مال الحرام..
بارت -8-
أنا لم أقع بحبك........
أنا وقعت بداخلك
....
يمان: اني احبج واريدج على سنة الله ورسوله
حلا/ انصدمت وگع الموبايل من ايدي ضليت صافنة لاارمش ولااتحرك هذا شنو گال!? خاف مصخن لو شارب يبوو
احس انمغصت شگول شبي هذا خل احظرة احسن او لا ميصير غير اجاوب لا لا خل احظرة
يمان/ شافت الرسالة وماردت ورة دقائق حظرتني!!!
اني غبي هوة هيج يحجون ويعترفون،، شمرت الموبايل على الچرباية وگمت،، شسويت اني شسويت
سمعت الباب تدگ فتحتهة طلعت تمارة
تمارة: هـاآ شصار شگالت
يمان: اني غبي بدون اي مقدمات اعترفتلهة وحظرتني گلتلج متحبني يجوز تحب احد
تمارة: يمان بس اهدئ ميخالف يجوز انصدمت او خجلت او ماادري وهيج حظرتك بدون ماترد،، انتَ كلتلهة اني يمان
يمان: گلتلهة اني صخمان كلتلهة
تمارة/ يفتر بالغرفة يروح هيج ويجي هيج ويلوم بنفسة سمعت وصلتة رسالة بس مافتح الموبايل
تمارة: ولك گوم شوففف هاي من حلا
سحب الموبايل بسرعة وفتح الرسالة
..........
حلا/
هوة اني معجبة بي بس ماريد اگول حرت بين انُ تصرفي غلط لو صح، ،، فتحت الحظر وكتبت..
اعتذر لان حظرتك بدون ماارد
اذا تحجي صدُگ ذاك ابوية واخوية احجي وياهم
اني ماريد نگعد نسولف ومدري شنو اخوية يصير صديقك واصلا ميصير نحجي هاي اولا ثانيا اني شسمة اني معجبة بيك بس مو حب
يمان: طبعا احجي صدك وان شاء الله بس اشتغل واكون نفسي اجي اخطبج
تمام منحجي مثل ماتريدين
يجوز تحبيني بعدين مادام معجبة بية بس مراح تحبيني بگد مااني احبج
حلا: الله كريم يلة روح لتصير مسربت وتبقة تسولف اريد اروح انام وراية شغل مع السلامة
يمان: في امان الله الله وياج
هوة جذب ماانام هسة بس ماريد نبقة نحجي توترت خاف اضل اچفص نهيت المحادثة وبقيت اتگلب بالفراش
اكول ليش چان يباوع علية بيوم العقد مال إلياس وراد يحجي وبطل ابو وجه المطعوج طلع يحبني لا شنو ابو وجه المطعوج هوة حلو شو اني الي صرت مسربتة مو هوة
........
يمان: تمارة شوفي شگالت
تمارة: يلة لعد حضر نفسك ودور شغل
أنت تقرأ
مال الحرام
Romanceالخيانة والحب والفراق ، هناك ألم بين الحروف وضياع وبُكاء وتضحية ووفاء البيت والعائلة شيء ثمين والحرام لايدوم يُحزن المرء ويُكثر الداء وهنا يحدث الفراق مـال الـحـرام ...... بقلمي انا الـكـاتـبـة طـيـبـة ......
