سلامه : متصبره الحمدلله ولا افكر اني ارجع لهم البيت يزولون هم والبيت فوقهم مالقييت منهم غييير الذل والاهانه والضرب ولا كاني بنتهم
شمسه : زين تسوين انا لو مكانج بسوي نفسج مابرجع لهم لو يبوسون ريلي والله
سلامه : اقولج خالوهه يت ببند عقب بسولف معاج
عفرا : لا سولفي عادي اعتبريني مب موجوده
سلامه : خالوه عادي اعزمها هني؟
عفرا : هيه عادي البيت بيتها خ اتي لو تبا
سلامه : اوكيييه مشكوره ،، اقولج شمسه بتين عندي بيت يدي؟
شمسه : احس استحي
سلامه : تعالي قاعده روحي مع خالتي يلا تعالي
شمسه : اوك طرشي اللوكيشن بي الحين
سلامه : تمام "بندت عنها" بتي الحين اخليها تقعد في الميلس ولا هني؟
عفرا : هني قعدي معاها عبدالرحمن اذا يا بقول له يدخل من الباب اللي ورا
سلامه : اوك
بعد نص ساعه وصلت شمسه وقعدت مع سلامه روحهم ، عفرا قامت عنهم وهم يسولفون عبدالرحمن دخل بدون ماينتبه ع شمسه
عبدالرحمن : بتطلعين نتعشى؟
سلامه توهقت وقعدت تاشر له انه ربيعتها موجوده ، عبدالرحمن شاف شمسه وانسحب شوي شوي وطلع
شمسه : منو هذا الحلييو؟
سلامه : خالي عبدالرحمن
شمسه : متزوج؟ ان شاء الله لا
سلامه : هههههههه لا شتبين فييه ترا اكببر منج بعشر سنوات
شمسه : ان شاء الله عشرين ياويلي علييه جاذبييه حلييو ماشاء الله علييه ، عطيني حسابه ع الانستا بضيفه
سلامه : مب من صدقج شمووس شتبين فييه اقولج كبير علييج
شمسه : اوك لا تعطيني اكييد انتي ضايفتنه الحين بدش ع حسابج وبدور حسابه وبضيفه
سلامه : خفيفه
شمسه : اول مره احد جي يجذبني خيالي
سلامه : لو عطاج ويه زيين
شمسه : بيعطيني بيعطيني
سلامه : اوك بنشووف
شمسه : انزيين وين خالتج ليش راحت يوم يت انا
سلامه : عسب ناخذ راحتنا بالسوالف وجي صح ماقلتلج بنفس اليوم اللي بلغت عليهم بالمركز كنت مبركنه في سيارتي واصييح وكنت ادق هرانه فجاه جان اييني واحد ماعرفه ولا يعرفني قالي مب ساير من هني غيير لما تفضفضين لي وتقولين لي شو صاير معاج
شمسه : اوييه منو ها بعد !
سلامه : ماعرف والله حتى اسمه ماعرف بس واييد ارتحت يوم اتكلمت معاه وايييد لدرجه ما تتصورين اتخيلي حتى حلمت فييه ياني بحلمي
شمسه : غرييب منو هذا العابر اللي يا وقعد معاج وهداج وخلاج ترتاحين وعقبها اختفى فجاه
سلامه : عندي رقمه عطاني رقمه
شمسه : ايوا دقيتي له؟
سلامه : لا طبعا مب خبله انا اهلي بعدهم شاكين فيني تبين ازيد الشك واكلمه بعد ! مستحيل بس دوم ف بالي احس ودي اكلمه
شمسه : لا تكلمينه انسيه واعتبريه عابر وخلاص
سلامه : انزيين
عفرا يت لعندهم : يلا بنات ما بتتعشون؟
سلامه : صح نسيت الحين وقت العشاء يلا شمووس قومي
