مسرحية الحب

الجزء الرابع/ بداية الوداع /

هل التقينا بين صفحات الأيام أم دفاتر الماضي أشعر بأن هنالك نقص كبير في منتصف جهتي اليسرى مهلا أهو القلب أم أنت

*****************************
اقتباس

ق

بل ما نبدأ رح خبركم شي بالأول على فكرة العريس مو كتييير كبير هو شب بأول عمره بس مانو منيح أبدا هلأ مع الأيام بنفهم ليش

أبو جود : يلا يا نورس خود عروستك وقعود احكي انت وياها هي مو عاداتنا بس لأنك ابن كبيرنا فلازم يكون إلك صلاحيات خاصه يالله بابا جود خدي خطيبك وعرفيه عن حالك
- بيطلع نورس وجود ليقعده بغرفة الضيوف
نورس بيبلش حكيه : شو بتحبي تعرفي عني
جود : ما بدي ياك
نورس بسخرية : بعرف وبقرب عليها شوي وبعرف كمان إنك عشقانه أنوور وعلى علاقة معه من أيام وسنين طويلة
جود مصدومه ومو عم تحكي ابدا
بيكمل حكيه باستفزاز برأيك إذا حدا عرف لمين رح يقتلوا إنت ولا حبيب القلب
بيرجع لورا وبيسند رأسه وبيكمل بس انت حلوة خسارة فيكي الموت بس حبيب القلب معلش
جود : ابعد عن أنور بترجاك
نورس بتفكير : اذا وافقتي على اللي رح أقوله كان بها وإن ما وافقتي بنحضر بكرى الجنازة سوا
جود : عم اسمعك
نورس : بتقومي متل الشاطرة بتجيبي ورقة وقلم وبتكتبي شو رح قول
قامت جود لجوا جابت ورقة وقلم ورجعت لعند نورس اللي بقلها بلشي كتابه فعلا هي بتفتح الورقة وبتكتب شو عم يقلها
مضمون الرسالة كان
/لو س أن الأيام ا والدهر ع أبعدوني د عن مان امتلكت ي من ن و قلبي سيظل ر ينبض س بحبك ما حييت / هي الرسالة ونحنا بقلب العرس بتوصل لأنور وإلا طلاقك بنفس المكان رح يكون إذا ما بخبر إنو قرأها أنور فهمتي ولا لاء
جود ودموعها نزلت : ماشي بس بترجاك لا تأذيه
نورس : إذا صار متل ما بدي اوعدك ما رح يصرلوا شي أما إذا ما صار بتعرفي إنت شو ممكن يصير بقى تمام وهلأ صار فينا نقول مبروك يا أحلى عروووس وبيبتسم ابتسامه صفراء
وبيطلع لعند أبو جود
أبو جود بعجرفة : نشالله عجبتك العروس
نورس : إي ماشي حالها من هون لأسبوع بتخلص كل غراضها لأنو بعد شهر رح يكون عرسنا وبنص الضيعة كمان
أبو جود : إي وليش كل هالسرعه لتكون أكلت بعقلك حلاوة المرأة لازم تكسرلها راس القط من أول ليلة مو تخليها تركبك وتنزل رجلياتها عليك
نورس : إنت ما إلك علاقة فيها من يوم ورايح هي صارت إلي يعني ملكي واللي بمد إيده على شي بخصني بكسرله ياها فهمت بقا
أبو جود : أمرك يا حبيب بس قيمت الدفع وكتب الكتاب بدنا نجهز البنت مشان تشرفك بقى
نورس : كتب الكتاب أنا اللي بحدده والتياب بكرى رح جيب أهلي وإجي كرمال نخطب البنت رسمي وبعد بكرى بننزل أنا وياها وبنجهز سوا طلاع منها انت بس يالله سلاام
بيجي تاني يوم وبتم الخطبة وبتمر متل مراسم العزاء هدوء وخوف وتوتر من جود وفرح وسخرية من أبوها ووجع وحزن من نورس كلهن فيهن مشاعر كتير مخربطة ومدمرة وبتمر فترة الخطبة على أحر من الجمر
وبيجي هاليوم المنحوس يلي رح يغير كتير شغلات بقصتنا وحكايتنا الصبح بكير بتفيق جود وبتصير تجهز حالها متل أي بنت عرسها اليوم / عقبال عندكم جميعاً 🤎/
بس عروستنا عم تجهز لشئ أكتر من العرس بعدين بنعرفه .

