شعرت بارتجاف جسدها خوفاً من اللقاء المنتظر بينهما وها هو علي بعد خطوات قليلة منها دارت عينيها وهي تبحث عن والدها الذي يحاول إقناع نجله للإعتذار لزوجته:
-خلاص يا شريف أعتذر لمراتك مجراش حاجة
-
تنهدت الأخري بضيق تطلب منه الإبتعاد عنها:
لو سمحت خلي في مساحة بيني وبينك وبعدين أنت عايز أيه
بدأ حديثه الأعتذار عن ما بدر منه:
-أنا آسف يا حور و مش عايزاك تزعلي مني والله أنا ماكنت أقصد أن كل ده هيحصل
دمعت عيونها وهي ترفع كفيه حول وجه:
-مين قالك أن زعلانة منك يا ماجد،زعلانة منك يعني كان ما بينا مودة ورحمة وقت جوازنا،وأنت لما شفت أن رديت على أمك ضربتني وطلقتني ولافرق معاك سمعتي ولاكلام الناس، العروسة اللي اتطلقت يوم الصباحية أكيد طلعت مش بنت بنوت أوالعريس سمع عنها حاجة أو شافها في وضع مخل مع حد،آسف دي تقولها لو أنت خبط فيا بالغلط،وصدقني أنا مش مضايقة منك ولا عندي ذرة حقد عليك،اتجوز واحدة تختارها أمك تكون تحت سن الثلاثين لا تكون عانس زي ولا فاتها قطر الجواز،و وقت ما تيجي تزور أختك أنا بنفسي هفتح لك الباب،لأنك ضيف
طلب منها الإستماع إليه:
-طيب أيه رأيك نرجع لبعض
مسحت دموعها وهي تعدل من وقفتها:
-يارب اللي عملته فيا تشوفه في عرضك وتلف الدنيا عليا علشان اسامحك ومتلاقيش دواك غير عندي وقت مرضك
دمعت عيونه وهو يرد عليها:
-حور أنا عارف أنك علشان زعلانة مني بتقولي كده،لكن أنا متأكد أنك بتحبيني
قطع حديثهم صوت شجار العروسين يأتي من الداخل:
-أنت طالق
أسندت رأسها للحائط تردد:
-ليه عملت كده يا شريف
-
يوم آخر يمر عليها وها هي تنظر إلى ثوب الزفاف الموضوع بجوارها فوق السرير أغمضت عيونها وهي تسأل شقيقها الجاثي علي ركبتيه رافع كفيه حول وجهها:
-يعني شريف مكنش بيحبني وعامل كل ده علشان ينتقم لحور
أخفض رأسه خجلاً معتذرا لها:
-أنت ملكيش ذنب أنا السبب
صوت والدته الذي يأتي من داخل غرفة الصالون وهي تبكي و تنوح كان كافياً لضرب رأسها بالحائط:
-منك لله يا شريف فضحتتنا الناس تقول أيه طلق عروسته في القاعة من قبل حتي ما تروح معاه البيت
-
حاول الهرب من نظرات عيناي الجالسة بجواره تسأله:
-ليه عملت كده يا شريف أنت كنت مخطط أنك تسيبها
قطع حديثهم صوت والدتها:
-أخوك عمل اللي عمله أخوها معاك يعني هما اللي بدأوا والبادي أظلم
سألته:
-والفضيحة ذنبها أيه
أجابها وهو يرتشف كوب القهوة:
-أنت كان ذنبك أيه
ارتسمت الدهشة علي ملامح وجهها من أين آتي بتلك القسوة:
-أنت جبت القسوة دي كلها منين مش دي سلمي حبيبتك
قلب عيونه وهو يرد عليها:
-مصير الزمن يعلمك أن القسوة دي بتيجي كتر الصدمات وأنا أخوك الكبير وعارف أنا بعمل أيه
طلب منها إكمال عملها:
-بلاش تقعدي في البيت و انزلي و ارجعي شغلك واللي يفكر يقولك كلمة أنا موجود
دمعت عيونها وهي تسأله:
-شريف بلاش تضغط على نفسك أنا عارفة أنك بتحبها
حاول تجاهل تلك المشاعر:
-أنا مش بحب حد واقفلي الموضوع ده
أنتهي والده من أداء صلاة الظهر يطوي سجادة الصلاة سأله عن أسباب تلك الحالة
-أنت زعلان ليه مش أنت عملت اللي في دماغك و أمك خططت معاك تاخدوا حق أختك قاعد في البيت ليه أنزل أقرص في الشارع و أحتفل بانتصارك
قلبت عيونها وهي ترد عليه:
-ليه التريقة هي مش بنتك اللي اتفضحت علي الأقل أنا بنتي أطلقت في بيتها لكن بنتهم أطلقت في القاعة وسط الناس
عاد يسأله عن أسباب تلك الحالة:
-طيب مش نفذت الخطة قاعد ليه،ولا حاسس بالذنب ولا أنك مش راجل ضحكت علي البت لحد ما كتبت الكتاب وطلقتها العلن
طلب منه الإستماع إليه:
-يا بابا أنت مش فاهم
أجابه وعلي شفتيه ابتسامة عريضة:
-أكيد في خطة جديدة
أخفض رأسه معتذرا له:
-أنا آسف يا بابا،لكن زعلي علي حور خلاني مش شايف أنا هطلب نقلي و أسافر و اريح الكل مني
-
نهاية البارت الخامس
