اولاً السلام عليكم ورحمة وبركاته
طبعاً اني كاتبه جديده على الواتباد لان هايه هوايتي الكتابه
وصلتني قصه بنات حرفياً حلوه وبسيطه وبيها معنى وقوه للبنات راح اكتب مشهد وانشاءلله بعدين انزل البارت
__________________________
كعدت من النوم رحت توضيت وصليت تنهدت واني افكر شراح يصير بحياتي ومستقبلي المجهول
نزلت جوه جان عمتي تكلي.
نهاد: يالله سويلنه ريوك.
كتلها:حاضر عمه دللي هسه راح اسويلكم.
سويت ريوك وهمه بالعاده يكعدون كلهم سوا فأني استحي سويتلهم ريوك وكلتلهم ما اشتهي كعدت انضف بالمطبخ وامسح بالكاونترات جابو مواعين الريوك وكعدت اغسلهم ونضفت البيت وهم اجاهم خطار وكعدت اسوي غده جان يجي زوجي ويكلي...
سيف:اوتار اني راح اروح لبغداد.
اوتار:ليش؟
سيف:اتونس.
اوتار:تره بعدنه عرسان شلون تروح...
سيف:حبابه ليبلش النكد مالتج تره روحي طافره وتعبانه.
عافني وراح كملت الغده وتغدو وغسلت المواعين راح هوا لبغداد اني بطبعي اخاف ابقه وحدي فأتصلت باختي كتلها ابقي احجي وياي لان اخاف وحدي الشي الي استغربته انو عيالي مكلوله ميصير هذا الشي عاد غلست وسكتت لفيت راسي ونمت..
كعدت الصبح نفس الروتين وعيالي كالو راح نطلع حته ما كلفو روحهم وكلولي تعاي ويانه بقيت اني وحدي وبس حمويني يمي ولله عاد خليت وصعدت لغرفتي وقفلت الباب خفت يصير شي الشيطان شاطر..
مرت الايام ورجع زوجي من بغداد بقه بس اسبوع ...
كام يسبح ويطلع ميرجع لل3 بليل عاد اني مليت من هذا الحال وطكت روحي فمن رجع سألته...
اوتار:ليش دسوي هيج تره كاعد تأذيني شنو ترجع ساعه ب3بليل ميصير هيج.
سيف:لعد شترديني احبس روحي مثل النسوان حته ترتاحين.
اوتار:موهيج بس اني اريد يمي .
صار جدال بيناتنه عاد هوا ما تحمل وضربني كلي روحي طافره لتبلشين وياي عاد اني عفته ورحت وضليت ابجي...
_________________________
بنات هذا مشهد من القصه انشاءلله تعجبكم وهاي بدايتي شنو رئيكم بالسرد
وانشاءلله باجر او عكبه انزل البارت الاول وانشاءلله تعجبكم
احبكم....
🫶🏻💜
أنت تقرأ
كسرَة اوتار
Fiksi Umumفتاة مليئه بالاحلام والاهداف ولكن يحدث شيء يقلب كل الموازين ولم يكن بالحسبان بقلمي انا الكاتبه#نور حاتَم