وهلأ بنرجع لعند أنور وأمجد وقت كانوا بالمشفى عند وائل بس هلأ وائل صار منيح نوعا ما وتجاوز محنته بمساعدة رفقاته اللي كانوا جنبه وما تركوه بلحظات ضعفه ووجعه وبيمضي شهر على حالة الوفاة وخلالها ببلش يزيد مرض أمجد وشعره بيبلش يهر عالخفيف
بنروح هالمرة على البيت لعنده متل ما حكينا سابقا أمجد ما عنده ولا أخ وهو وحيد أمه وخاصة بغرفة أم أمجد بنلاقيها على سجادة الصلاة ورافعه إيديها لسماء وعم تدعي : يا رب حنن قلب أمجد وخليه يسافر ويشوف حياته وترزقه ببنت الحلال اللي تصونه وتحفظة وشوف وولاده قبل ما مووت يا رب إجعل يومي قبل يومه لإني ما رح إقدر ٱخد عزاه يا رب صبرني وقدرني على طاعتك يا أرحم الراحمين يا رب
أمجد : وهو واقف وراء البواب ٱسف يا أمي والله ما بإيدي عم قاوم وحاول قوم بس خلص ربك عطاكي أمانه وإنت حافظتي عليها وهلأ أراد إنه يستعيد أمانته فيكي تعترضي أگيد لاء الله رح يقويكي لا تخافي يا قلبي الله سبحانه وتعالى قال *لا يكلف الله نفسا إلا وسعها* الله رح يصبرك ويرزقك بولاد الحلال اللي رح يضلوا جنبك وما رح يتركوكي متل أنور ووائل ووأيمن هدول ولادك مو هيك كنتي تقولي عنهم
أم أمجد : خلصت دعاء وطلعت لبرا لقت أمجد واقف على الباب وسارح بخياله لتنقر على كتفه ويصرخ أمجد بفزع
أم أمجد : بسم الله حولك وحوليك يا ابني شو صارك بشو سرحان
أمجد بيضم أمه لصدره وبيشم رحيتها ودموعه بتخونه
أمه وهي عم تمزح : شو يا أمي كأنك عم تودع ههه أمجد بقلبه : ٱااخ يا أمي لو تعرفي إنه حكيك صح بس مو قدران قلك كيف بدك تتحملي هالشي وتضلي لوحدك يالله إلك الله ما بينساكي بترجاكي سامحيني يا أمي مو قادر شوف دموعك والله
أم أمجد بقلبها : يا رب احميلي ياه ولا تفجعني فيه يا رب
بعد شوي بيبعده عن بعض على صوت الباب وهو عم يندق بيروح أمجد ليفتح بلاقي بوجهه أنور
أنور بضحكة : تعال معي بدي روح لعند أيمن
أم أمجد : اتفضل يا ابني والله غير ما
أنور : لا تحلفي الله يبارك فيك عندي موعد عند الدكتور وبدي لحقه فاتح
أم أمجد : الله يسرلك ويشفيك يا ابني ويطعمك ولادين الحلال قادر يا كريم يالله سيد أمجد أحسن ما قاعدلي وراء الباب عم تشوفني شو عم أعمل روح مع رفيقك خلي يحس إنه في جيش وراه يالله يمي الله يوفقكم
أمجد : حااضر حااضر يا ست الكل ادعيلنا على طول أم أمجد عم ادعيلكم يالله تيسروا بقى
أنور بضحكة : امشي قدامي خلصني
بيطلعوا سوا وبيوصلوا لقدام البيت يلي هو عبارة عن حديقة بسيطه إلها بوابة خارجية وباب البيت جواتها وحوليهم ورد وفل لأنه أمجد بيعشق شي اسمه ورد وفل لهيك مدخل البيت عندهن لك عزيزي القارئ أن تتخيل جماله بكامل الحرية
أمجد وهو عم يطلع بأنور : شو يا أبو الصحاب بلاقيك مبتسم في شي بفرح بهالدنيا ؟

ي

ت

ب

ع

يا ترى عنجد متل ما عم يقول أمجد شوفي بالدنيا بيفرح معقول ما يكون فيها شي بيفرح وبيسعد القلب وشو رد أنور على هالحكي وشو توقعاتكم وآرائكم بخصوص القادم كيف رح يكون وهالعرس كيف رح يمضى أكيد ما رح خليلكم ياه يمضى بشكل طبيعي 😂😂😂