سلاسل الماضي

السلسـلة الثالثـة عشـر 🔗🖤.

بسـمهِ تعـالى ...

مِن تنَعزل عنهُم لأن
مَا تعّرُف أحِساسك شَنو؟
لا ضِايج ولا فرحَانّ
محَد مزَعـِلك باْلبشَر
چا ليِش گلَبك زَعّلان؟
يردون مِنك أجُوبَه
متغيّر؟ و مُهمل صِرت؟
بَس بالأخير انتَ انسّان
تحَتاج رُوحك تِبتعد
كل مَا كُبر حَجّم الحَرگ
يسَافر بعيَـد الدُخانْ !.

سلاسل الماضي بقلمي انـا الكاتبـة زهراء الشمـري 🤍🤍.
______________________________________

جانت كلماتـة الي يهدئنا بيهـا

::ـ الله لو يريد ياخذ امانـتة ياخذها بكل وقـت ليش هل بجـي كلنـا نموت بعدين اني اذا ما اموت من المرض اموت من دموعجن تعبتني يابـه

ـ نبطل بجي ونذكر حالتة ونرجع نفس ما جنـا اخر شي نـام كامت اختي الكبيرة بيـدها ابنهـا فرتـة على راسم محمد وبـقت تحجي بصوت ناصي ودموعهـا على خدهـا اخر شي نطقـت

(يـارب شافي محمد وابنـي قربـان الـه )

______________________________________

ـ هيَ جانت مُجرد كلمـات البعـض يشوفها عاديـة والبعض يشوفها مو شي عادي وهوَ فعلاً مو شي عادي بعد نطقهـا لهـاي الكلمات انفجرت بـ البجي جنـا حايرين نسكتهـا لو نسكت نفسنا

امي ما قبلت على فعلتها وبقت تلوم بيها

ـ اردفت هيَ بعد نوبة بكاء و صوتها يرجف

::ـ ليش تلوموني كلولي شبيدي؟ كاعد اشوف اخوي وروحي من هاي الدنيا يذبل كدامي ولو يموت لو مُستحيل يبقى عايش وتردوني ما اسوي شي ؟ والله ما اكدر ما اكدر محمد مو شي عادي عندي هوَ مو بس اخوي هوَ اعز من روحي ولو يصير اخذ المرض عنَ اسويها والله

ـ سحبتها امي لحظنـها تسكت بيها وتصبرهـا ابنـها جان يبجي اخذتـه اسكت بي هدء ونـام خليته بمكانـة ورجعت يمهم

"گمـريـة"

ـ مـرت الشهـور ومحـمد لاحظنـا عليَّ التغيير كام يگدر يكوم وحدة بدون مساعده وخفت الدوخة منَ راجـع دكتور كالهم الحمدلله گدر يتخطى المـرض لكن يحتاج بعد راحـة اكثـر طول فتـرة مرضـة جان ماخذ اجازة اول ما رجع من الدكتور كال

::ـ بعد باجـر ارجع لدوامي

ـ وفعلاً رجع للدوام وضعة شوية متحسن بس رُفَض رَفض قاطع يبقى ولان جان مُجاز صار دوامة اكثر من قبل واجازتة اقل من قبل مـشت الايام فرحانين رجع النـا بـ أعجوبـة الاهيـة