19
#سجينة_الحازم
#ديدا_الشهاوي
شادي بدا يشغل شاشات الكمبيوتر اللي ادامه واول حاجه فتحها
كاميرا في اوضه في الفيلا عنده
وكان فيها حد مربوط...
اكمل.....هايل ياشادي
شادي.. ها تدخل تتعامل ولا ادخل انا
اكمل.. لا انت اتعامل سبني انا في الاخر انا هتابع من بعيد
شادي.. تمام توكلت علي الله
علاوجاكي كانوا قاعدين مع بعض خلاص اول النهار علا هتسيب المستشفى وهتروح علي بيت والدها
جاكي.. حمد الله على سلامتك يالولوي
علا.. الله يسلمك ياجاكي مش عارفه من غيرك كنت هعمل اي بجد انتي نعمه الصديقه ربنا مدنيش اخت بس عوضني بيكي
جاكي.. انا اختك وصحبتك انتي قلبك طيب وان شاءلله ربنا يعوضك خير مع حد يستهلك
علا... مش الاول اخلص من اللي انا فيه انا خايفه من حازم اوي فكره لما كنت بشتكي لكي من سوء معاملته دلوقتي حططني في دماغه وخايفه يعند
جاكي.. حطك في دماغه عشان اكمل ظهر وهو انسان اناني عاوز كل حاجه ليه واول مايحس ان الحاجه دي اللي رميها حد هيخدها منه يجري عليها عشان يمتلكها بجد انسان طماع واناني ربنا يخلصك منه
علا... اكمل عمري ماشوفت في حنيته ولا طريقته انسان غريب تتشدي ليه بسرعه
جاكي.. الله علي الجمال الست علا بتتغزل في راجل غير حازم اتطورنا وبعدين بتتغزلي في خطيبي وانا واقفه
علا... بجد اتصدمت وقتها
جاكي.. اكمل عمل كده ولحق فهمني عشان حازم مش طايق اكمل في المستشفى ولا يكون قريب منك مكنش في غير الحل دا يفسر وجوده هنا
علا... جاكي هو انا كده غلط لو حسيت احساس ناحيه اكمل وانا متجوزه
جاكي.. لا طبعا.. اكمل كمان بيحبك ودا واضح عليه وبتهقيلي حازم مضايق من وجوده لاهتمام اكمل بيكي وبعدين ياعلا جوزاك ليه ظروف خاصه واظن اللي عمله حازم كتير وانتي مجرد احساس حلو مش القرف اللي بيعمله حازم
علا... يارب خلصني منه علي خير اول مره ادعي ان ربنا يفرقني عن حازم لانه مش شبهي
جاكي.. ان شاءلله خير
اكمل كان قاعد يراقب في شاشه الكمبيوتر اللي كان بيحصل
شادي... اهلا سامر بيه شرفتني
سامر... عاوزه اعرف انا فين وانت مين وجاي ليه هنا
شادي.. هنا ليه هتعرف بعدين.. انا مين انا واحد مكلف اني احميك فين عندي في بيتي
سامر... تحميني من اي انا مش فاهم حاجه
شادي... احميك مثلا من بلاغ هيتقدم للنيابه انك خطفت بنت اكبر مستثمر في البلد وساومته وطلبت فديه مقابل انك ترجعها
سامر.... محصلش كله كدب
شادي... طب بلاش دي انا كداب ايه رايك نبعد عن البوليس والنيابه ونبعت السديهات دي لواحد حبيبك
سامر.. سديهات اي مش فاهم
شادي... بص كده علي موبيلك افتح الواتس كده هتلاقي صور تعجبك
سامر خد موبيله وفتح الواتس وانصدم لما شاف صوره مع نهي في اوضه نومه اتفزع
شادي... ها اي رايك نبعتها لحازم مثلا ونشوف هيعمل اي معاك لما يعرف انك ماشي مع مراته ومقضيها في السرير معاها لا وخاطف مراته التانيه وعاوز تتهجم عليها
سامر... بفزع انت مين وعاوز اي وعرفت دا كله ازي
شادي.. هتعرف لما تكون معايا وتعمل اللي اعوزه منك انت بتحب الفلوس وانا هغرقك فلوس المهم تسمع كلامي
ساامر... موافق
شادي.. تؤ تؤ عاوزك تفكر كويس عشان اللي يكون معايا ميعرفش يرجع في كلامه.. هسيبك وهرجعلك بكره عندك كل حاجه اكل وشرب في التلاجه وخليك فاكر اللي معايا هيكسب
أنت تقرأ
روايه سجينة الحازم
Romanceرومانسيه مشوقه تدور حول فتاه تكتشف من احبته وتزوجته وابن عمها هو من سجنها في ظلمه ياتري هتفضل سجينته ام ستتحرر
