داخل إحدي الحارات الشعبية
رددت سيدة بشوشة للغاية وهي تتوجة الي غرفة حفيدتها الغافية. ياقمر إنتي يابت يلا إصحي
أفرجت قمر عن بنيتها الجميلة لتردد بابتسامة ناعسة وهي تعانق جدتها وتغفو داخل أحضانها مرة أخري .صباح الخير ياستي
رددت الجدة بابتسامة بشوشة وهي تقبل جبين طفلتها الغالية فاتلك الطفلة هي وصية إبنها الراحل لها قبل وفاتة .صباح الخير ياختي صباح الخير ياروح ستو وعقلها وروحها
ضحكت قمر بقوة وقامت بمعانقة جدتها
لتردد الجدة بحنان وهي تتلمس خصلات شعرها برفق .بقولك ايه ياقمري عاوزة أقولك علي حاجة بس نفسي تسمعيني
جلست قمر علي الفراش وأخذت تردد بشحوب وخوف شديد ظهر عليها بوضوح .خير ياستي هو هو أنا عملت حاجة وحشة
تنهدت الجدة بحزن وأخذت تردد ببعض الضيق .طيب ممكن أعرف أنا قولت ايه عشان تخافي بالشكل ده
ضحكت قمر باصطناع ورددت بلهاث وهي مرعوبة من الداخل. هههه خايفة ايه بس ياستي أنا مش خايفة خالص بالعكس أنا كويسة ههههه
أومات لها الجدة بقلة حيلة لتردد بعدها بابتسامة متلهفة .المهم أنا بقا عاوزاكي زي الشطرة كدة تفطري وتلبسي وتنزلي تدوري علي شغل
رددت قمر بذعر شديد ويدها الاثنين بدأو بالارتجافة القوية .ايه أنا أشتغل لا لا مش عاوزة أشتغل أنا مش عاوزة أخرج من البيت لا لا مش حاقدر أشتغل محدش حايرضي يشغلني أنا شكلي وحش أوي والناس بتتريق عليا محدش حايرضي يشغلني
رددت الجدة بحزن علي حالها فاتلك الصغيرة تعاني من تعب نفسي يسبب لها الخوف الزائد عن الحد الطبيعي فمن أقل كلمة ترتجف ويرتجف قلبها ويشحب وجهها من شدة الخوف .يابنتي حرام عليكي مينفعش كده لازم تخرجي تشتغلي تفرحي أنا نفسي أفرح بيكي ياقمر أنا قلبي بيتقطع لما بشوفك قاعدة في البيت ليل ونهار لا ليكي صحاب ولا بتعرفي تقولي كلمتين علي بعض
عشان خاطري يابنتي إسمعي كلامي عشان تخرجي من الهم اللي إنتي فيه ده
إنتي مشاء الله خلصتي الدبلوم وبقا عندك
تلاتة وعشرين سنة أنا نفسي أطمن عليكي قبل ماموت
رددت قمر ببكاء وهي تعانق جدتها بقوة .بعد الشر عليكي ياستي عشان خاطري متقوليش كده
رتبت الجدة علي كتفيها المرتجف وأخذت تردد برجاء .طيب عشان خاطري يابنتي إسمعي كلامي مافيهاش حاجة لما تجربي ماالدنيا كلها بتشتغل أنا عاوزاكي تعتمدي علي نفسك مش عايزاكي تحتاجي لي أي مخلوق في الدنيا
إبتلعت قمر لعابها أكثر من مرة وأخذت تردد بشجاعة مزيفة وعقلها منغرز بالخوف والتوتر .ماشي ياستي أنا حاخرج أدور علي شغل أوعدك مرجعش غير لما الاقي شغل
سعدت الجدة كثيرا وقامت بمعانقة طفلتها بحنان وحب
لتردد باستعجال وحماس وهي تنهض من مكانها .طيب قومي بقا عشان تفطري وتلحقي اليوم من أوله
أنت تقرأ
قمر لم يكتمل
Fiksi Umumفتاة بائسة مسروق منها أبسط حقوقها وهي الأمان والسكينة بين ليلة وضحاها تنقلب حياتها وتصبح بعالم أخر بحياة أخري لا تعلم كيف أتت ولكن مايحزنها ويذبح قلبها هو كيف ستواجهة هذا العالم بضعفها
