مال الحرام

بـارت -10-

مـال الـحـرام

بـارت 10

"‏إِنِّي بَلَغْتُ بِهِ بِالحُبِّ مَنْزِلَةً
رُوحِي بِرُوحِهِ وَالأَجسَادُ تَنْفَصِلُ"

.......

نبأ/

صارت السبعة واجوي اهلي وبعض من اقاربهم وعمات وخالات إلياس القريبات اجني سوينا حفلة صغيرة لبست قفطان نازك سما سوتلي شعري وحلا سوت المكياج طلعت اجنن

فات إلياس للغرفة ضل صافن بوجهي بعدين خزرني

-- شنو هذا هاي هيج تطلعين گدامهم

-- اي شبيك غير عروسة
-- امسحي

سما: يمعود شبيك وياهة ترة عروسة والناس اجتي
-- واني شعلية بالناس مو تدرين بعمتي عيونهة ليزر هسة يصير بيهة شي

سما: اسم الله ماعليك بيهة خطية ليش تكسر خاطرهة صار ساعة تحضر بنفسهة ميخالف بس اليوم تلبس هيج وتخلي هيج مكياج

-- اني مو على اللبس لبسهة مستور بس شعرهة ومكياجهة هذا اني ماراضي عليه وهذن يضلن فاكات حلكهن عليهة عبالك مشايفات

حلا: شبيك چنك عجوز اني اقرة عليهة المعوذات عود بس عوفهة بحالهة وبدل ملابسك وامشي بعد لاتفوت

نبأ: ايي شعليك بية عروس ومن حقي شسويلهم خل يحسدوني

إلياس: اكول صايرة صلفة منين متعلمة هسة بين منين متعلمة

حلا: هههههههه انتَ دائما ظالمني على الاقل كول عاشت ايدج على هذا المكياج ماكو خفت هلوجه

إلياس: تكسرت ايدج ام لسان،  ماتطلع منا الا تحط شال على راسهة

سما: لعد والتسريحة

إلياس: مشكلتج لبسيهة شال يلة تطلع لو ترفعين شعرهة مال تطلع هيج هية وفالة شعرهة ممنوع

نبأ: صدگ سديت نفسي ماريد حتى حفلة مااسوي وراح البس دشداشة واكعد يامعقد

إلياس: هسة لان اخاف عليج صرت معقد سوي الي تريدي

دمعت عيوني هوَ اني اريدلي حجة علمود ابجي هوَ هيج سوة كعدت ابجي شمر الهدوم ورجع علية من شافني ابجي حلا وسما طلعن

إلياس: نبأي

نبأ: شكووو
إلياس: اسف لاتزعلين بس گرايبي واعرفهن اني اخاف عليج من كلشي افهميني شكو بيهة اذا رفعتي شعرج وطلعتي ميخالف عوفي الشال بس ارفعي شعرج لان شعرج طويل

نبأ: كلشي مااسوي ضوجتني طلع كلشي من عيني
إلياس: عاندييي عانديييي
نبأ: لتصيح ترة اعاند اكثر خاف جان الي نية اسمع كلامك وارفع شعري
إلياس: استغفر الله العظيم بنتي كومي راح يجون اهلج

نبأ: لاتكول بنتي اني مو بنتك

اشوفة لزم راسة وكعد ينافخ ويستغفر ميريد يصيح علية
گام بدل لبس ساعتة ورش عطر طلع ورگع الباب
مخبل بسيطة مااتسمة بأسمي اذا مااخليك اليوم تنام بالصالة