ليلى : الحين شفتي الولد وان شاء الله نتشاوف بيوم ملجتكم يلا الحين استاذنكم
ليلى قامت وطلعت معاها ام سلامه
سلامه : اففف ما بغو يروحون مثقلهم
عفرا : ها ارتحتي له؟
سلامه : لا و الود ودي ما اخذه ولا ارتبط فييه يلوع بالجبد خفيف شفتييه كيف يطالعني
عفرا : استخيري وان شاء الله ترتاحين له
سلامه : اففف ان شاء الله
صوب حمد رجع البيت حمده تترياهم ،، دخلوا
حمده : ها خبروني شسصار عليكم؟
ليلى : طلع خفيف هذا من اول ماشافها يسالها متى بنملج
حمد : الصراحه البنت حلوووه خبلتني شو اسووي ما لوم ريلج يوم حابنها ويبي يتزوجها الصراحه جدامج هي تعطيج عشره صفر
حمده : هيييي لاتنسى اتفاقنا
حمد : سيري انتي واتفاقج البنت دشت خاطري الصراحه وابيها خلاص بتزوجها صدق
حمده : حمد يعلك لا تصير خفيف بزياده باجر بخطب لك اللي احلى واجمل منها لا تبلش عمرك فيها ما تستاهلك هذي ولا من مستواك
حمد : الصراحه ماقدر حلووه واييد حرام تتطوف عني
ليلى : انتي ماشفتييه كيف يطالعها ماخاز عينه عنها
حمده : عاد يالييتها لو صدق حلوه عاد
ليلى : لا حلوه الصراحه البنت
حمده : ماعندكم ذووق والله المهم متى الملجه؟
ليلى : اسبوع الياي ان شاء الله
حمده : بس حلو هذا اللي ابيه تملج عليها وعقب نبدا الخطه الثانيه ان شاء الله
