(حياه اخرئ لاتشبه حياتي)

البارت الثاني عشر

الكاتبه زهراء عباس ":
(حياه اخرئ لاتشبه حياتي)

للكاتبه زهراء عباس
يوزر الانستا.
Zahra_abbas_313m

البارت الثاني عشر

__
انا اليوم انضر الئ احب أشيائي التي سأتركها واذهب الئ بيت جديد. ومكان جديد لااعرف ماالذي يينتضرني وماذا سأواجه لكنني اعرف شيئاََ واحداََ فقط أن الصبر جميل "
__*

استبرق :يوم جديد وفرح جديد كمت من فراشي بين الكاعده والنايمه رحت على امي  كلتلها ب 9 نروح للصالون تكول تعالن لان عدها بعد بنات ورانه

ام عبد الله :ماشي يمه روحي سويلنه ريوك خلي نتريك ونروح

استبرق :كلت لامي على ام الصالون وكالت تعالو ب 9 والساعه ب 8 اني ماعندي شي مخلصه كلشي كالت امي روحي سوي النه ريوك رحت سويت وكعدت نبا ويانه كعدنه ناكل شويه وكمت كالت امي

ام عبد الله :ها وين ولج اشو ماكلتي شي يمه تضلين جوعانه خاف ووراج طريق

استبرق :لا هايهيه الحمد لله

ام عبد الله :تمام يله لعد نروح حضري حالج بين ماابدل واخذ الملابس وياي

استبرق :مكمله ماعندي شي كله يم ام الصالون

ام عبد الله :ماشي يمه

استبرق:صعدت الغرفتي واني اباوع بيها لاخر مره راح أودع البيت واعوف كلشي ورايه اليوم عرسي وراح اطلع عروسه من هذا البيت بس ماكنت اعرف هل زواج راح يدمر حياتي ب الكامل نزلت لامي شفتها متحضره ومكمله كلشي طلعنه اخذنه عبود للصالون ذبنه يمها وكالت اله ماما تعال النه لمن نخابرك مو تتأخر كاللها لا اجي بس خابرني حتى اجيجن كالتله تمام طبينه لام الصالون الي جانت تهلي بينه ب كل مره سلامه النه يكون احلى واحسن تحس نفسك مرتاح يمها مرت فتره وهيَ تشتغل بيه و تعدل ب مكياجي بين ما ماما خابرت عبد الله يجينه كملت اليه تعديل المكياج والبدله البيضه الي جنت طالعه بيها اجنن مو حباََ ب نفسي بس اني حلوه و لمن حطيت مكياج برزت ملامحي اكثر كملت كلشي طلعنه ل عبود صعدنه ب السياره ماما كعدت كدام واني كعدت وره جان شعور مااكدر اوصفه ب هذيج اللحضه خوف على فرح على حزن انو. راح افارق اهلي وصلنه للبيت نزلت لكيت البنات كلها مجتمعه والبيت متروس ترس نسوان و دك وركص كعدت على الكوشه شويه وكالو اجه العريس اني هنا كلَبي كام يدك اكثر واكثر مااعرف شصار بيه مشاعر متخربطه وبنفس الوكت شعور جان حلو كلت ان شاء الله يكتبلي حياه حلوه وياه طب وجان لابس قاط نيلي وهو كلش حلو شكله طب باسني من راسي وبلشت الهلاهل تعلئ شويه وكالو يله صار وكت الوداعيه هنا اني ماكدرت الزم روحي كمت ابجي ودعت ماما