MY HANDSOME TEACHER

Chapter-7

Wendy POV

In kan luh chuan David-a hnena ka inthlak tur thu hrilh in ka room lam ka pan nghal a, tshirt lian deuh ka mawng khuh vel leh kekawr tight tha zet pan te ang kha hain ka chhuak leh vat a, David-a chuan ei tur a lo siam a, engtik laia a lei nge tia ka zawh chuan ka nu dawr a thlen hma a a lei tih a sawi ve mai a, a siam zo a, kan ei chuan a tui ka ti kher mai. David-a hi chu eirawngbawl vel te hi a hnehsawh em em a, bawl hlo hman tur lah a hria in, a mixed rice phei chu tui tak ani.

Kan ei zawh hnu chuan sofa ah ka thu thla a, ka lo sil ang a tih tlat avangin ka awl a. A sil zawh chuan a sir lama tawlh turin min hrilh a, ka mal chungah chuan a rawn mu leh hmak tawh, a hmai chu ka kawr chhungah a phum deuh hmak a, heichu a tihdan ziah a ni, ka dul lah hi a fawp leh zeuh thin, a nghal thei nia.
"Sawi tawh la" a tih chuan ka chil ka lem leh phawt a, chutah "Kan sir hmeltha ka tih deuh khan min duh ve asin" ka tih chuan a hmai thuhruk chu a rawn hawng vat a, zawhna mitmeng a min en tak avang chuan thawk la vang vangin Sir Rama thusawi ho chu ka hrilh ta vek a, chutah rawn thaw chhuak deuh hawkin a hmai a phum leh a "I chhang dawn em?" tia min zawh chuan "Ka chhang anihchaun ka chunga thleng tur I hria, mi dem leh sel ka hlawh dawn, ka chhanglo nihchuan hrehawm ka ti dawn bawk.Aaa.. Engtin nge ka tih ang ka duh ve tho bawk sia, mahse infiam nan min hmang ta se... Ka ning e" ka tih chuan a rawn nui nghawr dat a, "I thu tlukna piang keichuan ka zah sak che, mahse I nun tihchhiat phah nan I hmang tur anilo, I hrethiam m?" a tih chuan ka umm ve mai.

Reife kan ngawih dun hnuah "David" ka tih chuan min chhang lo, ka kawr chu zawi muangin ka hlim a, a lo muhil daih anih chu a hmel chu ka en a, chhiat hi chu a chhelo mawle, mahse thian ang bakin ka en thei bawk silo, ani hi chuan min duh tih ka hria a, mahse hrethiam angin ka lang ngailo, ka sir a shawl chu lain ka sintir a, David-a te hi hausa tak an ni a, an chhungkua pawh an fel viau, mahse David-a hian a chhungte pawisa dil a hreh tlat thin a, an pek pawn min pe daih zel, kei in ka lo khawl sak hmak zel a, tunah phei chuan a tam tawh viau ang, school chawlh te hian a inhlawh hmak zel a, chu chuan kar tluan hian a daih ve a, a chhungte pawn an hria a, pek an thulh chuang lo, mi hausa fapa duatsual ani velo a, ka chhuangin ka ngaisang teh mai sin. A chala fawp zeuhin ka lu chu sofa hnung nghenah chuan nghatin ka mit ka chhing zui ve ta nghal a.

David POV

Ka harh leh chuan Wendy mal chungah ka lo la mu reng mai, ka nui deuh suk a, henu hi ka hmeichhe duh em em leh ka hmangaih ania, class 4 kan nih tang khan ka duh tawh amah hian a hria nge hrelo chu ka hrelo , a tawng duh lo em em a, a bula awm chu a hrehawm thin a chang chuan, tawng duh deuh nilo ilang chuan tun thleng hian kan inkawm ka ringlo, a bula awm hi a nuam ka tia, a mal chunga mut te a bik takin a puma hmai phum hi nuam. A bianga fawh sak zeuh hi ka chhing a, a tir chuan a haw thin hle mahse kan inkawm chho zel a, ani pawhin ngaiah a nei tawh, a mah pawn ka lungngawi lo nia a ngaih chuan ka biangah a fawp ve ziah bawk.

A bialpa hmasa ber leh a mipa leh a pasal nih ka duh a, mahse a ni hi chuan thian ang bakin min en ngai dawn silo. A bula ka om hi chuan a mal chung hi ka chuh nghal hmak zel a, thianho a kan awm chang pawn ani tho, kan thiante pawn ngaiah an nei tawh ani ber, mahse cl-X a kalpui te bula chutianga kan awm chuan a thiante hian an chheih nasa thei lutuk a ka awm an tih nawmloh thin avangin kan awm vak lemlo. Mahse a thiantha te 4 Msi, Mski, Eni leh Imer te bula kan awm anih chuan a kawr chhungah ka lu chawpin ka phum hmak zel, an thiante zinga mi Eni leh Hlutei hian bialpa an nei ve a, kan awm ho chang hian an rawn kal ve thin.

