(حياه اخرئ لاتشبه حياتي)

البارت الرابع

(حياه اخرئ لاتشبه حياتي)

(البارت الرابع)

(للكاتبه زهراء عباس)

         يوزر الانستا Zahra _abbas _313m

#وتلاگــــــــينه

#ولڪيت بصفنتك #حيره

#غڕيب يحب غريب ومالهم #ديره❤️
♡♡♡♡♡♡♡♡

استبرق :كعدت من النوم على صوت الاذان كمت توضيت وكعدت اصلي وادعي ربي ييغفر الي وايوفقني ب حياتي وانجح من السادس كملت صلاه نزلت جوه لكيت بيت عمي يمنه بيت عمي ابو زين العابدين هذوله عدهم ولد وابنيه الولد زين العابدين والبنيه نور بعده عمره 14 سنه وزين العابدين عمره 15 سنه نزلت سلمت عليهم عمي ب الاستقبال ومرته كاعده يمنه كالت

أم زين العابدين :شلونج عمه شخبارج وين السادس. جاوبتي لا ييمكن البارحه اول امتحان الكم

استبرق :هلا عيني والله زينه جاوبت وبعد الباقي. يم الله ان شاء الله أنجح

ام زين العابدين :ان شاء الله شدي حيلج لعد انعام وين شوكت تتزوج ان شاء الله

ام عبد الله :والله انعام ب غرفته نايمه خطيه سوت غده وطبت نامت وان شاء الله بعد شهر تتزوج بحيل الله ماضل شي عليه

أم زين العابدين :ان شاء الله هم جهزت اشترت ملابس شي لو بعدجن مارحتن

ام عبد الله :لا والله رحنه اشترينه اله ملابس قسم مال طلعه قسم مال بيت. قسم مال غرفه وبعد محتاجه شغلات تعرفين لازم اكثر من طلعه يله نحصل الي نريده

أم زين العابدين :اي والله ان شاء الله الله يسهل اله وان شاء الله زواج ال دهر

ام عبد الله :تسلمين يعيني

استبرق :اني راح اكوم اسوي كيكه واسوي الكم جاي واصعد اقرا لان باجر. امتحاني

أم عبد الله :ماشي يمه روحي

استبرق :كمت اسوي جاي واحضر ب مكونات الكيكه

حطيت كوبين ونص طحين
نص اكلاص شكر
نص اكلاص زيت
بودر 3 بواكيت  من هاي الصغيره
وحطيت فانيليا 2
وحليب.
وككو خاشوكتين وسويت الصوص وكملت كلشي حطيته ب الفرن وانتضرته تقريب ال45. دقيقه وطلعته صارت تخبل حطيت فوكاه الصوص مال الشوكلاه الي سويته انتضرته تبرد شويه بردت وقطعته النه وللخطار وديته الهم كله مدحت بيه. عفتهم وصعدت فوك للغرفه فتحت كتاب ال رياضيات وكمت اقرا للامتحان ضليت اقرا شويه بعدين مليت سديته وفتحت تلفوني ضليت اكلب على ال فيس وال انستا كالعاده نفس ال منشورات. يوميه ينشرون عن ال دراسه لو مقالب وهاي السوالف طبيت على ال يوتيوب طلعت اغنيه مال فوك النخل فوك وبلشت ادندن وياه

فوق النخل فوق
يابه فوق النخل فووق
ما ادري ان لمع خدك
يابه ما ادري القمر فوق
والله ما اريدك
ماليني بالوااه
فوق النخل فوق
يابه فوق النخل فووووق
ما ادري ان لمع خدك
يابه ما ادري القمر فوق
والله ما اريده
ماليني بالواه
خدك لمع يا هوى
يا عيني و اطلع للبلاد
و اطلع للبلاد
ما اقدر اصبر الروح (عيني)
و اتحمل البعاد
والله معذبني
بعيونه الحلوه
فوق النخل فوق
يابه فوق النخل فوووق
ما ادري لمع خدك
يابه ما ادري القمر فوق
والله ما اريدك
ماليني بالواه
(بالواه) ااااه

_سمعت الاغنيه وكمت اغني وياه شويه تغيرت نفسيتي لان تعبانه كلش تجي أوقات اكعد ابجي مااعرف ليش تجي أوقات احس نفسي مخنوكه بس ب النهايه الحمد لله أصير زينه وارجع ل قوتي واصراري (بنات اخواتي كلهن مبطلات واخواني بس عبد الله مكمل اداره واقتصاد قسم علوم ماليه اخواتي مبطلات لان عدنه البنيه لمن يصير عمره 16 تتزوج وتروح ل بيت رجله بس اني اصريت وكلت ل بابا مابطل وأخير شي ايس من عندي وكال ماشي كملي والحمد لله هسه سادس وراح اخلص امتحانات) ادعولي أنجح

&&&&&&&&&&&&&&&&

حنين:كعدت من النوم بدلت وغسلت وجهي ورحت طلعت وصله مسح كنست ال بيت اول شي وراه جبت مي وزاهي ومعطر بلشت امسح ب البيت سويته يخبل ورشيت بي معطر مال جو صارت ريحته كلش طيبه عمتي جانت رايحه فاتحه مال جيرانه رجله توفئ خطيه ب ال 1 ب الليل كايللهم دايخ ف راحو لل دكتور طلع ضغطه صاعد ورجع للبيت ييكعدون بيه ماييكعد الله ييرحمه ب رحمته الواسعه كملت تعزيل رحت فتحت ال ثلاجه شفت اكو باميه و عدنه تمن ولحم طلعت ال باميا كلمته وسلكته ونكعت تمن وسويته كبس كملت كلشي وحضرت ال. غده اذن الآذان طبيت اصلي طلعت اذان ب البيت طلعت للطارمه كنسته ومسحته جلفته جلف ماخليت شي ماعزلته وطبيت للبيت رحت ل جربايتي تعبانه ذبيت حالي ونمت وعلوش نايم بعده كلت خلي استغل. ال فرصه ونام ب النسبه ال علي حماي مكضيه مخابرات وسوالف ويه ال نسوان مااعرف شوكت يجوز من سوالفه

&&&&&&&&&&&&&&&&&&&&&&&&&&&&&&&&&&&&

بعد مرور اسبوع..
&&&&&&&&

استبرق :كاعده ومااكدر اوصف شعوري ب هذا اليوم خوف قلق شعور مااعرف شنو كاعدين كلنه ومنتضرين ال نتائج مالتي مااعرف شنو راح تكون ال نتيجه كعدت ابجي رحت توضيت وغسلت وجهي  كعدت اصلي وابجي وادعي ربي أنجح نزلت جوه لكيتهم كاعدين جان يصيح عبد الله

_ولججججج استتتتبرق تعاااااي نشرو ال نتائج بسرعه ال رقم ال امتحاني مالتج خلي اكتبه

استبرق :متت خوف هنا انطيته ال رقم ال امتحاني وكلتله هااا ولكك بشر جان يكول