مال الحرام
بـارت -5-
لاتنسون التصويت والتعليق على كل فقرة♥️
.........
"عَيْناكِ ألفُ قصيدةٍ أنشدتُها
أنتِ القصَائد والقَوافِي والوَطن"
............
ابن عم نبأ: نبأ الية وإلياس مياخذهة گوم اطلع برةة
إلياس: اطلع برة انتَ ماعندك غيرة تجيب اسم البنية بنص ديوان الزلم
احير الزم إلياس لو فؤاد ثنينهم بارود الديوان صار هوسة كلهة تصيح
ابو نبأ: كاافيييي البنية بنتي وانتَ اطلع برة ماالك مرة عدنة الشخص الوحيد الي يستاهلهة هوَ إلياس
هاهية اني موافق
اباوع على إلياس عيونة دمعت وذاك ابن عمهة وجماعتة طلعو زعلانين ومن وافق جماعتنا گامو يتشكرون منة وواحد يسلم على اللخ وإلياس بعدة صافن ومخلي ايدة على عيونة طلع برة وطلعت ورا اني وفؤاد
يمان: إلياس خوية شو باوع علية
فؤاد: يمعود امشي سلم على ابوهة هسة يبطل دوخر ايدك
إلياس: صدك وافق؟ لو اني بحلم!؟ هـاآ احجو
يمان: وافق وافق
حضنا ثنيناتنة وهوة ميدري شيسوي
إلياس: الحمد لله الحمد لله والشكر الحمد لله والشكر
اخر شي سجد سجدة شكر الباب چان مفتوح وكلهم يباعون على إلياس بعدين گام راح غسل ورجع دخل للديوان سلم على ابوهة وعلى الموجودين
الشيخ: حجي انتَ چا شگد شالع گلب الولد انه لو بمكانك ويجي واحد مثل إلياس من اول مرة انطيهيا
ابو نبأ: والله صح كلامك اعذرني
ابو إلياس: شتطلبون احنة حاضرين وتدللون
ابو نبأ: عيني ابو إلياس متقصرون
الكل اتفق والمهر صار 10 ب10 وتحدد يوم العقد الجمعة الجاية
فؤاد: وهسة خواتك لازم يهلهلن
إلياس: هههههه اي
يمان: اهم شي الهلهولة
فؤاد: ولكم غير هذا جلطني لما وافق وانطا البنية يبوويي غير اذا اروح امشي على البنية الاحبهة وابوهة ماينطي الة اخطفهة ولااتعب نفسي
يمان: هاااا فؤاد طلعت تحب وماندري
إلياس: مو اگول سالفتك مو خالية
فؤاد: ان بعض الظن اثم، ، اتقوا الله يااخوتي
يمان: ههههههههه الله اكبر دخل الاسلام فؤاد
إلياس: هههههههههههه الله اكبر الله اكبر
الكل يضحك وفؤاد كف الدشداشة وطلع يركض
أنت تقرأ
مال الحرام
Romanceالخيانة والحب والفراق ، هناك ألم بين الحروف وضياع وبُكاء وتضحية ووفاء البيت والعائلة شيء ثمين والحرام لايدوم يُحزن المرء ويُكثر الداء وهنا يحدث الفراق مـال الـحـرام ...... بقلمي انا الـكـاتـبـة طـيـبـة ......