واخواتي و أهلي الي بابا جان ب هذا اليوم مموجود لان ماكدر يكون حاضر وايودعني مشينه وهو لازم ايدي صعدنه ب السياره واني دكات قَلبي وحده اسرع من الثانيه كمت اقرا ايات قرآنيه و شويه حسيت نفسي صرت احسن علي جان كل الوقت ييحجي ويايه واني مااعرف شنو اكول ساعه اي ساعه لا ههههه شويه وصلنه ل بيتهم نزلت البركع على راسي و هو لزم ايدي وطبينه للبيت تلكتني أمه طببتني جانو حاطين كراسي مال عرسان عود و كعدت وهنه بلشن هلاهلهن و الركص مالتهم اما علي اخذو أصدقائه شويه وكالو ودوها ل غرفتها اني هنا خنكتني العبره جنت كلش خايفه وخصوصاََ اني مو حيل متعوده عليهم شويه وزفو للغرفه واسمع صوت ضحكهم و سوالفهم سمعت الباب انفتحت دخل علي اني كمت على حيلي هو اجه يمي وضل يسولف ويايه واني شويه مثل مايكول اخذت وياه وكمت اضحك واسولف مرت الليله على خير وكلشي تمام كعدت الصبح صوت الهلاهل والهوسه كمت طبيت للحمام سبحت و كعدت علي ورايه سبح طلعت سيت مال نوم ابيض لبسته ولبست فوكاه الروب مالته و جنت كلش مستحيه بس بعدين تذكرت. اني متزوجه وعادي طبيعي كلش اتعود شويه واندَكت الباب طبت امه جايبه اكل اني سويت نفسي نايمه كالتله ها هاي من هسه بعدها نايمه كاللها يمه بعدها عروس شتردين منها كالتله لا شريد منها قابل الله لايعوزني الهن هل جناين هذني اني كلت عززه هاي من هسه شاده ويايه شويه ومشت وطب علي جايب الاكل كال اكعدي حبيبتي اكلي البارحه. مااكلتي شي كلتله لا مااشتهي انتَ اكل واني لمن اشتهي اكل كال تمام لاتستحين اذا هاي اطلع ونتي اكلي كلتله لا لا كايمه اكل وياك بس لاتروح لان اني استحي وهسه مااعرف احد كام يضحك كال هههههههههههههههه ماشي مااطلع تعالي اكلي كمت اكل وياه وضل يسولف ويايه ونمنه ماحسيت الئ ب الليل صوت الاذان كعدت سبحت وصليت وهو طلع بره جايين عليه خطار وناس هم ماييكدر يضل دايماََ يمي ب الغرفه بعد ماصليت كمت فتحت الكنتور مالتي ردت اطلع شي البسه شفت ماما حاطتلي سيت مال نوم احمر طلعته وطلعت وياه حمره حمره سائله و طلعت مكياج كعدت امكيج بنفسي مر وقت تقريب الساعه بس صار المكياج يجنن لبست الي طلعته و رحت تغطيت ونمت على الجربايه طلعت فوني وكمت اكلب بي طلعت فلََم حلو وكعدت اباوع شويه وطب علي اجه يمي نام على الجربايه ضل يباوع ويايه ب الفون وهو جان جايب وياه حلويات و علاكه جبيره بيها نساتل وجباسه َكلشي ضلينه ناكل اني وياه ونباوع فلم مرت الليله ب احلئ أيامه وجانت كلش حلوه كلها غزل وحب و سوالف ماتخلص كعدت

