©©في مصر .. في أحد المولات الكبيرة ...
#كانت سهيلة تسير برفقة زوجها وترى معه الفساتين التي سيختاروها من أجل حفلة الخطبة أما كاجامي وخطيبته كانا يتحدثان سوياً بعدة أمور وذهبوا إلى محل كبير للفساتين السواريه والبدلات أيضاً ...
"فينشينزو" بابتسامة :- قوليلي ياستي بقى إيه إللي عجبك في الفساتين إللي شوفناها لغاية دلوقتي بجد أنا مش عارف إنتي بتدوري على إيه كل ده .
"سهيلة" هزت كتفيها بمرح :- بصراحة يا مارو ولا أي حاجة عجبتني هنا علشان أنا معايا الفساتين إللي كنا جايبينها من إيطاليا سوا وناوية ألبس الأبيض وأنت دلوقتي هتختار البدلة والچرافت لونها زي فستاني ولا إيه رأيك ألبس النبيتي أبو ضهرية عريانة أحلى .
"فينشينزو" بغضب وغيرة :- وحياة أبوكي وهو إنتي شايفاني مركب قرون ولا إيه يا مدام علشان أسيبك تلبسي أبو ضهرية عريانة وتمشي بيه قدام الناس لااا إنتي شكلك عايزاني أقتل المعازيم صح .
"سهيلة" بضحك على غيرته المرضية :- ههههه بعشق غيرتك دي يا فينشينزو يا مافيا قلبي طب خلاص أنا هلبس الأبيض متزعلش وتتقمص كده ويلا إختار أي بدلة شيك وحلوة وچرافت لون فستاني ونمتشينج .
"فينشينزو" بابتسامة :- وأنا بعشقك بزيادة يا وتين القلب وموافق على إللي تقولي عليه بس بلاش إللي جيبناه من إيطاليا النبيتي العريان والنبي .
"سهيلة" بإيماءة ودفعته داخل المحل :- مااااشي يلا إنجز بقى خلينا نلحق نمشي وأشوف شغلي الكتير أنا سايباه بقالي كتير علشان أبويا الحج ميزعقش فيا .
"فينشينزو" بجدية :- خلاص متزوقيش طيب يابت هتوقعيني ينفع كده وتعالي معايا علشان تختاريهالي على زوقك إنتي وتشوفي الچرافت كمان .
"مديرة المحل" بابتسامة رسمية :- أهلا وسهلا بيكم يا فندم نورتوا محلنا المتواضع تحبو تتفرجوا ولا فيه حاجة معينة مختارينها من برا المحل أجيبهالكم .
"سهيلة" بغيرة وغيظ :- هو إيه أصله ده لا ياروحي أنا جاية أختار لجوزي بدلة كلاسيك وشيك لخطوبة وعايزة واحدة تانية لفرح وإحنا عارفين عايزين إيه .
"فينشينزو" وهو يكتم إبتسامته بصعوبة :- مش كده يا سهيلة البنت خافت منك وهتقول عليكي مجنونة وهتطردنا من المحل دلوقتي بسبب غيرتك .
"سهيلة" بغضب ونظرت إليه :- بقولك إيه أنت تكتم وتسكت خالص وأنا هتصرف معاها وهختارلك البدل وجاية خليك قاعد هنا عندك وإوعى تتحرك خطوة .
"المديرة" بجدية :- تمام يا هانم تعالي معايا وتقدري تختاري إللي يعجبك وتشوفي الموديلات الجديدة لو حابة إللي وصلت النهاردة من إيطاليا .
"فينشينزو" بابتسامة :- اوك أنا هختار الإيطالي لأني متعود على حاجات معينة وموديلات بحبها هناك .
أنت تقرأ
فينشينزو والمصرية 😈❤️
Romansaالجزء الرابع من سلسلة الصعيدية والأجنبي فينشينزو زعيم المافيا الكوري أو كانغ مارو والبطلة المصرية سهيلة إللي أنتو حافظينها أوي 😂 رواية ميكس لتاني مرة بين الكوري والمصري ومليانة بقى من إللي قلبكم يحبه (رومانسي وكوميديا وأكشن وحركات بقى 😂)
