مال الحرام

بـارت -7-

مال الحرام..

بـارت -7-

وَتسألنِي أتعشقنِي؟
‏تخيَل أنها تسأل!
‏بِربك كيف أسمعهَا
‏ألا مِن نفسهَا تخجَل؟
‏ألم تقرأ بِأشعَارِي
‏بِأنِي قَتِيلُها الأول؟
‏وَأنِي دُون عَينيها
‏ضياعٌ ضائعٌ أعزَل
‏ألم تلمَح بِكف الشَمس
‏مكتُوبًا لها مِرسَل؟
‏ألم تَلمح بِعرض البحَر
‏ديُوانًا بِها منزَل؟

.........

فؤاد/

كملت شغلي ورجعت للبيت لگيت امي گاعدة تنتظرني

السلام عليكم

ام فؤاد: وعليكم السلام

فؤاد: شعجب بقيتي گاعدة

;- اتاني حضرة جنابك تشرف وتحجيلي على الي اسمهة تمارة

;- شبيج ضايجة ترة البنية تصير اخت يمان ومااحجي وياهة بس كم مرة حجيت ومن اعترفتلهة

;- ياا اثاري هاي اخت يمان وماادري لعد خوش بنية مادام اخت يمان

;- ايي، ، اريدج باچر تروحين تخطبيهة ومن توافق ان شاء الله نروح اني وفراس

;- صار يمة تدلل،، واخيرا راح تزوج وافرح بيك،، اشوف ماتقبل تزوج اي وحدة طلعت مخلي ببالك تمارة

;- من زمان احبهة تذكرين من كلتلج اخت يمان تخرجت

;- اي?

;- اني بهذاك اليوم اعترفتلهة

;- لعد ليش ماكلتلي اخطبهة من هذاك اليوم

;- مجنت جاهز اتحمل مسؤولية ولاعندي شغل ثابت ،، بس هسة اني اگدر اتحمل مسؤولية وعندي شغل وخير من الله احصل ومن اخطبهة ان شاء الله ارجع الاجازة يومين بالاسبوع

;- الله يوفقك ويرزقك ويفرح گلبك وليدي ،، يعني انتَ لاغي الاجازة؟

;- اي كلت للمدير يلغي الاجازة واشتغل الاسبوع كلة علمود تزيد اليومية ومن تزيد نهاية الاسبوع ينطيني اكثر وهيج اكدر اجمع واخطبهة،، هسة عوفي التفاصيل تروحين باجر؟

;- تدلل عيوني باچر ان شاء الله اروح اخطبهة واخذ الموافقة يلة ارجع واسويلك احلى عرس مادام تحبهة وهيج تسوي علمودهة

;- اليحب كلشي يسوي علمود اليحبة انطيتهة وعد راح اوفي بي هاي الايام بإذن الله ،،، ورة عرس إلياس ان شاء الله نسوي عرسنة

;- ان شاء الله ،،، جوعان اسويلك اكل

;- لا يمة روحي نامي تعبتي بقيتي گاعدة علمودي مجوعان اكلت برة

;- زين،، تصبح على خير

;- وانتِ من اهل الخير

بقيت گاعد وافكر ردت اكللهة امي راح تجي تخطبج الي بس بطلت خليهة مفاجئة