ام حمد يت لعندهم : ليش يطلعها بيت روحهم ! اذا عقب كم سنه عادي ماعندي مانع بس البنت الحين حامل وابي اشوف حفيدي وهو يكبر جدام عيني مب بعييد عني ع ماظنتي لو طلعها بيت روحها مابشووفهم خيير شر خلهم عندي اهني احسن
حمده : انا ماقدر اتحمل حرمته هاي بي يوم واكيد بضربها
حمد : والله ان قربتي لها والله انا اللي بضربج
حمده : خايف عليها طلعها
ام حمد : مابيطلعها وانتي سكتي عنها واعتبريها هي والطوفه واحد
حمده : ماقدر ماقدر
حمد : انا وسلامه بنسافر ان شاء الله عقب يومين
حمده : تقدر تسفرها عيل بس ماتقدر تطلعها في بيت روحكم
حمد : هيه ماقدر دام امي تبينا معاها
حمده بداخلها : انا بشووف كيف بتسافرون
ع المسى سلامه ملت من القعده روحها طلعت وقعدت مع حمده وليلى
ليلى : سمعت بتسافرون فيج حيل تسافرين وانتي حامل اشوفج طوول الوقت بس منسدحه
سلامه : حبيبتي دام السالفه فيها سفره مابنسدح بحلل السفره بكبرها
ليلى : انزين لا تنسوني من الهدايا
سلامه : نحن سايرين نتسيح ونغير جو مب رايحين ناخذ هدايا
حمده : هاي الزطيه ترا مابتيب لج شي
سلامه : يمكن اييبلها وما اييبلج
حمده : دخيلج ميته ع هداياتج الحين الحمدلله مب محتايه شي وعن فرنسا تراني مسافرتنها لين لاعت جبدي منها مب انتي اول مره بتسرينها ومب مصدقه بعد انج بتسيرينها وبعد ع ما اتوقع انه هذي اول مره تركبين فيها الطياره صح؟ هههههههههه ياحليلج والله
سلامه : الحمدلله من صغري اهلي يسفروني بس شكله انتي اللي محرومه من السفرات وقاعده تحطين حرتج فيني ما تنلامين
حمده : حبيبتي ما يحتاي انا اتكلم خذي لفه ع اكاونتي وشوفي الصور بس بتلقين حسابي عند حمد خ يعطيج وشوفي وكحلي عينج بعد اوك
ليلى : خلاص انزين شفيكم ترا الا هي سفره بلاكم ع بعض
سلامه : شدراني فيها اختج مقهوره مني لاني بسافر حليلها شكلها تبا اتي ويانا بس مب عارفه كييف تقولنا
حمده : انا اسافر مع اشكالج؟ عسب تفضحيني
سلامه : والله انتي اللي بتفضحينا من هلاقتج
حمده : هذي اذا ماقامت وسارت من هني قسم بالله بقووم وبضربها مايهمني حامل او لا
ليلى : هدي هدي وانتي سلامه سكتي عنها تراج حامل
سلامه : سكتي اختج عني انتي
ليلى تطالع حمده : بس سكتي
