راشد : لا تنكدين ع نفسج بالنهايه هذي امج عامليها مثل ماهي تبي بس لا ترجعين معاها البيت اذا انتي مرتاحه في بيت يدج
سلامه : مستحيل ارجع ابوي مايبيني لو يباني جان اتصل وكلمني ، صح شفت سيارته قبل ساعه في الشارع الحمدلله ماشافني ولا عرفني ولا كنت صدق بروح فيها
راشد : زين يوم ماشافج ولا كنت الحين مب قاعد معاج اتعشى وانتي قبالي
سلامه : لا ان شاء الله هالامور ما تاثر علينا
راشد : انزين ماودج تقومين
سلامه : الصراحه القعده معاك ماتنمل بس يلا لازم اقووم مابا انسى عمري معاك
راشد : يلا قومي
قاموا وطلعوا مع بعض كل واحد ركب سيارته وحرك ، راشد دقلها
راشد : قلت اسولف معاج لين توصلين البيت
سلامه : كنت بدقلك بس زين دقيت انت تصدق ولهت علييك ولا كاني من شوي كنت معاك
راشد : ترا انا وراج اذا مب حاسه
سلامه : صدق والله ! "طالعت الجامه" اووه الحين انتبه والله بلاك جي لاصق فيني تبا تدعمني شو؟
راشد : ههههههههه لا بس مب حاسه انج قاعده تمشين بطيء؟
سلامه : هيه لاني اسولف معاك ونسيت اني بالشارع
بركنت عاليمين
راشد : بلاج وقفتي
سلامه : تعال تعال
راشد وقف وراها ، سلامه نزلت من السياره وراحت لعنده ركبت الباب الثاني و على طوول حضنته ثواني وبعدت عنه ، راشد استغرب من حركتها ، نزلت من السياره
