نهوة غريب

"نهوة الرابع"

مَوقف وآحّد أطَفئ شُعور كامِل .
نهوة غريب

من جانب اخر
ابو سجاد كاعد بالبيت ويا ولده و اندكت الباب بالليل البيت متكهرب كل شيء متوتر بسبب سالفه سجاد.
اسامه راح فتح  الباب واذا ابو زينب. هو الي جاي ....
ابو زينب ما يدري شنو السالفه ابو البنية  جاي على تقصير سجاد وتعامله ويه بنته جاي يعاتب بس الي سمعه وشافه صدمه... ام سجاد ظلت تدك و تبجي...وحاولت ب اي شكل تغطي على ابنها وتلوف السالفه  وتركع...بس الاب مايرضى بالغلط....
_ والله يا اخوي اني....كلش فرحان راح اخذ بنت اخوي انا عندي اثنين بنات و هي الثالثه بس اني ك اب لزينب ...زينب مو بس  بنتك ومو بس انت ابوها؟ اكولك سالفه لا تنطيها  ل ابني. وإذا على  النيشان والغرفه والذهب والملابس؟ كله جوة رجليها خل تاخذة كله بس لا  اتورط بنتك و يه ابني... ابني واحد يلعب بعرض العالم واني اخاف على بنتك.

*اسامه انصدم من كلام ابوه. نفس الوقت فرح. ام سجاد تخبلت طلع لها كرون. شلون يكسر ب ابنه.
ابو زينب كال"
_ رغم هذا الموضوع الي يمكن راح أتجاوزه وراح يكون صعب على بنتي تتقبله بس  اني انا ما راح ارجع للبيت راح ابقى وادور وياكم على الولد مهما كان هو ابن اخويه قبل ما يكون خاطب بنتي صح ؟
ابو سجاد"
_خير ان شاء الله
جاري البحث على سجاد... سجاد المختفي من تقريبا اربع ايام...

من  عمار....عمار الي بعد اربعه ايام اجته مكالمه من ابو زوام مريضه.
ورجع  للبيت. وجان  يصادف سجاد....
عمار بس شاف سجاد حتى بعد ما داخل لبيت ابوه شغل السياره وطفر عارف امه بعد مانزلت قبله من السيارة ضلت تصيح يبووووو... ا يمه يمه يمه يمه عمار ...هنا وجانت  الساعه 11:00 بالليل سجاد  شغل الماطور وبكل سرعته ورا عمار.
هنا ابو عمار.
حار شيسوي. .....
وهنا اذا بماطور سجاد ينصدم بلوري ....
وسجاد ينشمر من مكانه.
ينضرب براسه ببلوك....سجاد فارق الحياة.
ما احد  عرف الي صار  ...عمار انهزم....وحتى ماباوع وراه ولأعرف بشي...
وراه 30 دقيقه ورجع على نفس الطريق وشاف ناس ملتمين  نزل من اافضول الي  كتله شنو اللي صار ياترى؟
طلع سجاد فارق الحياة بسبب حادث سير مروع.
*عمار احنا ما نعرف القدر شنو ضام النه؟
احنا ما نكدر نضمن القدر
ما قدرت اروح ابلغهم ل اهل  سجاد بالي صار ب ابنهم ... ...... بس بس هم لازم يعرفون

.
بالوقت الي ابو زينب و ابو سجاد يريدون يروحون يدورون على سجاد بعد مرور اربعه ايام من البحث الجاري المستمر المتواصل. واجاهم واحد من الشرطه جايب ويا سجاد وموبايله و محفظته  الي تحمل هويته. ...الصراخ والعياط والعزاء والتعاسه حلت على بيت سجاد.
مرضت الام......
مرت الايام والاشهر مر على وفاه سجاد سنه كامله.
اسامه رجال متواضع منتهى بشغله. بس قلبه بعدة يدك لزينب....
ابو زينب يجيب عائلته ب استمرار البيت اخوه رغم كلشي صار...
زينب تقضي وقت كلش حلو ويه  هبه وغصون...