(حياه اخرئ لاتشبه حياتي)

البارت الثالث

(حياه اخرئ لاتشبه حياتي)

(للكاتبه زهراء عباس)

(البارت الثالث)
         Zahra _abbas_313m

_كعدت على صوت المنبه الي كان مثل الرعب ب النسبه الي لان اليوم اول امتحان الي جان اسلاميه هيَ سهله بس. تعرفون لان اول امتحان ف راح يكون هناك تعب وقلق وخوف كمت بدلت لبست صدريتي جان لونه رصاصي ولبست جواريبي طلعت عباتي ولبسته ونزلت جوه لكيت امي محضره ال ريوك اليه كالت تريكي صراحه هنا مااكدر اتريك لان خايفه وقلق ف كلتله لا بس شويه جاي شربت شويه جاي واجه ال خط طلعت صعدت ب الخط سلمت على البنات وكعدت يم صديقتي ضلت تسولف وياي

اسراء :شلونج ولج مشتاقتلج

استبرق :زينه الحمد لله انتي شلونج

اسراء :زينه شلونه معنوياتج اليوم اني يعني زينه لان اسلاميه

استبرق:والله خايفه خاف مااجاوب لو ماانجح ف خليني كاعده وساكته فدوه خليه وره الامتحان نسولف

اسراء :تمام

استبرق :وصلنه للامتحان نزلنه من السياره ورحت دورت اسمي ب القاعات الامتحانيه لكيته وصاحو اسمي كلتلهم موجوده وراه. بلشو يوزعون الاسئله وال كتاب اني هنا خايفه اول شي قريت سوره الفاتحه (الحمد) لتسهيل أمري وقريت ال معَوذات بلشت اردد

بسم الله الرحمن الرحيم

الحمد لله رب العالمين
الرحمن الرحيم مالك يوم الدين
اياك نعبدو واياك نستعين
اهدنا السراط المستقيم
صراط الذين انعمت عليهم غير المغضوب عليهم ولا الضالين

              صدق الله العلي العظيم

_هنا كلبت الاسئله وبلشت احل سؤال سؤال مر الوقت والبنات طلعن واني ضليت اراجع ب ورقتي اخير شي سلمته وطلعت سالني ال بنات شلونه الاسئله جان جوابي جاوبت بعد يم الله جان اكو محل بره لمن طلعت رحت اشتري من عنده لكيت مره كاعده ب المحل سلمت عليه فتحت ال ثلاجه اخذت قوطيه. مال ببسي ونمبر وان وأخذت اقلام من عده حاسبته وطلعت رحت للخط شويه ووصلنه للبيت. دخلت والكل سالني شلون جان الامتحان

أم عبد الله :ها يمه بشري ولج شلونج ب الامتحان جاوبتي

استبرق :اي يمه جاوبت الحمد لله زينه الاسئله

أم عبد الله :الحمد لله يمه الحمد لله ان شاء الله خير وتنجحين وترفعين راسنه

استبرق :ان شاء الله راح اصعد ل غرفتي ابدل وانام حتى اكعد أقرا

أم عبد الله :روحي يمه اصعدي

استبرق :صعدت ل غرفتي فتحت الباب شفت الكتب مطشره وال ملازم تذكرت اني طشرتهن 😭😭😭لان ماعندي وقت الصبح وركض ركض كمت طلعت ملابس بدلت هدومي وعزلت ال غرفه فرشت فراشي ونمت ماحسيت على حالي بعد