حبيبتي المتنمرة

البارت الأول

روايه #حبيبتي المتنمرة

#البارت الاول

الصباح يرن منبه السادسه صباحا
تقوم بإطفاء المنبه وتستيقظ بملل شديد لتنفخ بالهواء بإنزعاج وتقول ..

يا ربي بقا انا اي اللي رماني علي المر دا مدارس وزفت

فتحت أختها باب غرفتها حتي تيقظها
وقفت أمام الباب وقالت بسخريه ...

بجد مش مصدقه دي معجزه حور تصحي بدري سبحان الله

نظرت لها حور بشر وقالت ..

جرا اي يا سلوي انتي جيه تهزقيني ولا اي اطلعي برا مش ناقصه وجع دماغ

تحدثت سلوي بجديه ..

أمي قالتلي أقولك أن خالتك سعاد جايه من السعوديه النهارده هي وابنها آدم فا غيبي النهارده من المدرسه عشان تساعديها في التضيف وتحضير الأكل

نظرت لها حور بإنزعاج بينما تقوم وتخرج ملابس من خزانتها وتقول ...

النهارده اول يوم مدرسه وانا ثانويه عامه ومش هغيب

قالت سلوي بسخريه ..

حوش حوش يابت دنتي ما بتفتحيش كتاب السنه اللي فاتت كنتي بتتعرفي علي الماده ليله الامتحان

تأففت حور بملل وقالت...

خلاص مش لازم تقولي يعني عمتا انا عايزه أقعد مع صحابي وخالتك وابنها دول اساسا اي اللي جابهم مش هما عايشين في السعوديه اي اللي جايبهم عندنا

سلوي... هينزلوا يستقروا في مصر وهيجوا يسلمو علينا

حور ... جوز خالتك دا جاي معاهم

سلوي... لا

حور... كويس اصل مش بطيقوا

قالت سلوي بحزن مصتنع وهي تخرج من الغرفه..

كدة لبست انا الليله دي وهتهربي انتي

ضحكت حور عليها وقامت بتبديل ثيابها إرتدت ملابس مدرستها كان عباره عن بنطلون باللون الكحلي ضيق وتيشيرت باللون الكحلي قصير ورفعت شعرها كعكه وأخذت حقيبتها وغادرت مسرعه قبل ان تراها والدتها فكل يوم تقول لها أن تغير طرقه ملابسها الضيقه والقصيره ولكن علي من فا حور لا تكترث لأحد