الحلقة 12 🧡
#عشق_يونس (سلسلة عالم العشق)
بقلم / شهد السيد (ديڤشا) Shahd Elsayed____________________🫶
⟨ 12 ⟩
ركض "وليد" سريعاً إلي المكان الذي يجلس فيه "يونس" و "نيروز" فرأه "يونس" بذلك الشكل فنهض سريعاً و نظر إليه و قال
: في ايه يا "وليد"
"وليد" : لازم نمشي حالاً "مايكل" هيعمل عملية جديدة كمان ساعتين الإدارة لسة عارفة المعلومات دي حالاً
"يونس" بعصبية : ازاي دي قضيتي انا و حاطط مراقبة كبيرة ع "مايكل" ازاي وصلهم الخبر قبلي
ليخرج "يونس" هاتفه من جيب بنطاله ليجده ليس معه و لقد نسيه في غرفته بالأعلي لينظر في يده إلي ساعته الحديثة ليقوم بتوصيلها بالهاتف ليجد كم هائل من الاتصالات قد وردت إليه و لكن الهاتف لم يكن معه ..
ليتحرك هو و "وليد" و يذهبوا إلي "زياد" و قد أتي ايضاً "مروان" عندما رأي حالة "وليد" تلك
"يونس" : محدش يتحرك من الفيلا هنا إلا لما احنا نرجع حتي لو لقتوني بايت برا محدش يتحرك من هنا نهائي
"زياد" بقلق : ليه في ايه يا "يونس"
"يونس" بتنهيدة : رايح عملية و احتمال كبير تبقي ملعوب من الكلب "مايكل" اللي كان خطف "يُسر" قبل كدا و اللي عمل مشكلة المول .. حاجة واحدة طالبها منكم كلكم محدش يعتب برا باب الفيلا لحد لما ارجع و هكلم حراسة كمان تيجي تأمن ع الفيلا من هنا
"مروان" : متقلقش يا صاحبي كل اللي هنا في حمايتنا روح ربنا معاكوا
لينظر "يونس" إلي "نيروز" لتطمأنه بأعينها ثم تركها و ذهب هو و "وليد" تحت نظرات الجميع
____________________🫶
ذهب "يونس" و معه "وليد" إلي الإدارة حيث مقر عملهم و عرفوا كل المعلومات اللازمة عن العملية التي سيقيمها "مايكل" و هذه المرة كانت عملية سرقة أعضاء الأطفال و ستقام في مستشفي صغيرة نائية بعيدة غير معروفة حتي لا يثير الشبهات و قاموا بإختطاف المئات من الأطفال و موجودون في المستشفي حيث ستبدأ العملية بوصول الأطباء التي ستخدر تلك الاطفال و يقتلونهم بدون ضمير و يسرقون أعضائهم ..
رسم "يونس" خطته التي سيقوم بها وحده و سيساعده "وليد" و من بعدها سيترك الشرطة تلقي القبض ع الجميع ..
كان يقف فوق قمة المستشفي و من ورائه يقف "وليد" ينتظر أوامر "يونس" فتلك المهمة لـ "يونس" و هو يساعده فقط
"يونس" بصوت صارم : زي ما انت بالبالطو و السماعة هتدخل عليهم كأنك دكتور و انا هعمل زي ما بعمل كل مرة بدخل من غير ما حد يحس بيا
"وليد" بمزاح : ايوة ما انت الشبح مين قدك بقا
"يونس" بصرامة : مش وقت هزار يا "وليد" .. هقبض ع "مايكل" تكون انت بالمرصاد واقف للحرس اللي معاه ع طول و الشرطة تهجم في الوقت دا
أنت تقرأ
عشق يونس (سلسلة عالم العشق)
Randomمقدمة ❤️ أحياناً لازم تحصل حاجه في حياة الإنسان تبينله قد ايه فطرته الإنسانية موجودة و عمرها ما هتختفي ابدا ربنا انعم علينا بالفطرة دي اللي مش هتروح ابدا من اي شخص فينا حتي لو كان بيثبت عكس كدا كل واحد جواه الإنسانية بالفطرة و عمرها ما هتروح ابدا...