مسرحية الحب

الجزء الأول/ الألم /

""""""""" / اقتباس /"""""""""""

وها قد أشرفت صفحات الشوق على الإنطواء
وها قد رحل طيفك وابتعدت ٱمالك عني
وها أنا قد عدت وحدي قوية صامدة لأواجه بؤس هذا العالم وحدي 💔

***********************""""""

# أنووووور قوم تعال ساعدني أبوك من الصبح طلع على الأرض وأنت بتضل تاركني لحالي قووووم بقى
( أكيد عرفته مين هي لأنه كلنا بنعاني من هالمشكله سواء شب أو بنت ) ،😂😂😂
أنور : حااضر يا أحلى أم أنور بالدنيا
أم أنور : قوم بلا ما تقعد تضحك علي من على بكرة هالصبح
أنور : لك له شو هالحكي إنت هيك بتعرفي عني
أم أنور : يالله يالله بلا كتر حكي

أنور شاب عمره خمسة وعشرين سنة خريج تجاره واقتصاد بس طبعا حاله كحال باقي شبابنا قاعد بدون شغله وعمله وملقب بأزعر الضيعه بنتعرف عليه بعدين مع مرور الوقت

أم أنور: ست أصيله بمعنى الكلمه واقفه جنب زوجها وابنها رغم ظروفهم الصعبة

أبو أنور : حاله ما بيفرق كتير عن رجال هالضيعه عنده حقله وبضل يشتغل فيها ليل نهار ليأمن لقمة أكلهن

بعد ما طلعت أم أنور من الغرفه تجلس أنور وطلع حوليه بيت من غرفتين المي عم تنزل من السقف والدموع عم تنزل من العين رفع رأسه على السماء وقال يااااارب دخيلك ساعدني حبيتها من كل قلبي ما معي مصاري من وين بدي جيب لأقدر احصل عليها أعظم أحلامي بالدنيا عرسها اليوم يا عالم يا ناس موجووووع والله موجوع النار اللي بقلبي رح تقتلني بدي ضل مخبي وحابس جوات هالقلب لحظة صمت عند هالجمله وبيصفن فيها كتييير وبعدين بيحمل حاله وبيطلع ليحط أكل البقرة اللي عندهن .

بيجي شب تاني من بعيد وعم يركض لعند أنور ونفسه رح ينقطع
# أنووووور جود انخطفت من وسط بيتها
أنور بضحكة: إي وشو أعملهن أنا أمجد أنت من كل عقلك جاي تخبرني
أمجد وهو عم يطلع بعيونه : لكن لمين بدي خبر أنور : أبوها مختار الضيعه وأخوها شرطي بالمخفر عنا وأمها مديرة المدرسة روح خبرهن إلهن ولك عمي هدول اللي عندهن واسطة بهالضيعه مو أنا
أمجد بوجع : ليش شبك إنت
أنور ببحة مخنوقة : أمجد لا تجنني قال شبني قال لك لو مانك عايش معي لقول ما بتعرف
أمجد : لا عايش معك وجنبك طول الوقت بس ما عم افهم من شو بتشكي إنت
أنور بسخرية: واحد عاطل عن العمل بيت وأرض ما عنده أزعر وفلتان ونص بنات الضيعه بيخافوا مني بسبب ابن الحرام أخوها واتقلعت من أربع محلات بسبب شو يا حزرك .... بسبب وجع القلب اللي عندي تقول المرض بإيدنا يا زلمه لك لا بيرحموا مريض ولا بيرحموا كبير وبدهن الله يرحمهن قليل عليهن اللي عم يصير فيهن
أمجد : إي روق بقى بسيطه شو بقول أنا لكن أبي ترك أمي من أنا وعمري خمس سنين وراح اشتغلتْ وتعبت لتصرف علي وتعلمني بس ٱخر شي شو صار راح حلمها بالأرض لك من وقت ما عرفت وإني ما رح أقدر أطلع من هالضيعه وهي غضبانه علي لك كيف بدي اطلع وانا معي هداك المرض لك كيييف مشان الله قلي كيف بدي أقدر خبرها إنه اللي ضيعت عمرها عليه الله طلب أمانته منه كيف بدها تتحمل يا أنور
أنور وهو عم يضحك على حالهن : استهدي بالله وروق بكرى بنرجع بنطلع لعند أبو ناصر وبنخليه يدورلنا على شغل يناسبنا نحنا الاتنين هههه
طلع فيه أمجد وضحك : دخيل ربك شو بتجيب التفاؤل والسعادة يا عمي
تطلع أنور فيه وابتسم وقال : لك إذا نحنا ما خففنا عن بعض مين بدو يخفف علينا
أمجد : معك حق والله قوم تعال معي مشان نشوف ليل ونحكيله شو عم يصير معنا بغيابه
أنور : والله ما حدا بيخفف عني وبخلي الحياة عندي حلوة ومليانه فرح وأمل غيره
أمجد : قوم لكن حط هالأكلات من إيديك تعال معي لنشوف كيف صار وضعه