الصبح على طبعات بوسات جانت تنطبع على وجهي لكيته علي كلتله صباح الخير كال صباح العسل ياعسل اني خجلت كمت اخذت ملابس وطبيت للحمام سبحت وكعدت اصلي بين ماكملت صلاتي سمعت صوت تلفوني يتصل شفته ماما فرحت وضليت اسولف وياها وجانت تسالني شلوني وسوالف ماتخلص مرت الايام وصارت السبعه مال عرسي عزمونه اهلي اني وعلي وأهله على عزيمه جنت طايره من الفرح مو ليكولك 7 ايام لبالك سنه اني مو يمهم ههههههههه كمت طلعت فستان طويل احمر حطيت ميك اب خفيف و لفيت شالي وعباتي لبستها وكملت كلشي لكيتهم متحضرين سلمت عليهم وصعدنه ب السياره انطلقت بينه ب السياره ضلت حنين تسولف ويايه جانت نوعاََ ما حبابه وتسولف وتضحك شويه وصلنه ل اهلي نزلت طايره ليكولك بس اريد اوصل لكيت ماما واخواني واخواتي يمنه كلهم ومنتضرينه ب الباب رحت اركض الهم وهمه تلكوني بعد ماسلمت عليهم صعدت ل غرفتي الي مشتاقتلها بعدها مثل ماهيَ كلت اللله ماكو مثل غرفتي ونومتها شويه ونزلت جوه ضلينه بين السوالف والضحك ويه بابا وماما واخواتي و اهل زوجي هم جانو مندمجين ويانه ويضحكون مر اليوم ب كل تفاصيله الحلوه كلت الله يديم هل فرح ان شاء الله شويه وكال بابا اسو كلتلها ها حبيبي كول كال سويلنه جاي من ادينج الحلوه كلتله يابه غير تتدلل كمت للمطبخ اسوي الهم جاي سويته ب كل حب وصبيته وديت الهم شويه و كال عمي يله يابه احنه نروح الكعده وياكم حلوه والله بس تأخر الوقت ولازم نرجع َدعناهم َ ومشينه.......

بعد مارجعنه للبيت جانت الدنيا ليل طبيت ل غرفتي بدلت وجنت كلش تعبانه ونمت ماحسيت على حالي الئ الصبح الباب تندك كلت منو كالت عمتي اني كلتلها تفضلي عمه طبت وكالت ها يالعروس ماناويه تشتغلين تحطين ايدج ب شغله لو بس كاضيتها نوم هناك كلتلها لا ليش كاضيتها نوم هناك اصلاََ اني بعدني عروس والبارحه ال 7 مالتي ف ماطلعت اشتغل ب النسبه للشغل هسه اطب اسبح واطلع اساعدج بي كالت يا شوف لسانها شطوله اني شكتللج وهيجي تنهدين بيه كلتلها والله ماكلتي غير حقج يمكن كالت الضاهر الحجي مايفيد كملي واطلعي على مود نقسم الشغل كلتلها خوش طلعت هيَ واني كلت مااريد اسوي َ مشاكل وماصارلي كم يوم من اني يمهم بدلت وكملت كلشي وصليت وطلعت جنت مستحيه من عدهم بس من شفت تصرفها وياي ايست من عدهم اول ماشافتني كالت ها وين تعالي كلتلها تفضلي عمه شنو اسوي كالت انتي عليج الكنس والمسح وحنين عليها الطبخ كلتلها ماشي كمت اخذت الوصله مال المسح والأدوات ورحت امسح واشتغل انكسر ضهري واني اشتغل بعدين باوعت للبيت يركص ركص من النضافه طلعت هي من غرفتها جان تكول هاي شماسحه اشو مامبين اني هنا شكد انقهرت فوك مانكسر ضهري واني اشتغل وفوك التعب تكول هيجي عفتها تحجي وطبيت ل غرفتي اجت حنين كالت يمعوده ميخالف لاتضوجين مو هاي اني وياج هم جانو هيجي وياي وهسه متعوده كلتلها تمام ماالي دخل ب احد اني اكنس وامسح وانتي اطبخي كالت تمام طلعت هيَ واني بدلت وعدلت حالي قبل شويه ولا كأنو عروس طميت روحي ورحت للجربايه طب علي وسد الباب كال هلا يحلو شلونج كلتله زينه الحمد لله كال ليش ضايجه صاير شي! كلتله لا ماكو شي كال لا احجي صاير شي كلتله لا ماكو والله ماردت اسوي مشاكل واني بعدني جديده ضلينه نسولف وهو طلع صوره لمن جان صغير وضل يشوفني بيهم واني وياه نضحك جانت اول ايام كلها حلوه وراها بلش الضيم........