< Unicode >
အမှန်ဆိုရလျှင် ထိုကောင်ကလေးကို အဓိပတိ သူ့ထက်အရင် လှမ်းမြင်ခဲ့တာဖြစ်၏
အနှီကောင်ကလေးသည်ကား မော်တော်ကားထဲမှတစ်စုံတစ်ဦးအား မျက်နှာချိုသွေးကာ စကားဆိုနေသောကြောင့် ကျုပ်အား သတိထားမိပုံမပေါ် ။
သို့သော်ငြားလည်း အနှီကောင်ကလေးအား မြင်လိုက်ရခြင်းကြောင့် ကျုပ်ရင်ထဲတွင်တော့ စမ်းရေကလေးတို့ တစ်စိမ့်စိမ့်စီးဆင်းသွားသည့်နှယ် အေးငြိမ့်ငြိမ့်ဖြစ်သွားသည်မှာ အမှန်ပင် ။
အနှီကောင်ကလေးသည် လူကိုခံစားချက်နှစ်မျိုး ပေးတတ်လွန်းသည် ထင် ။
ထိုကောင်ကလေး၏ မျက်နှာနုနု ၊ အပြုအမူပြောဆိုပုံတို့သည် တိမ်လွှာတို့ပမာ ဖြူစင်သည် ။ နေရောင်ပမာ နွေးထွေးသည် ။ ထို့တစ်ပြိုင်နက်မှာဘဲ လပြည့်ဝန်းလေးပမာ အေးချမ်းမှုကိုဆောင်သည် ။
ဟင်း! ... ဘယ်နှယ့်ကွာ ။
မင်းအကြောင်းကငါ့အတွေးထဲ ရောက်လာပြန်ပြီလဲလေ ။
မင်းက ငါ့နည်းတူ ယောက်ကျားတစ်ယောက်ဘဲ ။ ဒါကိုငါကဘာကြောင့် .... ကျစ်! ။
ခက်တယ် ။ သိပ်ကို ခက်တယ် ။
ဝေးဝေးနေစမ်းပါ ရွှေကျေးလေးရယ် ။
×××
" အငယ်လေး ဒီနေ့ အတော်စိတ်ပျော်နေပုံရတယ်။"
" အင်း .... ကိုကိုကြီးထင်တာအမှန်ဘဲ ။ "
သက်ညှာက ထိုစကားကိုပြုံးရိပ်သန်းနေသော မျက်နှာထားဖြင့်ဆိုသည် ။
ထိုအပြုံးကို စောထွေးသန့်က မျက်ဝန်းညိုညိုတို့ဖြင့် အလွတ်မှတ်လျှက်ရှိသည် ။
တစ်ဆက်တည်းမှာပင် 'အငယ်လေးကို ဘာတွေကများ ဒီလောက်ထိပြုံးစေသလဲ ' ဟူ၍လည်းတွေးမိသေးသည် ။
" တစ်ခါပြုံးရင် အသက်တစ်နှစ်ရှည်တယ်တဲ့လေ ။ ပြုံးတယ်ဆိုတာ ကောင်းတဲ့အလုပ်ပါဘဲ ။ အငယ်လေးခုလို အမြဲပြုံးနေတာဘဲ ကိုကိုကြီးမြင်ချင် စမ်းပါရဲ့ ။ "
YOU ARE READING
လရိပ်ပြာထဲမှာ မိုးတွေညို (Ongoing)
Romanceရွှေကျေးတစ်ကောင်ဟာ ရွှေပင်ပေါ်မှာ နေဖို့ဘဲထိုက်တန်ပါတယ်လေ ။ Fic cover photo အား Pinterestမှ ယူသုံးထားခြင်းဖြစ်တာမို့ အပြည့်အဝ Crdပေးပါတယ်။ ဤဇာတ်လမ်းသည် စာရေးသူ၏အတွေးကို ပုံဖော်ထားသောဇာတ်တစ်ခုဖြစ်တာမို့ မည်သူတစ်ဦးတစ်ယောက်ကိုမှ ထိခိုက်နစ်နာလိုခြင်းမရ...
