اليوم راح ابدي اول بارت من القصه انشاءلله تعجبكم 💜
2023/10/2
يوم الاثنين الساعه 12/34 دقيقيه مساء _________________________________ في احدى محافضات العراق توجد هناك فتاة مليئه بالاحلام والاهداف وتسعى لتحقيها ولاكن يحدث شي ما لم يكن في الحسبان..... ( في عام 2010 )
جنت كاعده وفرحانه لان دا احضر بملابس المدرسه وهاي اول سنه الي عمري 10سنين والفرحه مسايعنني لان راح اداوم وابدي ادرس واحقق حلمي اصير محاميه قانون بس صار شي كسر فرحتي ومو بس فرحتي فرحت الكل ...
جنه كاعدين اني وامي وخواتي وسمعنه صارت ضجه بره رحنه طلعنه وجان اشوف عمامي وابويه وناس ملتمين اصلا مشايفيهم ولا نعرفهم يتهجمون على البيت اجه عمي كال لابويه...
احنه جنه اطفال وبس نسمع الحجي ونبجي خايفين على ابويه وكلام عمي رعبنه وبس منعرف منو شنو السبب عاد خلينه ورحنه لبيت عمي طبعاً اني بزر الكعده اصغر خواتي واخواني همه كلهم كبار ...
المهم رحنه لبيت عمي وبقينه هناك اسبوع كامل لا ليلنه ليل ولا نهارنه نهار بس خلال هذا الاسبوع ابويه ماكو مختفي وامي تتكرضم عليه ومن نسأل عليه يكولون النه هوا بالدوام عاد غلسنه وسكتنه وهم شويه ارتاحينه لان ميكدرون يكتلو لان هوا بالدوام عاد غلسنه وسكتنه...
اجت ايام وراحت ايام واحنه على هذا الحال منعرف شنو المضموم النه وشراح يصير كلما نرجع لبيتنه تصير مشكله وصياح الي ان سوو كاعده بيتنه اجوي عمامي كلهم واحنه نسمعهم يحجون قضيه شوف وتهمه ضليت مصدومه شنو شرف شنو تهمه ....
الي ان امي واخيراً نطقت وحجت لاخويه الجبير...
ميس:اسمع يوم ابوك تهم مرت عمه تخابر رجال غريب وكال لعمك وهسه عدنه طلابه نوب يمه اخوان مرت عمه كلهم ضباط يعني كلهم بالدوله وهسه يردون يكتلون ابوك لان تهمها .
اني اسمع حجي امي ودموعي عشره عشره على خدي يعني شنو ابويه راح يموت بعد منشوفه راح يكتلونه شنو هاي المصيبه الي وكعت على راسنه ياربي استرنه وطلعنه من هاي المشكله سالمين يارب ...
المشكله مو هنا المشكله انو عمامي كلهم واكفين ضد ابويه ضلينه حايرين ومنعرف شنو نسوي وامي خطيه حالها اسوء من حالنه بعد مابيدنه شي بس الدعاء ونسلم امرنه لرب العالمين هوا يحلها النه....
عاد همه جابو شيخ وصارت الكعده والف الحمدلله مرت على خير وحل المشكله انحلت المشكله على اساس سوء فهم ...
جتي المدارس وداومنه مرت ايام وراحت ايام ...
الي ان يوم رحنه لبيت عمي نتعلل ونرجع صلة الرحم بيناتنه جان الباب مال بيت عمي بي مثل السيم بس نسحبه ينفتح الباب عاد ابويه سحبه وفتح الباب ودخلنه وياريت ما دخلنه ...
دخلنه البيت وجان نشوف منضر عمري كله ما راح انسا شعر راسنه وكَف من الصدمه شفنه......
يتتبع. _________________ لهنا وكملنا البارت الاول اسفه لان قصير بس هل مره لان تعرفون مدارس وانشاءلله القصه راح تكون حلوه وتعجبكم ولتنسون صوتو على القصه وانطوني رئيكم بيها ...
راح اخلي حسابي مال الانستكرام تابعوني عليه وانطيكم تغشوشات للبارت الجاي او البارتات الجايه انشاءلله .
حساب الانستا💜
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اجر الي والكم 🫶🏻💜 ˚˚ ﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ - سُبحان الله . - الحَمد لله . - لا إله إلا الله . - الله أكبر . - لا حَول و لا قوة إلا بالله . - سُبحان الله و بِحمده . - سُبحان الله العَظيم . - أستغفِرُ الله الْعَلِيُّ الْعَظِيم وَأَتُوبُ إِلَيْهِ. -لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ. -اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ. -يا مقلِّبَ القلوبِ ثَبِّتْ قلبِي على دينِك .
