تبَرُّم بالٍ | BxB.

تبَرُّم بالٍ.

صباح الخير أعِزائي.
فِ بدايتنا لهالرواية حَاب أنوّه إنه غالبًا شخصياتي الرئيسية هنا قِد ظهرت فِ رواية مُجبر بس فيه شخصيات رئيسية غيرهم وغالبًا الرواية تتكلم على أكثر من شخص مو شخص محدد ..

أتمنى قبل نبدأ تعطون الرواية هذي كامل الحب والدَعم لأن دعمكم الوحيد اللي راح يخليني أتحمس أكمل ..

تجاهلوا الأخطاء إن وُجدت ..
أستمتعوا.

-

- وإن كانت كل إنهيارات العالم تُحيطك لنْ تلتفت لها عِند وجود العائلة.

..

#إيليو.

بدأت معكم بتوتر فضيع بس .. أنا إيليو ولد إدريس وجِهاد الأغنياء عن التعريف.

جا يومي المُنتظر , اليوم اللي من زمان وأنا متحمس له ..
حفل تخرجي اللي جهزّوه لي أهلي بكل حب وحماس وكان هالشيء واضح بترتبيهم لصالة البيت الكبيرة والهدايا اللي كانت على الطاولة.

كانوا مجهزين كل شيء بالوقت اللي كنت فيه بالجامعة بس بكِلا الحالات محد فيهم غاب عن حفلة تخرجي بالجامعة.

أبوي إدريس , أبوي جِهاد , وافي و وسام , وهج وأسير ..
عمي رافي وعمي هتّان وأخيرًا إيثان ..

..

جالس على الكرسي بعد ما وزعت عليهم إبتسامات تبيّن لهم شكثر أنا مبسوط وطاير بمكاني مو بس عشاني تخرجت لا عشان أهلي كلهم حولي.

قرب مني وكان يطالع فِ كل مكان إلا عيوني , هالشيء ضايقني بس ماراح أعطيه أهمية حاليًا ..

مدّ هديته بهدوء لي : تفضل ومبروك التخرج.

أبتسمت وأنا أخذها منه : الله يبارك فيك.

قاطعنا وافي بملل : إي إي خلصنا يلا قطع الكيك نبي ناكل.

طالعت فيه بطرف عين : وأنت ما تبي إلا تطفح !.

قرب مني وسام وجلس على الكرسي اللي جنبي : بقطعها عنك ترا.

ضحكت بخِفة : أنت بالذات لو تبي تقطعني بدالها ما عندي مشكلة.

جرّت وهج وافي وأسير لحضنها وسوّت نفسها تبكي : معليه جعلني فداكم إحنا عيال البطة السوداء.

-

تجاهلهم إيليو وقطع الكيكة اللي توزعت على كل الموجودين وما خَلَتّ ليلتهم من السوالف والضحك وذبات جِهاد اللي حتى مع مرور هالسنوات كلها لازال نفسه ما تغير.