الى متى يا زهرة التوليب

البارت 16

#الى متى يازهرة التوليب
#أيات البابلي

لاتنسون التصويت +متابعة الحساب +التعليق بين الفقرات🌼.

«____________________»

في أحدى صفحات ذلك الدفتر الاحمر

حين نبكي نحن النساء
لاننزل الى الشارع
ولا نختار حانة رخيصة للشرب
لا نكسر الكؤوس برؤسنا ولا بقبضاتنا
نحن فقط نخفي وجودنا المحترق
ونستمر بجلي صحون الغذاء
نسقي أصيص الورد على الشرفة
ونمسح بلور المرأه في الحمام
إنه الجهد الذي نبذله
بعناية أمومية
كي يصبح وجعنا مثاليا
حين نبكي لانغص ولانشهق
كي لاتسمعنا جداتنا الحكيمات
لا نسحب المناديل الورقية من جيب الحقيبة
الملقاة كيفما شائت صدفة بدلا من ذلك
نكتب على صنارة الصوف لنحيك شالا سميكا للعائلة السعيدة أو نصنع قوارب ورقية للأحفاد الصغار
أما حين يبكي الرجال
تصمت النساء وكأن العالم بدء بالانهيار. . . .

_همام: عفوا يا ست عندي قضية وحاب تستلميها

باوعت علي بثقة وجاوبت

_أثيلة: قضية شنو

_همام: قضية حضانة لصالح الأم.

اعتلتنا صدمة وبنفس الوقت زمن جانت صافنة تريد تتأكد من الي سمعته وكل احنه نريد شيء يؤكد كلام همام يخص قضية زمن او احنه متوهمين!

_أثيلة: عندي سؤال قبل كل شيء

_همام: أعرف شنو سؤالج ، حتگولين ليش ما انته الي تستلمها لهذه القضية

_أثيلة: بالضبط

_همام: أول شيء حاب تعرفي أن القضية تخص زوجتي زمن الي گاعدة گدامج

هنا أثيلة نصدمت وزمن جانت عيونها تلمع وتباوع لهمام وتبتسم وترجع تخجل وتنزل عينها وترجع تتنفس بسعادة ما مصدگة الي دا يصير

باوع عليها ورجع كمل
_همام: بصفتي زوجها الثاني بهل حالة القاضي ماراح يتعاون لطرفنا حيكون متعاطف مع الطرف الثاني طبعا، ومن ضمن دراستج للقضية وفي حال صار ماصار وماضل امل ان نكسب القضية گوليلهم نتنازل عن النفقة، والتفاصيل بعدين نتفق عليها

تم هذا الكلام واحنه گاعدين بلمحة بصر أثيلة جانت كلش متحمسة واحنه جنة كلش واثقين بيها مرجان جانت تربت على كتف زمن واحنه مستمعين للحديث الي دار بينهم بس هذا ما يمانع خوفنه من ردة فعل قبس الي ماعرف شنو حتكون اول شيء أحنه گاعدين ببيته وهسه الولد مؤهلين للزواج وبنفس الوقت طفل هذه المسكينة على كل حال اني قررت ما أبلغه أنتضر همام الي يبادر ويبلغ،

شوية وهمام قدم فايل ل أثيلة طلب منها أنها تدرسة وترفع قضية بإسرع وقت ممكن، فتحتة وبين ماهي فتحته اعتلت وجها صدمة ثواني ورفعت راسها لهمام وية عقدة حاجب، ورجعت نزلت راسها تتاكد من الي مكتوب.