نهوة غريب

"نهوة ألثاني"

رئيَ الناسِ لايُحددَ منَ انتَِ؟.
نهوة الغريب

اسامه وعماد نامو ...والاب وعلي ضلو يشربون جاي ويسولفون على نقوصات المحل والطحين ...

سجاد ضل كاعد بالحديقة ويدخن ....اجت امه كعدت يمه هو راسا عدل كعدته وكال"

_هلا يمه ...باس راسها ...

_طفي جكارتك...ريحتها تخنكني...

_صار

_سجاد شبيك ويه علاوي ....

_يمه ابنج لسانه ماينحمل ...

_انت هم لازم تحترم اخوك.،اخوك اكبر من عندك. سجاد.
لاتسوي مشاكل وحزازيات  خلينا كاعدين على سفره وحده..... ملمومين. بعدين اشدعواك؟  كاعد وحدك وتدخن.
ترى انت واخوتك حالك احسن من حال علي المسكين.
نفس الوقت. علي. هو اللي بار بابوك هو اللي يعينه. وشوف شلون كاعد ديراجع حسابات الفرن وحتى عنده استعداد يطلع بالكية ويخلي ايدة ب ايد ابوك بعد ازيد... يمه سجاد اخوك حزام ظهرك. ...الاخ مايتعوض
سجاد ماقتنع بحجي أمه ...كام من يمها وكال"
_يمه اني تعبان ورايه شغل باجر بالمحل كلش مهم.
_سجاد شو انت ما تشارك؟ بسواك. في البيت؟

اخوانك  يساعدون بمصاريف البيت سجاد.
خلي بالك يمي...
احنا بحاجه  للفلوس فلس فلس لا تنسى انت وراك خوات غصون وهبه
ما اعرف شو اكول الك وليدي بس الله يهديك.
سجاد راح لفراشه وكانما شيئا لم يكن. طبعا سجاد ينام بالصاله اكثر الاحيان و ما يرتاح ينام بالغرفه.

ثاني يوم اسامه وعماد طلعوا شغلهم بالدوام.
و البنات راحوا لمدارسهم 8:30.
كعد علي  وامه حضرت ريوك ...الاب طلع يودي بالخط. بالكيه ياخذ طالبات للدوام.
اني وعلي شربنا شاي وطلع للفرن فتحه بدا يشتغل و وياه ٢ اصدقائه يشتغلون  داخل الفرن.
اما سجاد ...سجاد طلع من البيت ساق ماطوره... و راح للمحل دك على صاحبه عمار وكاله تعال خليني اشوفك وننفذ  الي اتفقنا عليه ...... يمكن سجاد انا اكثر المؤيدين لهذه الشغله بسبب فراغ او بسبب وقته الزايد الكبير.

بعد شويه عمار كال"
_تعال اخذني بالماطور ...
سجاد هم راح للبيت اخذ عمار وبوجهم طلعوا
ل مراكز بيع كاميرات مراقبه وتتصيبها ....
طلعتهم طولت ساعتين تقريبا...
بعدين رجعوا للمحل بعد ما جابوا كلشي يريدون من الكامرات وادواتها.
سجاد على اساس يجيب من الشركه ولد ينصب الكاميرا بس عمار كاله "
صاحبي يشتغل ب تركيب الكاميرات نطيته خبر هم ارخص وخلينا ننتظره يجي للمحل. مسأله وقت...

بعدين  عمار كال" سجاد اريد منك ريوك  معدل معدتي و بطني فارغه. الساعه 12:00 الظهر واحنا مبادلين....
المهم سجاد دز على  جاي. وبيض مخلمه. تريكو ويسولفون  وهنا اجه ابو الكاميرات. ركب لهم الكاميرات. داخل  المكان اللي تبدل بي  النساء.