مسرحية الحب

الجزء الثالث / الحب /

/نظرات عينيك بين نجوم السماء أضحت لامعة أكثر من ضياء البدر /.

*************
اقتباس

بنرجع هالمرة لقبل كم سنة لأيام ما كان أنور بعمر تسع سنين لنحكي شو صار معه وكيف تعرف على جود البنت المميزة وحبها .
بساحه مدرسة الضيعه وهي مدرسة كبيرة بتضم كل مراحل التعليم الأساسي قاعده بنت بزاوية الساحه  وحيده وعم تبكي وصوت شهقاتها معبية المكان بس ما في حدا بيسترجي يقرب ناحها قد مو هالبنت  حلوة وصاحبة مكان بالمدرسة فالكل بيعتبرها مغرورة وما حدا  بيرضى يحكي معها من خوفهم ما تأذي حدا على حسب وجهة نظرهم وعلى جنبها بالطرف التاني قاعد أنور وعم يقرأ بكتاب ومندمج فيه فبيقطعه صوت بكاء بنت صغيرة قريب منه وما في حدا عم يساعدها بيقوم بيروح لعندها ليشوف شبها وبلاقيها ما عم تاخد نفسها من البكاء بيقرب منها وبيحضنها بكل قوة لتهدأ من نوبة البكاء والخوف اللي صايبتها .
أحيانا كتييير حضن دافي بيعالج فينا جروح ووجع دافنينه جواتنا هالبنت شوي شوي وبتبدا ترجع لطبيعتها بس عيونها بيضل فيهن لمعه بتجنن
أنور وهو عم يمسح على رأسها ثرتي منيحه هلأ
( ملاحظه أنور حرف الصاد والسين بيلفظهن ثاء وإلهن نكهة مميزة بس يقولهن ) لنترك أنور بحاله ونتابع شو عم يصير 😂😂
بتهز البنت برأسها وما بتحكي
أنور بينه وبين حاله : شبها هي ما عم تحكي
ويبدو إنه البنت انتبهت بشو عم يفكر لتطالع من جيبتها دفتر صغير وقلم وبتكتب لأنور شكرا كتير إلك أنا صرت ممنيحة كتير إلي زمان ما حدا ضمني أنور : ليش وين أمك وأبوكي
بترجع بتكتب على الورقة : موجودين بس الدنيا ٱخدتهن مني وخلتهم قاسيين كتير عليّ
أنور : طيب وانت ليش عم تكتبي على الورق
البنت وهي عم تفتل الدفتر لعنده : بيلاقيها كاتبه كنت محمومه من سنتين وامي ما داوتني لهيك فقدت النطق
أنور : غريب وشو اسمك انت
وبابتسامه صافيه أنا أنور
البنت بنفس البسمه بتكتب : وأنا جود تشرفت بمعرفتك
أنور :وأنا كمان بنلتقي بكرى بنفس المكان اتفقنا وبرن جرس المدرسة لتبدأ الحصة الدراسيه الأخيرة وبينتهي هاليوم بتعرف أنور على جود البنت الوحيدة اللي بلا أصحاب بالمدرسه وبيرجع كل ولد لحصنه الدافئ وأمانه اللي هو بيته ليشوف أمه وأبوه اللي مشتقلهن كتير ويلاقوه بالحب والأحضان عدا شخص واحد وأكيد كلكن عرفتوه .
جود بتوصل عالبيت بتلاقي البيت بارد ما فيه لا حب ولا أمان ووحدة كتيره بهالمكان بتفوت على بيتهن اللي عبارة عن تلات غرف كبيرة ومطبخ وحمام وكتير نضاف وحلوين والأثاث متعوب عليه بالمصاري مما يدل على إنهم عائلة غنيه بهالضيعة بيكون في ست كبيرة بالمطبخ بتروح جود وبتسلم عليها بالإشارة طبعا وبتروح لتقعد مشان تاكل وهي قاعد بتسىرح لبعيد بضحكة أنور وحضنه قديش كان حنون وبتقرر إنه لازم كل يوم تشوفه مستحيل تخلي هالإحساس الحلو يضيع منها لأنها حبته وتعلقت فيه أول مرة بتجرب هيك احساس وفعلا يوم وراء يوم وهنن عم يتقابله مع بعض وصارت علاقة جود وأنور عم تطور يوم عن يوم هالحكي كان لما أنور بالصف الرابع وجود بالتالت ليكبروا ويكبر معهن إحساس بالأمان والفرح ليتحول لحب مراهقة كانوا بصف التاسع سوا لأنه أنور قرر يعيد سنه ليتم هو وجود على طول بنفس المكان