Msi leh Mski te ina kan awm tlangpui vang hian Eni te hi chu room lamah an awm hmak zel a, Hlutei te erawh an inhau reng zel, Wendy ei tur siam tura an tih te hian ka thinrim thin a, a chhan pawh an thiam reng pawh hi an tihtir thin vang ani, mahse ka kal ngun tulh tulh a, a siam lo apiangin thleng an lo sil thin vang alo ni🤣🤣Tun Inrinni pawh hian inhmuhkhawm antia, an classmate hlui thenkhat mipa an tel ve dawn bawk a, ka kal ve ngei chu ngai dawn ni, Wendy hi hmeltha tak, pian lamah chuan chhuan tur neilo mahse mipa hi a hip ve thawkhat a, en zuitu pawh a ngah thin hle.

Nichina a sawi an sir in aduh pawh kha ka dem hranlo mihring ve tho ania, duhzawng chu nei ve thei alom, a sawi danah khan a zeiloh hmel hi ka ti ru khawp mai😂a bialpa tura a thlang dawn anihchuan ka thik ngei ang, a hmui nem takah hian a fawp bik thei dawn tlat a.. Mahse Wendy a hlim dawn nihchuan pawi tihna ka neilo, Wendy khan ft. 6 vel anih a rin thu a sawi a, kei hi 5'11 lai chu ka ni ve a, ka sawisak theihloh chhan tur ka hrelo Wendy rilru ati na a nih phawt chuan.

Sir Tluangtea POV

In ka thlen chuan ka nu min biakna pawh ngaihsak lovin ka room-ah ka tlan chho nghal a. Ka thil lei ho chu khumah vawm pawpin ka room a sofa ka hunah chuan ka thu thla hnawk a, ka room kawngka an rawn kik a, keima awm ka duh thu ka sawi chuan khawngka chu rawn inhawng in ka pi(ka pa nu) hi a rawn lut a, khum a ka thil vawm a hmuh chuan a chet tlak tlak. Ka pi hian min duat em em a, a lakah pawh tlangval pui tawh hi ka pangchang viau zel "Mama ngati nge hetianga thawmhnaw te I vawm darh mai" a tih chuan ka chhang lo a, ka lu chu sofa nghenchhanah chuan ka nghat thla dat.

Ka pi chu ka bula rawn thu thla in ka kut a rawn vuan a "Mama, eng nge i buaina han sawi teh? I pi hian I buaina chu ka ngaihthlak sak thei reng che nia" dam diai a arawn tih chuan a lam chu ka hawi vat a, a kut chu hum hnan ve in "Pi, ihmaww... " tiin ka chawl dat a "Sawi laa.. Mama" atih leh chuan a mal chunga mu in ka sam chu a lo chul nghal hliau hliau a "Pi, hmeichhe duh deuh ka nei a, kan school-ah pawl-11 a zir ve mek a, ka hmuh hmasak ber a tang ka duh a, a hmel te, a aw leh a nungchang zawng zawng khan min hip em asin. A aw kha maw Pi a sin a, ngaihthlak a hahdam lutuk bawk asin. Bialpa a neihloh thu min hrilh a, mahse vawiinah mipa dang nen ka hmuh leh a, a mipa chuan a hmangaih hmel lutuk, Wendy erawh kha chu a hmel ka hmu lo a, ka thinrim lutuk khan engmah ngaihtuah lovin dawr atang ka chhuak nghal a. Pi engtin nge min duh theih nan hma ka lak ang? Ka chan phal bawk silo" tiin ceiling chu ka en kar a.

Ka Pi chuan “Mama, I duh nihchuan thlah lovin I ta nih theih nan bei rawh. Chu hmeichhia chuan bialpa a neilo a tih chuan a neilo em em ang, a la naupan hmel sia, mi bum tur khawp chuan a rilru a chhiat ka ring hran lo. Chuvang chuan beidawng mai lovin bei chhin rawh o, I Pi hian I lam atang reng ania” atih chuan ka nui ve leh thei toh. Nie keihi ka beidawng mai lovang min min sel dawn mahse ka hmangaih tawh miau ani.

Ka nu in chaw ei a hun a tih chuan ka pi nen kan in chhawm thla a, ka nu in kan thusawi min zawh chuan ka pi chuan thil te te tiin a chhang a, ka lo nui hawk mai, ka nu titau der kual vel chu ka en a, ka nuih top zel, a hnuah chuan kan hrilh ve ta vek a, ani pawhin beidawng lo va ka chan ngei theihna tura hma min lakpui tur thu a sawi a, ka pa a lo kal avangin thu dang kan sawi nghal daih a.

To be continue...