كسرَة اوتار

الوتر الخامس

هلو بنات شلونكم انشاءلله زينين اسفه على التأخير تدرون ضروف ودراسه واتمنه تتفهمني 🩷🦋
احبچن♥️
_________________________________
گعدت من الصُبح خايف
أحِس خطواتي ما يمشِن
دِرت وجهي إعلى المرايَة
مَلامح وجهي مو هيّ
أمس خَليتهن عِدمَن ؟
انه لا شاب لا شايب
ولا آنه بگد الـ بحِيلي
حِرت وياي ، انا بگدمَن ؟
_________________________
كعدت ثاني يوم الصبح رحت للمدرسه وشفت صديقاتي الاحبهم وتعدلت نفسيتي شوي بشوفتهم مرات تحسون الاصدقاء دوا للروح تحسون يومكم ميكمل بدونهم اني هيج صديقاتي دوايه صارن لان بس هنه ما مأذياتني ...

مشه اليوم طبيعي وخلص الدوام ودعتهم وكلعاده خلص الدوام ورجعت لعيالي من رجعت احس روحي بسجن لعبان نفس ع الاخر نضفت وطبخت وخلصت كل شغلي وصعدت انام لان دايخه واليوم كلش تعبت نفذت طاقتي شغل ومدرسه واحس روحي مفرفحه من التعب كلت يمكن...

جوعانه فنمت وكعدت العصر اكلت شنو باقي من الغده اكلت وكملت وصعدت اقره سيف ما اشوفه بس بليل ومن يجي يضل عصبي ويضرب واني نايمه احسن شي يسوي ميجي ....

كملت دراسه وردت اغير من نفسيتي لبست تراك وخليت مكياج وعطور وع اخر حبه طلعت حلوه شكلي بسيط ملامحي ناعمه عاديه حالي حال كل بنيه كملت كلشي ورحت نمت كلت اطير السلبيه كافي كله قهر ..

نايمه وحسيت احد بالغرفه كعدت لكيته سيف باوعلي وكال..

سيف: ماشاءلله متمكيجه المن هل مكياج .

ضليت صافنه بوجهه هذا شيقصد وصلت بي لدرجه يشك بيه كلته...

اوتار:شنو يعني قابل ما اتمكيج حرام .

سيف:خاف لحبيب الكلب .

اخذ التلفون من عندي وكعد يفتش بي كلبه كلب كلشي ملكه كتله..

اوتار:شبيك؟؟

سيف: مدخلج.

عفته براحته طبه طوب مادام ماعندي شي عليمن خايفه دروح ولله مللتني شاف التلفون كلشي مابي ذبه ع الجربايه وطلع ...

من طلع دموعي بدت تنزل وحده ورا اللخ مردت ابجي كدامه وابين ضعفي اله نهاريت كلش اني هم بشر استحق اعيش حياة حلوه مو كله تعب وضلم ماكول غير الحمدلله تعلمو شغله وحده دائماً نامو وانتو مضلومين ولا تنامون وانتو ضالمين شخص لان حوبته راح تطلع بيكم الحمدلله على كل حال ....