الحب بقى ما دخلنا نحنا فيه 😂😂 بيروحوا على الدرس مع بعض وبيحلوا وبيدرسوا وبيتناقشوا كتييير لحتى كل واحد صار حافظ التاني عن ظهر قلب ما كان في شي مخبى بيناتهن لحتى بيوم من الأيام بيقرر أبو جود بينه وبين حاله إنه هي كبرت وصار لازم تتجوز ويصير عندها بيت وولاد ومسكن خاص فيها لأنه جود هي ٱخر سنه إلها بالمدرسه والروحه على الجامعه بتفسد أخلاق البنت وبتحرفها عن الطريق المرسوم إلها رغم إنه جود كانت كتير شاطرة بالمدرسه بس هالشي ما شفعلها أبدا عند أبوها إنه يخليها تتابع دراسه وحكم عليها بالسجن مدى الحياة أكيد الزواج مو سجن بس لشخص بيحب ورافض فكرة إنه يترك مدرسته وحياته لينخطب لواحد كبير بالعمر بحجة إنه البنت عنست وما عاد تلحق تتجوز وجابت العار لأبوها هي كلها معتقدات خاطئة بيأمنوا فيها أغلب الناس الكبار بالضيع القريبة الزواج هو قناعه وأسلوب وحب متل إذا قررتي تلبسي الحجاب بإرادتك حتكوني مبسوطه ومانك حاسه إنه حدا فارضه عليكي أو مجبرة عليه وهي الزواج وتأسيس الأسرة رح يكون هيك بإرادتك انت وقناعتك بإنك رح تقدري تشيلي مسؤولية وتتحملي تربي ولاد وتساندي شب بهالحياة هاد الشي وحدك اللي بتقرريه بدون ضغط أو تدخل من أي شخص الفستان رح ينترك بالخزانه والعالم حتفل وتترمك لحالك وموديل الشعر والتاج رح ينفكه بس الشخص اللي اخترتيه رح يضل معك  ويتسكر عليكن باب واحد وحيكون هو بقى محور وأساس وجهة التحكم الوحيدة بحياتك رح تقدري حتبني أجمل وأروع أسرة رح تفشلي حتدمري أجيال وأطفال معك لهيك جود ما كانت مقتنعه أبدا ورافضة الفكرة نهائيا وأبوها معند كتير معها بحجة إنه ما بيحبها لأنه هي بنت كان بدو ولد بس إجته بنت لهيك بدو يخلص منها وما صدق حدا طلبها منه المهم من كتر مو حابب إنه جود تبعد عنه حدد خطبتها من دون علمها والمفترض إنه هي تحضر من تم ساكت وبدون أي رد فعل بيجي عريس الغفلة باليوم اللي حدده أبو جود ليشوف العروس بيلاقي قدامه بنت بغاية الجمال بس إيديها ملفوفين بشاش ورجليها ما عم تمشي عليهن في حدا ساندها
العريس بصدمه : أبو جود شو هاد
أبو جود : أهدى وروق شهر زمان وبترجع جديده وأحسن من أول بنكون نحنا خلصنا كل اللي علينا هي بس فركة إدن لحتى تعرف إنه أنا ما حدا بيوقف بوجه قراراتي يحرق البنات على أبو ساعتهن ما بعرف ليش ما نرجع ندفنهن من لما يخلقوا
العريس : إي طول بالك إنت كمان من وين بدنا نتجوز إذا بدك تقتلهن وبيغمز لأبو جود وتجيب الولد اللي حلمك فيه
أبو جود : والله معك حق
كل هاد وجود دموعها نازله أصلا شو بدها تحكي بعد كل هالوجع وإحساس إنه هي قديش رخيصه بنظر أبوها وبدو يبيعها ليتجوز مرة تانيه ويجيب ولد يحمل اسمه هالشي غلط إنت لما ربنا بعتلك بنت متل القمر مهمتك بهالدنيا تربيها وتدرسها وتعلمها أحلى تعليم تحسسها بالفخر إنه هي بنتك وتسلمها بكل حب وخوف للعريس اللي رح يصونها ويحمي أمانتك بدون أي خوف من إنه حدا يإذيها وهي جنبه الله لما طعمك البنت لتحس قديش فيها حنية لما تضمك وتحكيلك عن يومها ومين زعلها ومين حبها تحسسها إنك رفيقها تحكيلك كل شي بدون خوف ورعب منك إي نعم احترامك موجود بسس أمانك أكبر من أي خوف ممكن يكون زارعه الأب بينته مو لازم تقلها يا ريت جبت صبي ما رح يفيدك لكبرتك
اذا خسرتها رح تخسر كل أمان وحنية الكون
الشب بكرة رح يكون صار زلمة لمرته وولاده أما إنت صرت شي ثانوي بحياته أما بنتك فإنت رح تكون أولى اهتماماتها بالهدنيا لأنك سبب وجودها ووصولها لأعلى المراتب والأحلام

ي

ت

ب

ع

توقعاتكم شو ممكن يصير بعدين
ٱسفة على التأخير وإنه البارت القصير بيتعوض إن شاء الله