MY HANDSOME TEACHER

Chapter-1

Wendy POV

Vawiin tang hian school kan tan veleh tawh dawn a, ka school kalna hluiah Higher a awm tel loh vangin school tharah ka in admit ve tawp a. Ni hmasa ber tur te ani bawk a ka huphurhin ka zam sa hle, chutah lah ka thiante pahnih ka kawm ngeih thin em em te nen kan school kalna inang lo tur leh hmelhriat om miahlohna a lut tur ka ni bawk nen school kalloh hial ka duh rum rum alom mawle.

Ka hming hi Wendy Lalrinmawii ani a, Cl-XI(com) niin, kum 17 ka hmang ve mek bawk. Tunah hian Dawrpui ah kan chhungkua in kan cheng ve mek a, hausa tia sawi tur kan nilo bawk. Ka nu hian bazarah dawr anei ve a, ka pa erawh constructor ani thunga, tunah thawhna takah erawh translator ani thung. Ka nu leh pate an chhuah reng thin avangin ka pu(ka nu pa) hian min awmpui chawt thin.

Dar 7 ari a, kan insiam peih der mai, kan uniform chu ka duhthusam lo hle bawk, kan pawnfen tial dan hi hmanlai riau. Room atanga ka chhuah chuan chaw ei ka nau in a lo peih der tawh a. Oh! Ka sawi theihnghilh unau 3 kan ni a, a upa ber ka ni, ka chhang chiah hi May Lalhlimpuii ania, kan te ber hi Timothy Roluahpuia ani thung.. Ka chhang chiah nen hian kum zawna piang kan ni a, egkimah kan inzui chawt zel, a inchhawkin inchhung chet vel hi kan ti a, ei rawngbawl lam hi chu ani zing lam leh kei tlai lam angin kan ti thin thung.

Chaw kan ei fel a, ka hmai te kan chei leh thuak thuak hnu chuan ka hman chu ni nghal der mai. 8:15am ah chuan in chu chhuahsanin kan school lam chu ka pan ta a.

*Time skip*

School awmna ka thlen chuan a building chu ka en vang vang phawt a, "A nawm ngei ka beisei" tia boruak hip lut vang vang in gate ah chuan ka pen lut a, naupang an in line thup mai, engvanga chutia in line nge an nih ang tih ka ngaihtuah lai chuan "In bag zipper lo hawng sa vek ru" an ti a, thuawih tak chuan ka hawng veleh mai a, ka hun a thlen chuan ka bag check tu nu chuan "Which class are you? " rawn ti a, keiin "XI commerce" tia ka chhan chuan kan bul hnai a mipa pakhat chu ko zeuhin kan class room a min hruai turin ati nghal zat a.

Kan class room thlen nan chuan step kal thui angai kher mai, class kan tan hma tang ka chau chhe tep alom mawle. Kan class room tur min kawhhmuh chuan mak ka ti ve det cl-XI(sc) nen kan room a in zawm anihchu, a chhung luh phei chuan te ve tak chu ani. Hnung lamah chuan mipa hi an lo thu khawm luih mai a, left row-ah chuan hmeichhe pakhat inthlahrun hmel deuh a lo thu ka hmuh chuan ka be nghal a, a hming chu Emelie ani a, a fel hmel khawp mai,lut thar ve tho ani a, khaw dang atanga rawn kal ani nge*.Ka bula thu tura ka sawm chuan a rawn insawn ve mai bawk a, hmeichhe pakhat a rawn lut leh a, a te ve khawp mai, ft 5 te chu sawi loh ft 4 leh chanve vel bak ani lovang. Kan hma chiah ah chuan a rawn thu a, Emelie in a hming a zawh chuan Karna anih thu a sawi a. Dar a rawn ri a, palian leh ngo vah mai alo lut a, a khi tel reng bawk. Chupa chuan "In class teacher tur ka ni a, Sir Ram tiin min ko thin dawn nia, in hming leh an koh dan cheu han sawi hlawm ula... " atih mek lai chuan hmeichhe pakhat hah hmel tak hian "Sir, May I come in?" a rawn ti a,Sir pawh chuan a luh tir veleh nghal mai. Introduction te kan neih zawh chuan hming lamna a nei leh a roll no. 4 ka ni. Kan class chu mi 19 chauh kan ni a, hmeichhe 4 cauh kan ni tur erawh ka huphurh hle, an tlaw viau dawn in ka hmu hman pek a hmeichhe dang ho hi, keilah engteh ual ka lo ni silo bawk nen hian🤫

Class kan la lo a, mahse formula pawimawh tur ang erawh kan la thung, class tawp ber kan neih dawnah chuan zirtirtute'n class-XI chu kan haw theih thu an rawn sawi a, a chhan chu kan school in Thankgiving Day kan hman dawn vag alo ni a, inpuahchah nana an hman thin thu an sawi bawk.

Ka thian thar Biaktei leh Emelie te nen chuan kan haw kawng alo inang a, Karna erawh hostel-ah khan a awm thung. Emelie nen bus khatah kan chuang dun thei dawn a, Biaktei erawh Bawngkawn daih a awm anih avangin kan bus channa inang theilo thung. Bazar kan thlen chuan ka chhuk vat a, anu bazar a ka tlawh chuan nuam ka tih leh tihloh te min lo zawt thuai a, nuam ka tih thu in chhang ve mah ila, nawm hmel ka ti hlawllo thung.

In ka thlen chuan inthlak sawk sawkin phone ka khawih nghal a, phone khawih hi ka addict ve hrim hrim a, nangni pawh in nih ve tho ka ring. Dar 5 rik chuan eirawng te chu ka bawl mawlh mawlh a, ka nau te pawh chuan a nawm hmel em tia min zawh te chuan ka umm liam ve vel mai mai ni. Chaw ei kham chuan kan maths teacher in kan notebook lo rin chhuah vek tur atih vang chuan ka rin veleh ta malh malh a, ka rin zawh hnu chuan mu turin ka insiam chhunzawm veleh nghal ta mai a.