©©صباحاً .. في ڤيلا فينشينزو ...
#وبداخل غرفة نوم سهيلة .. إستيقظت من نومتها القصيرة وفركت عينيها بقوة حتى تفيق ثم وجدته يجلس أمامها على الفراش وينظر إليها كعادته ...
"سهيلة" بغيظ :- يا فتاح يا عليم يا رزاق يا كريم أنا بجد مش عارفة إيه عدم الخصوصية إللي في الڤيلا دي هو أنت إيه حكايتك بالظبط ودخلت إزاي .
"فينشينزو" بابتسامة واسعة :- عيب تسألي جوزك يا حبيبتي السؤال ده أنا أدخل الحتة إللي تعجبني وفي الوقت إللي يعجبني كمان ومكونتش أعرف إنك قمر أول ما تصحي من النوم كده يا ملاكي .
"سهيلة" بضيق :- متقولش جوزك دي علشان مُعصِبة جداً وبتستفزني أوي على الصبح وبعدين بقولك أنت دخلت هنا الأوضة إزاي وأنا قافلة الباب بالمفتاح قبل ما أنام ومتأكدة إنه مقفول ومتضحكش عليا ياريت .
"فينشينزو" بجدية :- دخلتلك من البلكونة يا سوسو إرتحتي يا حبيبتي ومهما تقفلي الباب والبلكونة جوز حضرتك هيعرف يدخل برضو عادي .
"سهيلة" رمقته بنظرات غاضبة :- وبعدين معاك أنت عايز تموتني ناقصة عُمر يعني وياريت ممكن تخليك في حالك ومتدخلش عندي تاني وأنا نايمة .
"فينشينزو" بإيماءة :- طيب ماشي ويلا قومي لأني رايح المكتب دلوقتي وهتروحي معايا علشان عندي شغل كتير النهاردة وهتأخر فيه .
"سهيلة" بإستغراب :- أنت رايح شغلك ومكتبك وده مفيش مشكلة فيه لكن أنا هروح أعمل إيه هناك .
"فينشينزو" بمرح :- هتروحي يا زهايمر علشان إنتي هتشتغلي معايا هناك ولا نسيتي أنا خليتك موجودة معايا ليه مهو علشان تساعديني وأنا عارفك محامية شاطرة وسُمعتك سابقاكي هناك .
"سهيلة" بإيماءة وتذمر :- اااه اوك فهمت بس أنا لسه مش شبعانة نوم يوووه خليني أنام النهاردة وأوعدك بكرة الصبح هروح معاك المكتب إيه رأيك علشان أنا بجد منمتش كفاية وهموت وأكمل نوم تاني .
"فينشينزو" بنفي وجذب الغطاء عنها :- لأ مينفعشي الكلام ده إنتي هتشتغلي وهتنزلي معايا دلوقتي يلا علشان أنا هنزل وهستناكي في العربية لغاية ما تنزلي ورايا وإنتي جاهزة ونروح سوا .
"سهيلة" بغيظ :- يووه خليني أنام ياعم أنت هو أنت عدوك أنام ولا أعمل حاجة غصب عنك يعني تريحني أوووف ياربييييي بقى أنا زهقت وقرفت وتعبت .
"فينشينزو" بابتسامة فاترة :- معلش لازم تقومي يلا أنا هخرج أستناكي تحت ومتتأخريش .
"سهيلة" بتساؤل :- هو حصلك حاجة ولا إيه شكلك متدايق أوي وملامحك مش متفسرة ومتغيرة .
"فينشينزو" بضيق ونظر إليها :- أعضاء المافيا كلها هتكون النهاردة مجتمعة علشان سمعوا بإللي حصلك إمبارح ومش عارف هيعملوا إيه معاكي .
"سهيلة" بخوف :- هيقتلوني ولا إيه أنا معملتش أي حاجة والله ده الظابط هو إللي جالي وأخدني معاه وأنا كنت عايزة أرجع بلدي بس .
أنت تقرأ
فينشينزو والمصرية 😈❤️
Romanceالجزء الرابع من سلسلة الصعيدية والأجنبي فينشينزو زعيم المافيا الكوري أو كانغ مارو والبطلة المصرية سهيلة إللي أنتو حافظينها أوي 😂 رواية ميكس لتاني مرة بين الكوري والمصري ومليانة بقى من إللي قلبكم يحبه (رومانسي وكوميديا وأكشن وحركات بقى 😂)
