نهوة غريب

"نهوة السابع"

#نهوة_غريب

هذا الصغير ينصحني ابتعد عنه هو شنو وراه ه.و شنووووو  ...تنرفزت وضاق صدري ياربي يارب...
اجاني مسج من قيس بعد ماصار هالموضوع كله"

_احبج ...واتمرض بدونج انتهي ...افتهمي ماكدر بدونج...

_انت شخص مجهول انت شنو ماعرف شنو قرارك انت ماتحبني قيس...

_اعشقج ..

_حيصير سنه سوة وياك عوووفني

_من تزعلين كلشي يخرب حتى رزقي يتوقف انتي شوفه وجهج عافية انتي الدنيا كلها ...

_اريد اشوفك...

_نفتح كام ...

_لا اشوفك حقيقية

_هههه تشوفيني احنه مو متشاوفين؟

_قبل سنه ...

_حبيبتي وحياتي اني وين وانتي وين شحلاتج تخبلين اخاف من تشوفيني اكثر تنهزمين ...لج غصون ...اني احبج اغار عليج اذا مر واحد من يمج افكس عيونه ...ادفنه اذا يياوع عليج...

_لاتذبح ولاتصلخ ااريد اشوفك افهمني قيس...لازم نشوف بعض عن قرب ونسولف وو...

وبعد ملحه وإصرار مني على هاي المغامرة ...اقتنع بس......الي فاجئني كال "

_حبيبتي اني هسه الشغل مالتي ...بس تكمل التصفيه نلتقي لان اني هم مشتاقلج كلش ...

_تصفي شنو ؟يامحل وين تروح وهذا باب رزقك قيس شبيك ...

_لازم اني نطيت كلمه...محلي راح ااجرة واني اشوف بنفس المنطقة  لو بالسيدية لوزيونه خوش مناطق تجارية ..

_تجارية؟؟تره حسب علمي مكانك زين وبي ربح يدر الك ملايين...وناسهم صح طلايب وسجاجين بس يحبوك ...قيس زين تروح عني اني حبيتك لان انت موجود يمي هنا ..

_اني موجود يمج ..اني احبج ..

_القصد انت يمي قريب

_حبيبتي راح اكون ٢٤ساعه اتواصل وياج هالفترة ماعندي شي بالعكس ياروحي ...

مر يوم ويومين واسبوع وقيس كل يوم ياجل بحجه تصفيه المحل مالته  اني يراودني شعور انه علاقتنا شبه منتهيه راح تصير ...

فعلا.
قيس. حدد يوم....واني حددت الزمان
اثنينا التقينا بمطعم بمول .
بالبدايه. اول مره اطلع حجه كلش بايخه...بخصوص اني عندي عود على شغل..... وصلت هناك حايره. كنت هناك طلعت التلفون اخذ صور
دق عليه ما جاوبته كتبتله  وين  انت واني لابسه فستان؟ انت وينك؟
كام يضحك كالي داشووفج انتي تمشين؟ ضحكت...
بسم الله الرحمن الرحيم. ضليت متوترة وصلت يمه سلمت عليه...
كالي تعالي ليجوة اخر المطعم  حتى ما احد ينتبه علينا.

  طلبنا اكل سولفنا سوة...باوع عليه ...
. غصون. احبج... خجلت...
ما اكدر اكول اكثر من شكرا وابتسمت
كانت اجواء كلش حلوه.
طلعلي سوار ذهب بي حرفي وحرفه.
_هاي الج حبيبتي.
_ليش؟