©©في غرفة نوم فينشينزو بمنزل والده ...
#دخل فينشينزو إلى الغرفة وجلس على الفراش وهو يشعر بغضب شديد يغمره وكان يريد تحطيم الأشياء حوله ولكن كبت غضبه وظل يردد مقولة أنه أعادها إلى عِصمته مرة أخرى لأنه لن يسمح لها أن تبتعد عن قلبه خطوة واحدة ولكن سيحاول كسب قلب والدها أولاً وبعدها يتزوجها مجدداً أمام الجميع ...
"نور" بغضب ودخلت عليه :- أنت إزاي تسمع كلامها وتطلقها يا فينشينزو كاسَّانو إزاي تتخلى عنها وتخلي عمو محمد يفوز عليك وياخدها منك .
"فينشينزو" بحنق وغضب حارق :- علشان هو أبوها يا نور أبوووها وهي لازم تسمع كلامها ومتعارضوش حتى لو هتزعلني أنا وأنا عملت كده علشانها وأقسم بالله مش هسيبها تكون لحد غيري ورديتها دلوقتي لعِصمتي وأما أشوف أبوها بقى هيعمل إيه .
"نور" بجدية :- طيب كويس إنك لحقت تردها تاني ودلوقتي هتقول ليها إنك عملت كده ولا هتتصرفوا على أساس إن مفيش بينكم حاجة .
"فينشينزو" بنفي وأمسك يدها :- لأ لأ ومش دلوقتي خالص علشان أبوها ميعرفش حاجة يا نور وأنا هقول في الوقت المناسب بس إنتي خليكي قريبة منها أنا عارف إنها زعلانة أوي مني لكن أبوها السبب .
"نور" بضيق :- وعلى فكرة أنا كنت حاضرة إللي قاله عمي وكان هيضربها علشان ترفض طلبك للجواز تاني وبالعافية وافقت على كلامه ورفضت تبقى مراتك أنا عارفة إنها عملت كده غصب عنها وعايزاك تصبر على عمو محمد لغاية ما تقدر تقنعه .
"فينشينزو" بتساؤل :- طيب تعالي إحكيلي إيه إللي حصل بالظبط عندها وليه هو رفض جوازنا كده .
(تعالوا أقولكم حصل إيه عند سهيلة مع أبوها ونور لما عرفوا إنه وصل مصر وعايز يتجوزها)
Flash back ::-
=كانت سهيلة جالسة في غرفتها تتصفح هاتفها حين دخلت عليها نور لتخبرها بقدوم فينشينزو ...
"نور" بابتسامة وغمزت لها :- قومي ياختي قومي أنا جاية أبلغك بالبشارة وأقولك فينشينزو وصل هنا .
"سهيلة" بحماس ونظرت إليها :- بجد يا نور أخوكي وصل طب إمتى وإزاي ومع مين .
"نور" بجدية وجلست جانبها :- جاي ومعاه هيوجا وسيبتهم مع بابا بيتكلموا وجيت أخدك على أساس هتتعرفي على أخويا إللي بقاله سنين مسافر وعمو محمد رايح كمان معانا يشوفه بس بصراحة قلقانة .
"سهيلة" بخوف :- تصدقي أنا كمان خوفت وإحتمال بابا يقول حاجة لأبوكي وتحصل مشكلة كبيرة بينه وبين فينشينزو بسببي طب أعمل إيه .
"والد سهيلة" وهو يدخل عليها الغرفة :- مش هقول حاجة لعمك أحمد بس ملكيش دعوة بـفينشينزو إبنه وباللي هيحصل هناك ولما يطلبك مني إنتي هترفضي وتقولي شغلي أهم عندي .
"سهيلة" بغضب :- يعني إيه شغلي أهم يا بابا نسيت إني مراته قدام القانون ومينفعش إللي حضرتك قايله ده أنا لسه على ذمته وأنا عايزة أكون معاه .
أنت تقرأ
فينشينزو والمصرية 😈❤️
Romanceالجزء الرابع من سلسلة الصعيدية والأجنبي فينشينزو زعيم المافيا الكوري أو كانغ مارو والبطلة المصرية سهيلة إللي أنتو حافظينها أوي 😂 رواية ميكس لتاني مرة بين الكوري والمصري ومليانة بقى من إللي قلبكم يحبه (رومانسي وكوميديا وأكشن وحركات بقى 😂)
