MY HANDSOME TEACHER

Chapter-16

Wendy POV

Ka phone chu dah thla in ka hmai chu ka tuai leh thuak thuak a, nikhat pawh inngaihzawn hmain a chhungte min hmuhtir a tum nghal rigawt hi a mak zawk, min hre vek tawh a la tizui bawk nen ka zam takzet. Mahse an sawi thin kha kan ngaihzawngte an chhungte leh thiantha te bula an hmelhriat tir ngam chuan thlah suh an ti bawk a, keipawhin ka thlah hauh lovang. Nu Maremi chu ka ngei deuh reuh tumah hrilh suh ka ti reng sia, ka hmuh hunah ka chhuahchhal ang.

Dar 8:15am a rik chuan in atang ka chhuak a, zarkawt lama chhuak chho in two-wheeler taxi chuan ka kal a,ka hmai a chhiat ka hloh vanga hmang ka ni pakhat.

School gate ka thlen chuan pawisa chu pein ka chho a, Sir thusawi kha ka hrechhuak a, gate bulah chuan min lo nghak angem le. Kan bag an  check na thin hi office kawt ani bawk a, office pawh kan hmu thei vek zel.

Monday a ani bawk a, an check strict leh khawp mai, office lam ka en chuan Sir Tluangtea chu sofa ah chuan a lo thu a, min tihlaih a tum ani chek ang chu, min nuih suk hian a mitko a san euh euh a, keilah lai hma tihtakah ka hawisawn vat a, ka biang chu a sa hat hat mai.

Ka bag an check zawh chuan chhoh nghal mai ka tum a, mahse Sir Rama'n min lo koh vang chuan ka bag chu ak tha in office ah chuan ka lut a, office ah chuan an pahnih chiah hian an lo awm a, pawn lamah erawh pahnih an duty thung, ka luh chuan Sir Tluangtea chuan min lo chhawn vat a, lei ka chhuah khum zeuh, Sir Rama bul ka va thlen "Sir Tluangtea'n lawm ko che" a rawn ti a, Sir Tluangtea awmna lam chu ka hawi a, a lo awm tawh miahlo.

Sir Rama kawhna lam ka en chuan Lalruattluanga chu a seat-ah thu in a lo khi vur vur mai, a lam chu panin a hmaah kut kuangkuahin ka va ding a, paper te min pek chuan ka la a, paper ah chuan tihian a lo inziak a:

Lunch break a tiffin in ei zawh vek hnuah kan chhuah dawn cheu a, nangchu 4th period zawh veleh in pack la, in floor zawna step-ah ka lo nghak dawn che nia

'Awle' tiin hmui phunin ka sawi sep a, rawn tho chhuakin a hawi kual a, ka hmuiah rawn fawp zeuhin a inla hrang a, min nawr kal nghal dat dat mai. Office ka chhuahsan chuan ka tlan chho vat a, class ka thlen chuan tumah an lo la thleng lo, ka thutna a thu thla in ka hmui chu ka tuai zeuh a, ka nui ver ver mai. Mahse tikhan ka first kiss a ta ni leh rigawt. Ka rawn hmasak ber ho hi ka mizo mipa duh ngei hian change vek se ka ti.

Midang an rawn thlen chuan kan bengchheng leh tawh khawp, mi 19 chauh mah ni ila, kan bengchheng ve thei khawp mai, ka thiante pahnih chu kuai kunin Sir nena kan inngaihzawn thu chu ka hrilh a, an au leh thin chuan min ti thinrim tep tep zel, vawiin a an ina ka kal tur thu ka hrilh chuan an ni pawn mak an ti ve tho. Ani reng bawk a, nikhat pawh kan la inngaizawng tlat lo. Anni chuan min thik thu te an sawi leh thin a, ka nuih leh tawp zel

Devotion hun a ni a, Sir Rama a lo lut a "Lehkha zir theilo tur kan awm dawn ani in alang riau" mei nei deuh a a rawn tih chuan ka melh rawm rawm, nui huah huah pah hian roll call te nei a, hun hmang tu tur te ko chhhuakin, thu te a sawi ve leh a, min 15 a liam chuan a chhuak veleh nghal mai a. Reivak lo kan nghah hnu chuan BM class kan nei nghal a, boring leh tawh khawp mai.

Sir Tluangtea POV

School ka thlen khan a thlen ka la rin lo vangin office ka lut phawt a, sofa a ka thut hlan khan a lo thleng a, tihlaih tum tak chuan ka en a, ka hlawhtling ngei bawk, Sir Rama chu ko turin ka ti a, a ko ve mai bawk, a dawhkan a thlen khan ka seat-ah ka phei nghal a, in kuangkuaha a rawn din khan a duhawm takzet.

Paper chu pe in a chhiar a, A hmui phuna 'Awle' a tih khan min sum zo lovin ka fawp zeuh a, ka rin ang ngeiin a hmui chu deh a nuamin, a nem thep mai. Chet ngaihna a hriat loh vang khan ka nawr kal det det a, office a pel chiah khan a tlan chho a, ka nuih suk mai, a zak ani ngei ang.

