو مااروح

صديقتي :تمام

استبرق :الله وياج
سديت الاتصال وكمت من فراشي رحت للحمام غسلت وجهي وصحصحت جانت الدنيا صبح كعدت على هوسه ال جهال و ال بيت نزلت جوه لكيت اخواتي جايات اني عندي 3 اخوات واني الرابعه اخواتي انعام وفاطمه و نبا نزلت جوه تلكتني بنت اختي الصغيره تحجي وياي عمره 4 سنوات تقريباََ

بنت اختي :خاله خاله

استبرق :هلا خاله شلونج

بنت اختي :دينه  (عود زينه )

استبرق :رحت للصاله لكيت اخواتي مجتمعات سلمت عليهن ورحت للمطبخ سويت ريوك للكل وكعدت اكل وياهن كالت اختي انعام

انعام :شلونج ويه السادس

استبرق :زينه الحمد على الله راح اقرا وان شاء الله أنجح.

انعام:ان شاء الله عفيه عليج اقري

ام عبد الله :ولجن الباب ييندك كومن شوفن منو اجهه

استبرق :كايمه كايمه 
رحت للباب شفت منو اجه طلعت بنت عمي اجت علينه خلت بنته يمنه وراحت للسوك تجيب غراض وتجي كلتله طبي

نور :لاولج راح اروح ابونه يينتضر بره

استبرق :ماشي الله وياج
طببت بنته جوه وفتحتله تلفزيون تباوع بي  واني كعدت اقرا للسادس جان من أصعب المراحل الي مريت بيه هو السادس كلش صعب واحنه مو مثل هسه لا على الكتب ال قديمه المهم صعدت ال غرفتي و سديت ال باب كعدت اقرا فتحت ال اجتماعيات واقرا وارجع ليوره طفت ال كهرباء واني اقرا صارت حاره كمت رحت اخذت ملابس لبست دشداشه صيفي وطبيت للحمام سبحت وطلعت نزلت جوه يمهم

عبد الله :ها ولج قريتي

استبرق :اي ولك قريت وبعد يم الله

عبد الله :عفيه شدي حيلج

(بنات اني عندي 3 اخوان عبد الله الجبير و عبد الرحمان اصغر من عنده ومحمد بزر ال كعده) عبد الله مخلص علوم ماليه اداره واقتصاد وعبد الرحمن مبطل من الدراسه و محمد صف خامس ابتدائي "

استبرق :اكلك عبود

عبد الله :ها عيني

استبرق :اصبلك غده؟

عبد الله :لا مااريد مااشتهي راح اطب انام ولمن اكعد اتغدئ

استبرق :ماشي كمت صبيت اكل وكعدنه نتغدئ كال بابا على الغدا

ابو عبد الله :اليوم جايين خطار ب الليل كعده مال فصل راح اجيب مسواك يتعشون يمنه

ام عبد الله :ماشي

استبرق :منين هذوله

ابو عبد الله :والله منا من بغداد وعدهم مشكله

استبرق :اهاا تمام
نزلت نبا اختي من الدرج و كعدت تتغدئ ويانه

نبأ :هلو

الكل :هلا

استبرق :كعدنه ناكل خلصنه اكل وكملنه وشلت ال سفره اني وخواتي رحت سويت جاي صفنت
واني اسمع صوت قطرات ال مي الي تنزل قطره قطره واسمع صوت ال مي مال الجاي الي دا ييغلي اجت نبا وفززتني من صفنتي

نبا :هيوو استبرق وين صافنه

استبرق :وين يعني شبيج

نبا :شوفي الجاي احترك وانتي صافنه مدري وين

أستبرق :اهو ملتهيه ب الدراسه انتي كملي ب مكاني فدوه

نبا :ماشي

استبرق :صعدت ال غرفتي وفتحت ال جنطه مالتي باوعت عليه كلش حلوه جان لونه سمائي و بيه ازهار ونازكه يعني مو متروسه نقوشات. طلعت دفتري وكعدت اقرا غفيت وماحسيت على الوقت من مر