عشق يونس (سلسلة عالم العشق)

الحلقة التانية

الحلقة 2 🧡
#عشق_يونس (سلسلة عالم العشق)
بقلم / شهد السيد (ديڤشا) Shahd Elsayed

________༆•

⟨ 2 ⟩

مر اسبوع و قد يأس "يونس" من رؤية الفتاه مره اخرى .. لم تظهر ابدًا منذ اول مره رآها ولكن يشاء القدر اليوم بعد غياب اسبوع يجدها "يونس" تجلس في نفس المقعد عندما كان يمارس رياضته اليوم .. ارتسمت ابتسامه تلقائيه على وجهه عندما رآها فإقترب "يونس" من مقعدها وجلس بجانبها مع مسافه ليست قليله بينهم .. رفعت اعينها لتواجه عيناه .. لينظر "يونس" الى فيروزتيها التي سحراه في تلك اللحظه ولا يعرف ما الذي حل عليه .. ولم يعد يعرف ابعاد عيناه عن تلك الفيروزتين التي بعينيها

ابتسمت بهدوء وقالت له

: شكراً ع اللي حضرتك عملته معايا اخر مرة

"يونس" بنبرة هادئة : أي حد مكاني كان هيعمل كدا متشكرنيش و لا حاجة .. المهم انتي كويسة دلوقتي ؟

وجهت نظرها للأمام ثم قالت

: لسة عايشة عادي يعني

انزعج "يونس" من كلمتها تلك فقال

: لسة عايشة ؟ طب ليه بس تقولي كدا يا ... صحيح انا معرفتش اسمك ايه؟

نظرت له و ع وجهها ابتسامة صافية

: "نـيـروز"

"يونس" و هو يردد الاسم بإعجاب : "نـيـروز" .. اممم ، غريب لكنه حلو

"نيروز" بإبتسامة جانبية : شكراً .. انت اسمك ايه؟

: "يونس"

: عاشت الاسامي

"يونس" بإبتسامة : تسلمي

لتطلق "نيروز" تنهيدة حزينة فيراها "يونس" هكذا فيقول

: مالك بس كدا في حاجة حصلت جديدة ؟

"نيروز" بنبرة ضيق : حاول يعتذرلي كتير و انا رفضت كل اعتذاراته و اديتله شبكته و هداياه و كل حاجة كان جايبهالي و لما لقي خلاص إن انا رفضاه نهائي راح لشغل اخويا و عمله شوشرة و خلاه يتطرد منه بس عشان ربنا بيحب اخويا و مش بيرضي بالظلم ابدا تاني يوم ع طول اخويا لقي شغل الحمدلله

"يونس" بنبرة هادئة : طب الحمدلله ربنا كرم اخوكي اهو مدايقة لسة ليه

"نيروز" بنظرة حزينة : خايفة يعمله شوشرة في شغله التاني دا و يتطرد منه بردو

"يونس" بنبرة اطمئنان : لاء متقلقيش ان شاء الله اخوكي يكون شغال عند ناس كويسة مش بتسمع للكلام الوحش عن حد غير لما تتأكد

"نيروز" : يارب

وقفت "نيروز" عن مقعدها ليقف "يونس" و هو يقول سريعاً

: راحة فين ؟

"نيروز" بنبرة هادئة : همشي عشان عندي جامعة و هتأخر لو فضلت اكتر من كدا ، انا كنت جاية اشكر حضرتك لو لقيتك و الحمد لله لقيتك .. عن اذنك