Vawiin hian kan Principal, ka pa hian non-board ho chu ban hma a, board hmachhawn tur ho chu ngawrh taka zirpui leh motivate a duh a, chuan dar 4 velah an bang chauh ang. Chawhnu lamah period hnih ka neih vangin zirtirtu dang nen chuan kan in thlak a, an rem ti kha ka lawm takzet.

4th period ah chuan ka za cheng hi a ni tawp, cl-11(Arts) ah ka lut a, ka explain mawlh mawlh a, ka explain zawh chuan note by heart turin ka ti a, ka chhuak nghal, an phun ri nghal sur sur pawh ka hria, ka ngaihsak lemlo,Wendy te room  bih thlak ka chak tlat.

Wendy te chuan Mizo class an nei a, khawngkhar hawn chiah ah hian Wendy ka hmu nghal chat mai, a ngaihsak lo em em bawk, a bula mi nen an la inbe zui. Kan awmdun hunah ka hau khawp ang ti rilru in ka class lam ka pan leh ta zawk a, dar ka en chuan min 15 a la awm, rei ka la tihtum ber ani.

Bell a lo rik chuan naupang ho chu tiffin lo ei a, haw theih hun kan tihah rawn chhuk thla nghal turin ka hrilh a, an class room ka chhuahsan nghal. Step-ah chuan dingin Wendy ka lo nghak a, a rei phian leh nghal min 10 vel ka din hnu chuan a bag pawm chung hian a rawn kal a, min rawn pek chuan ka lo hnial vat , "Ka pum ka tina der dawn lawm, zirtirtu te'n min hmuh palh ka hlau ve, zawhna chhan sen loh i dawng mai tur asin" ka beng bulah a rawn ti sur sur a, ka lo nui suk mai, zirtirtute zawhna tur ka lo mang nghilh palh ani. A sawi ang chuan a bag chu ka ken sak a, anin a pum dawmin ka ban a kai a, a kal ve nasa mai.Naupang ho chuan an en duh hle a, mahse engmah an sawi lem lo.

Office kan thlen thlak chuan pawnah ka thuttir a, Sir Rama chu signal zeuhin pawnah a rawn chhuak a, keiin ka bag te ka va khung fel a, ka chhuak nghal. "Ban a hun tawh tho a, lo va thlah mai la, I kal tawh dawn tho" an bula ka thlen chuan Sir Rama'n a lo ti vat a.

Ka pa a office atanga lo chhuak chuan min rawn hmu a "Eng nge thil awmzia?" a rawn ti a, "A pum hi na a ti lutuk a, ka haw nghal dawn tho a, ka thlah pah mai ang" tiin ka lo chhang a. "Anih chu mawle. Bawihi zing chaw I ei lo em ni nge tiang hian a na thin hrim hrim?" tiin Bawihi chu a zawt a, "Tiang hian a vawikhat natna... Zing chaw pawh ka ei ve alom" thawk harsa niawm tak hian a ti a, lemchan thiam tak ani. Ka pa pawh chu bu ngauh nguah in min rawn en a, office-ah a lut leh nghal.

Sir Rama te nen a pawn kan chhuak chu kan thaw huai hlawm mai. Bike park na lam kan thlen chuan Sir Rama chuan "Wendy, pui khawp mai, khawi atang nge I thlan te kha I tihbawl theih a?" a rawn ti hlut a, Wendy chuan a ban bulah a beng dawt "Ka zam lutuk kha ni berin ka hria, dawt sawi hi a hrehin ka hreh a. Chu bakah principal meuh ani sia, ka zah ve lawm. Zanah Pathian hnenah min ngaidam turin ka ti mai ang" Wendy-in a rawn tih chuan Sir Rama nen kan nui chhuak hawk hawk a, naupang chhia lutuk.

Bike-a chuang tura ka tih takah chuan ka lam a rawn hawi a "Ka khalh ang ka tih kha" ... "No, no, no" kut zaizir meuhin ka ti a "Anihchuan, kein ka haw mai ang" tih leh kal a rual a, a ban a man sak vatin "Luhlul viau lo la, kan in atanga ka thlah dawn che ah, I khalh dawn nia. Chhun nisat lai ani bawk sia, miin mak an ti lutuk ang" ka tih chuan a in ngaihtuah vung vung a, rawn hawi chhuakin a bu zeuh a, insum hi har thin a hmuiah chuan ka fawp leh zeuh a, a phu zawk zui.

"Ehh" Sir Rama'n a rawn tih chuan Wendy chuan a hmai a hup nghal "Eng nge i la tih ve reng a?" ka tih chuan "Romantic scene a awm dawnin ka hria a, ka la awm ve reng a. Ka hriat lawkna ang ngeiin a awm bawk a" nui huah huah chung hian a rawn ti a. Ka van ngei tak.

Wendy ka en chu a lo tai hlar mai, a beng bulah zu kun hniamin "I laih khan i duhawm thlawt" ka tih chuan min melh no lo khawp mai, a mit hian power nei se chu ka thi tawh ang. Ka bike ah chuangin Wendy bag chu ka hmalamah ka ak a, Wendy rawn lawn dawn chuan a te tih ka theihnghilh daih ani, a rawn lawn theih nan ka kut pein, ka bike chu ka ti awn deuh a, a rawn lawn zawh chuan ka awmah kut a rawn suih a, ka hnungah a bei nghal a, kan tlanchhuak nghal.

To be continue...