كسرَة اوتار

الوتر الرابع

السلام عليكم ✨♥️
شلونكم بنات انشاءلله زينات 💕✨
_________________________________________
فوگ حِزنَك يا حِلو جالَك حِزن .

شايفين شعور الخذلان ومن تيأس من الحياة وتحس حياتك صايره عباره عن حزن وهم وتعب وطعم السعاده مشايفي هيج شعوري حالياً عايشه على الامل برب العالمين عسى ولعل الله يفرجها عليه ....

اكلت جاي وخبز واحس ردتلي روحي من الصبح كلشي مماكله هسه يالله اكلت وانوب نهد حيلي بالشغل كملت اكل وكلت ما اكو لا لاهلي ولا لزوجي حتى متصير مشكله بسببي نوب فوك ما هيه تكرهني تكرهني بالزايد اني ناقصه البيه مكفيني واصلاً حته فكرت وكلت عيب نتعارك علمود اكل هسه شيكولون عليه مشايفه كملت اكل وغسلت كوب الجاي مالتي ورحت صعدت صليت وكعدت ادرس ...

بوكتها حرفياً تأذيت جنت صف رابع علمي وانتو بعد يمكم لحساب ولازم دراسه وتعب واني منا دا اتعب من الشغل والجوع ومن الارهاق وحته قليل دا انام نومي كله تخربط....

كعدت ادرس واصفن لمستقبلي واكول بيني وبين نفسي ياربي شنو الشي الي سويته بحياتي حته ديصير ويايه هيج بعدني بدايه عمري وهيج شحال لو عشت وياهم طول العمر ولله ادمر كلي ....

كعدت اكتب الواجبات واقره واقره واحس بالي مو يم شي اريد بس يجي الصبح حتى اخلص من شوفتهم احس المدرسه صارت مهربي الوحيد وافضفض لصديقاتي ع الاقل هناك ارتاح شوي من شوفتهم كملت دراسه ...