الى متى يا زهرة التوليب

البارت 24

#الى متى يازهرة التوليب

بقلمي آيات البابلي.

لاتنسون التصويت +متابعة الحساب+التصويت بين الفقرات 🌼.

______________________♡

ولو تدري انتَ شكد مهم
-بعدك بقينة بلا اسم
-ورسمونة مو نفس الرسم
-عندك عِلم؟
-ناسينة لو عِندك علم.

الهام: الكل يتأفأف بسكوت، شمس وزمن مبين من عيونهن الحزن والسهر
مرجان دا تنهار نفسيا تحتاج شخص يسندها علمود تحس نفسها مو وحيدة اگدر هسه اكون متيقنة بإنها لحد الان ما متخطية حادث وفاة أهلها اكثر من مرة اشوفها من تصلي تبجي بصوت ناصي تحاول تخفي شهگاتها

كهرب همين تمر بإزمة ساكتة دائما يمكن لأن يشوفني مخبوصة بسكينة، ومدا افهم سبب هذا السكوت علمود يسوون هدوء لسكينة لو شيء ثاني

حتى الولد ماعاجبيني محد يحجي وية الثاني مع انه ماكو مشكله بيناتهم بس ماعرف السبب

صوب دراسته صعبة ودا يمر بضغوط مقاطع كل الي بالبيت حتى كهرب وهذه الحالة تتكرر بكل سنه لان دخل تخصصه بسبب أمه الله يرحمها جانت تريدة دكتور بس من شافته دا يتأذة نفسيا تندمت لأن طلبت منه يروح طب بالتالي هذا التخصص مو كل شخص يدخله عن حب وصوب ماجان حابب الطب وما تخلص السنة الدراسية الة وصوب طالعة شيبة براسة، جان يحس روحه مقيد وهو شخصيته ما يحب الالتزام   يحب يشتغل ما يحب يدرس ويصير عنده وظيفة، وحقة اكيد اني شخصيا من اسمع بطاري الدراسة انجن، مرجان وكهرب نفس الحالة خصوصا مرجان ما الها واهس نهائيا بحيث الصبح قبل لاتروح للدوام تگوم تبجي وتداوم بس يومين بالاسبوع الباقي تغيب تكول أدرس بالبيت عندها كلشي ولا تتركني تريد بس تظل يمي

_ولج روحي أدرسي شوفي العالم وهو يجيچ الحماس

مو عل أساس ماتحبين گعده البيت وتحبين الصيدلة

_عمه لو انتي وياي جان حبيتها

_ولججج مرجااان

ردت علية قبل لا أكمل
_شلوون راح نزوجج

أما متين الي جان يشكي من دراسته بس مو بقدر صوب عدا هذه السنه كل ما يجي ويسأله قبس شلون الدراسه؟! يجاوبه الاخير
_مزفت كله صفارة بالكوزات
ويدخل لبيته وهو مايتحاجه
جانت هذه السنة الاخيرة اله بس جانت اكثر سنة مهمل بيها، يروح هو وشمس بس ما يتحاجون يرحون مطنگرين وترجع شمس الدمعه بطارف عينها

دخل قبس المغرب يفتر بالبيت مالگه أحد كلمن عازل روحه راح للولد وشافهم الوجوه كلها مگلوبة اجة وشافنه وحدة تتصفن بالثانية همس ورا ما حمحم يسمع سكينة

_وصيتلجن اكل من برة خلصن صلاة والكل ينجمع بالصالة على سفرة وحدة

خلصنا الصلاة وربع ساعة اتوسل بسكينة اخيرا گامت وهي خجلانة حضنتها وبستها من جبينها وهي تباوعلي مهضومة طلعنا للصالة ومرجان فرحت تموت على الجمعات أبد متحب ناكل الوحدنا سكينة من لمحت قبس ما رفعت راسها ، ما لگينا أحد بس قبس فارش بالگاع ويمه ميسم وأدم وشوذب وصينييتين كبار مالت مندي وعلى الصفحة الثانية صينيتين كباب والببسي البارد ، شوية واجت زمن وشمس گعدن من يم الجهة الي احنه گاعدين بيها وقبس يخابر عليهم وميسم ينادي بهمام وادم ينادي بصوب ربع ساعة نزلو أوجوهم مگالبة، هاي اول مرة نلتم على سفرة بعد الي صار بينة