سلاسل الماضي

السلسـلة السـابـعة 🔗🖤.

بسـمهِ تعـالـى ...

لهذا اليوم من يومه
عيوني مهجولة وتتحسر النومة
شگل للناس ؟
هذا اليحچي رسمي وياي
چنت البس من هدومة !
ذكرك بسملة وية الزاد
وانتة الغصة والگومة
وتتلولح تريد تطيح
غصن حطت عليه بومة
اليحب ويروح يدري شضل ورا بالليل ؟

كملوها ..

لا تنسون التصويت والتعليق بين الفقرات 🤍🦋.
________________________________

ـ مرت لحظات ودخل محمد لازم راسـة
::ـ راسك يوجعك اسويلك جاي ؟ خاف ضغطك صعد

ـ اشـر بـ ايـدة بـ لا وراح كعد ع الجربـايـة صافـن
تقربت يمـة گـال

::ـ ما ادري شسوي وياها بـعد والله مليت ذاك راحح مني وهو كل عمرة ما يتجاوز السنـة بسببها وسبب اهمالها وهسه تريد تحرمني من هذا

ـ صفنت عليَّ
::ـ محمد عندك ولد قبل غيـر اميـر ؟!!

ـ باوع بشرود وجاوب
::ـ اي

ـ باوعتلة مصدومة
::ـ منو وشوكت ليش ما اعرف

::ـ ما تعرفين لان قبل زواجنة وصغير هوَ مو الكل يدري بي

::ـ شكد عمرة وشنو سالفتة !!

ـ تشرد من سؤالي وثبت نضراتة ع اميـر الي جان صافن ما يرمش اشـر عليَّ وكال

::ـ كوم بابا باجر نطلع للمكان الي تحبة

ـ صافن ما يعرف الكلام موجهِ اله رفع نضراته على ابو
گالـة

::ـ تعال حبيبي تريد هسه نطلع لو باجر

::ـ وين

::ـ سفرة للـ رزازة مو انت تحبها وتكول من زمان ما رايحين

ـ هز راسـة وطلع من الغرفة

ـ نزل راسة محمد بيأس وكال

::ـ تعَـقـد شلون يطلع منها بعدَ صغيـر

ـ مسحت على كتفـة بحنيـة واردفت
::ـ مدام احنـا ويا معناها يطلع ان شاء الله

ـ تنهد بضيق
::ـ ان شاء الله خيـر ، انام لو تردين اسولفلج

::ـ نام ومن تگعد سولف عادي

ـ هز راسـة وتمدد طلعـت لكيـت اميـر والجهـال كاعدين بالصالـة وجواهر ما اعرف ويـن باوعت للبيت على حـالـة رحت يمهم كلـت الهم