على طاري حُب البعيد ؟ ،
انا گلبي تاهَ بحُب شخص مو بولايتي ؛
🍂💜
______________________
الكاتبة : نور الزهراء
الرواية : لاترحلي يازهرتي .
لاتنسون التصويت + متابعة الحساب❤🙈
____________
زهراء //گعدت الصبح على صوت ماما سمعتها تحچي وي بابا . صبحت عليها ورحت للحمام غسلت وجهي وسبحت وغيرت ملابسي وطلعت اول ما رجعت گلتلي....
زهراء تعالي هنا يمه گعدي يمي
:- گعدت يمها على السرير... تفضلي ماما
زهورة حبيبتي الزواج سنة الله ورسوله وإكمال الدين والله سبحانه و تعالى يگول في سورة
الرّعد: {وَلَقَدْ أَرْسَلْنَا رُسُلًا مِنْ قَبْلِكَ وَجَعَلْنَا لَهُمْ أَزْوَاجًا وَذُرِّيَّةً}
وعن النبي محمد صلى الله عليه وسلم یگول :
اذا اتاكم من ترضون دينه وخلقه فزوجوه .
وگال أيضاً : ما بني بناء في الاسلام أحب الى الله من التزويج.
و گال رسول الله(صلى الله عليه واله وسلم) : تزوجوا فأني مكاثر بكم الامم غداً
الزواج مهم يايمه تبنين بيتچ على حب الله واهل البيت عليهم السلام وتكونين عائلة وتربين اطفالچ على نصرة أبن الحسن عجل الله فرجه وهيچ يايمه تنصرين دينچ وفعلتي ماامرا به الله سبحانه و تعالى وما أوصى به نبينا المختار المصطفى صلى الله عليه واله وسلم
اني حچيت وي ابوچ وهوه گال اذا زهراء قبلت خل تشوفه و تحچي وياه وأبو فاطمة بمكاني يروح وياكم وهم يشوف العائلة ويتعرف ويسئل عليهم .. والله كريم ...
إذا تقبلين تشوفينه وتتعرفين عليه حتى نحدد موعد للقاء. ومن بعدها قرري على راحتچ .. ها يمه شدگولين
:- الساني نربط وايدي ترجف احس گلبي يطلع من بين ضلوعي حرت شسوي.. دعيت بگلبي .. اللهم وكلتك أمري.. مولاي ياصاحب الزمان فدوه اروحلك مولاي ساعدني أختار القرار الصح إذا تبقى عليه اضيع...
ها يمه شو صفنتي شقررتي
:- إن شاء الله ماما اشوفه إذا مناسب موافقه واذا لا الله يعوضه بالاحسن مني ويعوضني بالاحسن منه ..... انتبهت على نفسي من امي گالت
خير إن شاء الله راح اتصل على ام حسن اشوفها ونقرر بيا ساعة فارغين اليوم
:- شنووووو شنو اليوم شتحچين ماما
شبيچ غير العصر او بليل نطلع عدنا وقت منا للعصر اشوف أبو قيس بيش الساعة نطلع اليوم للنجف وبعده أتصل على أم حسن.. انتِ حضري روحچ من هسه
أنت تقرأ
لاترحلي يازهرتي
Açãoحبيبتي .. لا ترحلي .. آه يا دمعي هل حان الرحيل ؟؟ قفي .. لا ترحلي .. فهناك أنات تذوب توجعا .. فحبيبتي هنا ما زالت في قلبي .. لا ترتحل يا دمعي المحزون .. لا تبكي أيتها الجفون .. آه يا عيني مالك تنزفين .. هل حان الوداع ؟؟ هل عزمتِ على الرحيل ؟؟ .. لم...
