(وحشتوني يا حلوين 😂 رجعتلكم بالبارت الجديد أهو وياااااارب ألاقي تفاعل يبسطني كده عليه🥺)
[وقفنا البارت إللي فات لما سهيلة قفشت فينشينزو بيتكلم مع نور أخته وسمعت المكالمة كلها لأنها كانت صاحية ومش نايمة وحاسة بوجوده معاها وجه على بالها تعمل مقلب فيه بس الصدمة كانت الأقوى]
©©في ڤيلا فينشينزو ...
كانت سهيلة تقف أمامه وترفع حاجبيها بإندهاش أما هو كان يقف ولا يدري ماذا يقول وكيف يبرر موقفه فظل ينظر إليها بهدوء ويتابع تعابيرها ...
"سهيلة" بدهشة وتفاجؤ :- يعني أنت طلعت أخو نور صحبتي وجارتي إللي ساكنة معايا في العمارة وكمان هي متعرفش إنك أنت إللي خطفتني وعملت نفسك بريئ وعايز تساعدهم يلاقوني إيه المكر ده .
"فينشينزو" بإرتباك :- حسناً أُنظري يا فتاة هي فعلا أختي ولكن من والدة أخرى وتعيش بمصر منذ أعوام وعلاقتي بها قوية جداً وأنا كنت أتيت هنا لكي أتعلم وبعدها وجدت طريقي بالعمل مع المافيا وهم هناك لا يعرفون أي شيء إلى الآن لذلك من الأفضل أن تنسي الموضوع بأكمله وتصمُتين إتفقنا .
"سهيلة" بغضب :- وإيه إللي يخليني أنساه وأسكت يعني وأنت بتكدب عليهم وبتخدعهم وكمان بتخدع نور ومقولتش الحقيقة ليها إنك زعيم مافيا وواخدني رهينة عندك ومين قال إني مش هحاول أقولها .
"فينشينزو" بابتسامة :- علشان ببساطة مش هيهون عليكي تدمري علاقة أخ وأخته علشان حكاية زي دي صح ولا أنا غلطان يا سهيلة وبعدين إنتي كنتي أصلا صاحية ومش نايمة لما كنت عندك صح .
"سهيلة" بتوتر ونظرت إليه :- أناااا هو يعني الله لاااا بقولك إيه متغيرش الموضوع وخليك دوغري معايا .
"فينشينزو" بجدية :- طيب إتفضلي وقولي هتعملي إيه وهتقولي الحقيقة ليها إزاي بقى .
"سهيلة" بغيظ :- وملكش دعوة بقى هعمل كده إزاي يا مستر بومباستيك منصور كاسّانو وبعدين متجيش الأوضة دي تاني لأنها بقت خاصة بيا وعايزة أي لبس علشان هدومي إتبهدلت ومعنديش غيرهم خالص .
"فينشينزو" بإيماءة وإبتسامة :- حاااااضر ياستي يلا روحي إجهزي وإلبسي أي حاجة وهاخدك دلوقتي أي مول قريب من الجزيرة وتشتري أفخم أنواع اللبس والأحذية والشنط من هناك إيه رأيك .
"سهيلة" بإيماءة رغم فرحتها الداخلية :- طيب بس ياريت متخبيش الحقيقة عن نور كتير لأنها صحفية ومراسلة شاطرة جداً وهتعرف الحقيقة لوحدها قبلك وساعتها هيكون شكلك وحش أوي ومش هساعدك .
"فينشينزو" بجدية :- خلاااااص عرفت بس خلينا يلا نمشي علشان بعدين عندي شغل مهم .
"سهيلة" بحماس :- فوريرة هجهز أهو إستناني تحت عقبال ما ألبس الشوز وأجيلك مش هتأخر خالص .
^^ضحك فينشينزو بخفة على حماس سهيلة لتخرج معه وهبط إلى الطابق الأخير لينتظرها تأتي إليه ثم وجدها تتبعه بعدها بعدة دقائق وهي ترتدي قميصاً أبيض وبنطالها الچينز وعقصت شعرها للأعلى كالقطة فبدت لطيفة للغاية ومظهرها طفولي للغاية^^
أنت تقرأ
فينشينزو والمصرية 😈❤️
عاطفيةالجزء الرابع من سلسلة الصعيدية والأجنبي فينشينزو زعيم المافيا الكوري أو كانغ مارو والبطلة المصرية سهيلة إللي أنتو حافظينها أوي 😂 رواية ميكس لتاني مرة بين الكوري والمصري ومليانة بقى من إللي قلبكم يحبه (رومانسي وكوميديا وأكشن وحركات بقى 😂)
