الى متى يا زهرة التوليب

البارت 21

الى متى يازهرة التوليب

#بقلمي: آيات البابلي

لاتنسون التصويت +متابعة الحساب+التعليق بين الفقرات 🌼.

_______________________

جبت كلشي وعفت كلشي
ومدري شلون أجيت أمشي
أجيتك ردت أگلك شوف
ردنه نعوف كلشي وما گدىنة نعوف.

أجت الجمعة وهمام نضف ورتب ديكورات للبيت من كل عقلة ولوحدة بدون مساعدة أي أحد، سكينة حضرت نفسها ومرجان گعدت يمي ماتدخلت بإي شيء وكهرب حايرة تروح وترجع

_كهرب: عمه خطية خاف تحتاج شيء لازم نوگف وياها بهيج يوم

اجه وجايب مشية وياا خوال قبس تلاثتهم اجويي وقبس لحد هسه ما مبين گعدو الزلم الكبار بالاستقبال والصغار بالحديقة ربع ساعة ودخل تيم يصدمنه بكلامه

_بنت عميي ما نزوجهاا لغريبب.

كمل وهو يباوع على عم العريس

_بس اذا جان أبن أوادم ماكو مشكلة بس بشروط البنية غالية علينة وبالتالي مهرها راح يكون غالي

_تدللون شنو تأمرون أحنه حاضرين

تيم گايللهم على رقم للمهر جبير لدرجة عمامة يباوعون على سفيان يردونه يبطل وهو يگول موافق، الشيخ من راد يعقد گاللهم ميصير هيج أني ما أعقد على هذا هذا الرقم انتو شنو دا تبيعون، تيم يگول هذا العدنة يريد سفيان يبطل، وهمام مايگدر يتعارك وية تيم گدام العالم وسفيان يگلة شيخ بس أعقد أني راضي

صار جدال بس بالنهاية عقدو ماجنت أريد أطلع بس أتذكرت أمي من أجتني بالحلم تکلي ديري بالج على أختج وکفت يمها ومن دخل العريس طلعت ومرجان وزمن وشمس وين ما اروح وياية بس كهرب متقبل اجتي خاتون بس توليب ما قابله تجي
أريد بس واحد من الولد يجي يبشرني قبس أجه لو لا شوية واجتي كهرب تكمز وتگول لسكينة

_عمي قبس أجه أني شفته
من الفرحة عيوني دمعت سكينة ما اهتمت اصلا،
خابرت صوب گلتله تعال، أريد أتاكد صدك أجة، گال ماكو هيج حجي
_كهرب: أني شفت واحد لابس زيتوني

_صوب: لا مو هوه عمي قبس اصلا مايلبس زيتوني بس أسود

حتى أم عزت واخواتها أجني من سألت أم ماهر على مورسين گالت راحت لأختها توليب للبيت ميصير تجي هنا تنجبس العروس

دخل العريس وكلنا طلعنا بس كهرب ضلت تصور أم عزت حست عليه ضايجة همست يم أذني

_أم عزت: لا تخافين عليها،

_إلهام: خالة قبس ما أجة

_أم عزت: هو ضايج بعدين يتصالحون وينحل كلشي لتهتمين

گلبي أنقبض نمت هل مرة بدون ما أراقبها الليل كله، بكل الاحوال هسه صارت مرته وكل عادة زمن گامت تحير بالطبخ وشمس تساعدها من تشوف متين بالبيت ولمن يطلع يلله تروح للغرفة وبهاي الفترة كلها همه ما يتحاجون، همام يعامل ميسم كأبن حتى لو يأشر بالغلط على شيء يجيبلهيا مره جان يبجي ويصيح بعلوا صوته وامه حايرة شلون تسكته اجه همام على غفل
_همام: شبيك حبيبي