بيمشوا أنور وأمجد بهدوء وراحه لمدة نص ساعة بالكتير لحتى يوصلوا على مكان واسع ومليان خضار ومي وزرع منظر بيرد الروح وبيكون هاد سهل عمنا أبو مصعب 😅

أبو مصعب شيخ هالضيعه كبير بالعمر ما عندوا ولاد بيعتبر كل شباب هالضيعه ولاده عايش لحاله بأحلى جنه بهالدنيا خضار ومرج ومي وهو من أغنى رجال هالمنطقة والله مأنعم عليه بفضله وكل حياته مقضيها بهالجنه عنده تعب وشقي كتير ليقدر يربح فيها بالدنيا بيعتبرها أعظم إنتصاراته متل ما بيقول .

بيوصل أنور على سهل كبير وواسع ومليان خضار ومرج وورد وربيع وكل شي حلو ممكن يتخيله الإنسان ويحلم فيه وببلش ركض لعند الشيخ لحتى يوصل لمكان كبير وفي حركة وصوت صهيل مميز للخيول العربيه فيه كل ما بتشتهيه العين من جمال وإبداع الخالق مع دخلت أنور على الأسطبل في خيل مميزة لونها أسود متل الليل بترفع حالها وبتصدر صهيل عالي دليل على فرحتها بوجود أنور وهو كمان ما اختلف عنها بشي من فرحته دمعت عيونه وراح ركض لعند الشيخ وارتمى بحضنه ونزلوا دموعوا بصمت
الشيخ بابتسامه صافيه : استهدي بالله يا ابني وقوم شوف ليل ما أحلاه صار
أنور وهو عم يطلع على ليل نظرة حب ورضى : صار نفسي روح واركب عليه وشوف السهل أنا وياه لأنه من أول ما مرض ولحد الآن ما شفت السهل ولا مرة أكيد كل شي بكون تغير
الشيخ : يالله الحمدلله كلها كم شهر وبتروحوا وبتشوفوا شو صار جديد بعد غيابكم وبتخبرونا أنا وأمجد لأنه أكيد امجد عنده شغل كتير بتعرفه صاحب شركات وبينهي حديثة بضحكه كبيرة
أنور ببسمة خفيفه : إن شاء الله بلحق أنا كمان
الشيخ بعصبيه : شو سبب هالتشاؤم هاد ما هيك عرفتك أنا ولا بحياتي علمتكم اليأس وقلة الإيمان
أمجد بحزن : العلاج ما عاد جاب نتيجه الحاله صارت أسوء من أول بكتير والأعمار بيد الله
الشيخ : اللي قال هالحكي مانو أكرم من اللي خلقنا
أمجد وأنور : ونعم بالله
الشيخ : طيب تعالوا نعمل فطور وناكل أكيد جايين بدون أكل
أمجد : طبعا هو أنور لما سمع اسم ليل فكر يقلي تفضل فوت لناكل لنشرب شاي لا طبعا مسكني من كتفي وجرني وراه متل البهيمه ولا بلا ما نحكي عيب هههه
الشيخ: بضحكة والله إنك نهفه يا أمجد
أمجد بغرور مزيف : طبعاً لو بتلفوا الكون كله ما رح تلاقوا حدا بيشبهني ههههه
أنور حط إيده بجهة قلبه وصار صوت تنفسه عالي وحالته صارت بتخوف كتير وقع بالأرض والدنيا صارت سودا بوجهه وما عاد حس بشو عم يصير حوليه ....

ي

ت

ب

ع

😂😂😂😂😂

لما الدنيا بتقسى عليك وتضل تعافر فيها لحالك بتمموت وانت عم تنتظر حدا يسندك ويرفعك من الأرض عكس إذا كان معك رفيق تضحكوا على مصايبكم وخيباتكم سوى هموم الدنيا بتقل لما بتلاقي كتف يسندك

/إذا قلتلكن هي البدايه للألم وللحب اللي رح يستمروا مع أنور وأمجد طول فترة قصتنا وهي عم تنسرد رح تابعوها/
أكيد أي لأنه اللي رح يحكيلكن ياها هو أنا غزوله 😍