(وحشتوني أوي .. رجعتلكم من جديد بعد المصرية والملاك الكوري برواية جديدة زي العسل للبطل القمر في مسلسل فينشينزو إللي أنتو عارفينه أكيد ويارب تعجبكم كلكم وتحبوها وألاقي تفاعل عليها يفرحني عكس الرواية إللي فاتت 🥺)
©©في بناية كبيرة بأحد أحياء منطقة النميس ...
#وفي الطابق الثالث تحديداً الذي تقطن فيه بطلات رواياتنا المشاكسات المليئات بالمرح وبالشقة الخاصة بعائلة سهيلة فدلفت والدتها إلى غرفتها لكي توقظها بصعوبة من نومها لتذهب إلى عملها بمكتبها للمحاماة وهو مصدر سعادتها الوحيد مثل أصدقائها ...
"والدة سهيلة" بابتسامة وجلست جانبها :- يا سوسو يلا قومي بقى الساعة بقت 9 الصبح وعندك موظفين بتشتغل معاكي وبتساعدك ياروحي يلا إصحي بقى .
"سهيلة" بنعاس وغطت وجهها :- يووه يا ماما ده أنا نايمة الفجرية وكنت بشتغل على قضية مهمة تخص أشخاص جامدة ومقدرتش أقاوم وغلبني النوم .
"والدة سهيلة" بجدية :- أهو بتقولي إنها مهمة طيب يلا قومي بقى تعبتيني معاكي ومع نومك المقلوب أنا هقوم أنده أبوكي وهو يصحيكي أحسن .
"سهيلة" بهلع ورفعت الغطاء :- لأ لأ لأ خلاص هقوم أهو ياستي وعلى إيه يعني تخلي بابا يسيب مكتبه وشغله وييجي علشاني أنا صحيت أهو والله وقايمة أجهز بسرعة خلاص بس حضريلي الفطار عقبال آخد دوش على السريع وأخرج أفطر .
"والدة سهيلة" بضحك عليها :- هههههههه أبوكي راح العيادة بتاعته من بدري يا جبانة متخافيش ويلا بقى علشان تروحي شغلك وفطارك جاهز من بدري .
"سهيلة" تنهدت براحة وغطت وجهها مجدداً :- أوف الحمدلله هيييييح الواحد يرجع ينام ويرتاح وبعدين يبقى يروح الشغل على رواقة براحته .
"والدة سهيلة" بغضب :- قووومي يا جزمة قديمة أنا لو كنت مخلفة أرنب كان نفعني عنك يلااااا قووومي وأنا والله مش عارفة مين إللي هياخدك وهيستحملك ده داخل الجنة والله ما تتنيلي قومي بقى يابت .
"سهيلة" بضحك من أسفل الغطاء :- هههههه بقى هو داخل الجنة أومال أنا هروح الدرك الأسفل من النار يا ماما ولا إيه يعني وبصراحة عندك حق إللي هياخدني لازم يبقى مغلوب على أمره وبيعشقني .
"والدة سهيلة" بسخرية ورفعت الغطاء :- وأظن من تريقتك والنميمة بتاعتك دي إنتي وصحباتك البنات هتروحوا هناك فعلا وبسرعة ومن غير حساب كمان أوووف يا آخرة صبري يلا قومي بقى وخلي عندك دم وبعدين إيه النومة الغريبة دي بقيتي شبه القرود وهي متعلقة على الشجرة بالظبط .
"سهيلة" بإيماءة وإبتسامة وأنزلت أقدامها من حافة الفراش :- حاااااضر حاااااضر أهو هقوم والله وراكي بس الأول هكلم نور وسامية علشان نطلع من العمارة سوا ومنتأخرش على شغلنا اوووكاااااااي .
#خرجت والدة سهيلة من غرفتها وتركتها لكي تنهض فنفضت هي الغطاء عنها وأمسكت بهاتفها حتى تتكلم وتجري مكالمة جماعية لتتحدث مع صديقاتها كعادتها كل صباح توقظهم من نومتهم ...
أنت تقرأ
فينشينزو والمصرية 😈❤️
Romanceالجزء الرابع من سلسلة الصعيدية والأجنبي فينشينزو زعيم المافيا الكوري أو كانغ مارو والبطلة المصرية سهيلة إللي أنتو حافظينها أوي 😂 رواية ميكس لتاني مرة بين الكوري والمصري ومليانة بقى من إللي قلبكم يحبه (رومانسي وكوميديا وأكشن وحركات بقى 😂)
