سلاسل الماضي

السلـسلـة الثامنـة 🔗🖤

بسمـهِ تعـالى ...

بَعدك ولا جاي اعرُف اهوىٰ
آنه وَفيّ مو انتَ تسّوىٰ،
تعاملني چَن لاگيني لَگوه
وآنه اغلى مِن شيجّي ببالك..
عِند يا عَصَب بالرّاس شيْمة
يمحي التفاصيّل القَديمة،
الـ خَلّت سنيّني بلاية قيْمة .

سلاسل الماضي بقلمـي انا الكاتبـة زهراء الشمري 🖤.

________________________________

مرت عدة سنـوات ..

::ـ كعدت على اثر لمسات على وجهـي فتحت عيوني بنعاس جانت شَجن  بنتي ابتسمتلي كمت سحبتها لحضني ابوس بيـها شفتها ضاجت على اثر بوساتي المتكررة سحبتـها وطلعت علمود ما يكعدون اخوانها واختـها ابوهم مو هنـا بالدوام بس اني وجواهر هنـا واطفالنـا

ـ طلعت للمغسلة غسلت وجهي ورحت للمطبخ اسوي ريوگ النا وبسكت لـ شَجن بديت احضر بالريوگ جواهر نايـمة يمكن لان ما طلعت كمل الريوگ رحت للغرفة كعدت ايهـاب ومهاب وسَدن علمود يتريگون اشرت ع المغسلة يغسلون ويجون انفتح باب الغرفة طلع اميـر و اسمر يفركون بعيونهم نزلت صينيـة الاكـل واشرت ع المغسلة اميـر راح واسمـر عاليـة ما يلوحـها هو بعده صغير بعدة هسه بلش يوگف رحت ويا غسلو ورجعنـا ناكل بهدوء سويت بسكت لـ اسمر مثل ما سويت لـ شَجن لان ثنينهم صغار اعمارهم سنة

ـ كملت الريوگ راحو للغرفة الي بيـها العابهم مثل ما متعود محمد كل ما ينزل يطلعهم يشتريلهم العاب الي يردوها غسلت الاماعين ونضفت المطبخ كعدت جواهـر سلمـت وسـئلت على جهالها

::ـ امير واسمر خلي اريگهم

::ـ راحو للغرفة يلعبون سويت ريوگ وتريگو كلهم

ـ باوعتلي بنضرة رضا
::ـ اي زين ، شنو راح تسوين غدة اني طالعة

::ـ ما ادري وين طالعة انتِ

::ـ للجيران صار هواي ما طلعت ما مليتو مني كعدي كعدي كعدت شستفاديت غير الخنگة

::ـ طلعي شعليه اني 

::ـ اي قابل اخذ رأيـج من اطلع

ـ حجيت بصوت ناصي
::ـ هو انتي زوجج ما ماخذة رأيـة تاخذين رأيي

ـ باوعتلي
::ـ شكلتي ما سمعتج

ـ ما رديت عافتني وطلعت
كملت تنظيف البيت ورحت اسوي غدة طلعت دجاجـة من الثلاجة خليتهـا بـ السِنگِ جامدة انتظرتها تحل واقطعها للغدة عفتها وطلعت اباوع للجهال لكيتهم يلعبون شَجن وسَدن سويـة يلعبن بيناتهم ما بينهم هواي سنوات شَجنة سنة وسَدن سنتين تقريب والولد كذلك كعدت يمهم شوية واتقرب ايهـاب گـال