تبَرُّم بالٍ | BxB.

ستَة ؛ هَالِك.

صباح الخير.
تفاعلوا مابي أكنسل الرواية + إذا كنت قارئ صامت أتمنى تقدِّر تعبي بِ'نجمة' وبكون شاكر للجميع.

تجاهلوا الأخطاء إن وُجدت ..
أستمتعوا🫶🏻.

-

- أيَاليّتُك تشْهَد على قلبي كمَا تشْهَد علَيّه عَدد نجوم السماء.

-

الساعة 12:39صَ.

يمشي بهدوء نازل للطابق الأرضي الخاص بالعُمارة اللي يعيش فيها ٫ دخل كفّينه بجيوب الجاكيت بعد ما حسّ بالبرودة تدخل لعظامه وتنهد مسّتوحش الهدوء ..

وقف قدام باب العُمارة وطلع لبرا بعد ما فتحه وتأمل حيّهم الهادئ بهالوقت من الليل ٫ هالنوع من الهدوء يخلي قلبه هادئ بشكل ما يقدر عقله يتصوره بس قادر ببساطة إنه يجرّه ويرجّعه للمكان اللي ترك عقله وقلبه فيه.

الماضي ..

مرّت خَمسة عشر " 15 " سنة على آخر موقف حطّ نفسه فيه وحتى مع مرور هالأعوام كلها هو ما تخطى ..

هو لازال لاصق بهذاك اليوم ٫ عقله .. قلبه ؛ مو راضين يعيشون اليوم.

إحساسه الدايم بِ إنه يعيش بمكان مو مكانه أو حتى بزمان مو زمانه ٫ صعب عليه يتعايش مع نفسه الجديدة أو بالأحرى " الوحدة والهدوء الدائم. "

كيف تغيرت حياته هالكثر !.

أهله اللي أضطروا يرّجعون لبلدهم بعد سنة تحديدًا من أسوء موقف كسَر نفسه فيه بسبب قلبه.

ولأنهم سافروا من وقتها فَ هو ما شافهم لهاليوم ٫ 14 سنة عايشها وحيد بدون أهله.

بدون ما يصحى على أيّ صوت بشقته ٫ بدون ما يشم ريحة طبخ أمه أو حتى صوت أبوه اللي يهاوشه على نومه الكثير ..

مشى بخطوات بطيئة بعد ما رمى كل ذكرياته بمُؤخرة عقله جلس على الرصيف وتأمل الأشخاص القليلين اللي يمشون بحيّهم هالوقت وكذلك السيارات ..

#أنَس.

كيف ابدأ وننسى كلنا الخطأ اللي أرتكبته بحق نفسي؟.

نحاول مع بعض نتخطى هالجرح العميق جواتي ونجَاهد للنسيان عشان السنوات اللي بقت لي بهالدنيا.

" أعرفكم جميعًا على نفسي ٫ يمكن فيه منكم لازال يتذكرني والآخر نسى مين أنا أصلًا. "