(حياه اخرئ لاتشبه حياتي)

البارت السابع

الكاتبه زهراء عباس ":
(حياه اخرئ لاتشبه حياتي)

(للكاتبه زهراء عباس)

(يوزر الانستا)
   zahra _ Abbas _313m

(البارت السابع)

بين التوتر. والأمل وال حلم اتوجه اول خطوات مسيرتي الئ المكان الذي وصلت اليه ب جهدي واصراري ومكانتي ودعم عائلتي ها انا فخوره بنفسي وفخوره بما وصلت اليه

&&&&&&&&&&&&&&

_كعدت الصبح متفائله ب يومي الأول الي بعد سنين هواي وصلت للجامعه وتخطيت ال كل بدافع اوصل لهذا ال مكان اني اليوم وصلت وان شاء الله ارفع راسهم ب كلشي ومااخيب ضنهم بيه كمت بدلت هدومي لبست تنوره كابوي و قميص ابيض و ستره كابوي ولفيت الشال لفه تجنن لبست عباتي اخذت جنطتي وكفت على ال مرايه حطيت واقي شمس و حددت حواجبي حطيت شويه. مسكاره ومرطب مال شفه وطلعت سلمت عليهم كالو تعالي تريكي كلتلهم مااشتهي شويه وسمعت ال خط بره يدك هورن طلعت ورحت للسياره سلمت وكعدت ب مكاني مشت بينه ال سياره واني اباوع على الأماكن وال محلات وال سيارات الي تفوت ب داخلي شعور مااعرف شنو اضحك ابجي بس جان شعور كلش حلو وصلنه للجامعه شفت صديقتي زهراء نزلت ب نفس اللحضه من الخط ركضت حضنته حيل ولزمت ايده وايدي ومشينه طبينه جوه الجامعه عباره عن ولد وبنات اني لزمت ايد زهراء وكلتله مانصادق ولا نحجي ويه شخص مانعرفه

زهراء :ماشي حبيبتي هو احسن النه وانتي هم ديري بالج اكو بنات مو خوش ب البدايه يصادقنج بعدين ييغدرن بيج احسني اختيارج

استبرق :ان شاء الله يله اني راح اروح ل هاي ال قاعه مالت قسمنه خاف ناخذ محاضره شي وانتي هم روحي ل قسمج اعرفي ال قاعه مالتج حتى بعد ماتخربطين

زهراء :تمام حبيبي انتضرج ب الكافيه. بس تطلعين دكي عليه حتى نروح نكعد نسولف شويه

_بعد مامشت زهراء اني رحت للقاعه كلت ال سلام عليكم

الطلاب :وعليكم السلام

_رحت كعدت ب مكان وكعدت اكلب ب التلفون انتضرت احد ييجي يدرسنه او يينطونه محاضرات شويه واجت بنيه كعدت يمي كالت

نور :هلاوو

استبرق :هلا حبيبتي

نور :شبي الحلو اشو ضايج

استبرق :والله ماعندي شي اسوي وكاعده انتضر محاضره شي اشو كلشي ماكو

نور :اول شي اني اسمي نور واتشرف ب معرفتج يعمري ثاني شي اول اسبوع راح يكضونه بس تعريف و سوالف وراه يسوكون علينه

استبرق :هلا بيج حبيبتي عاشت الاسامي واني اسمي استبرق لعد شلون هسه شنسوي وال خط كلتله ييجي ب 3 كألو ال دوام

نور :تعالي وياي نروح الكافيه نتونس شويه واتعرف عليج تقبلين؟

استبرق :اي يعمري عادي