MY HANDSOME TEACHER

Chapter-13

David POV

In ka thlen chuan ka room lam ka pan nghal a, ka thleng tep tihah ka nu chuan "Anuam bawk em, Bawiha" atih chuan a bula thut thlak pah chuan a nawm thu ka sawi ve mai a. An fapa neih chhun ka ni a, min duat viau. Pawisa min pe awl lo a, nitin 200 min pe thin mahse chung pawisa chu Wendy ka pe a, anin a mamawh a a lo hman theih nana pe ka ni, school chawlh hian kalna tur ka neih loh chuan ka in hlawh thin a, chu chuan kar ka tluan ve thin.

Ka pa hi police officer niin, ka nu hi doctor ani a, ama pualin clinic anei bawk. Ka pu(ka pa pa) hi kan bulah a chheng ve a, ka pa hi an unau zinga upa ber mah nise ka pu hi a enkawl duh tlat avangin a unau dangte pawhin an hnial lem lo, ka pu hian sipai pension hlawh a la reng a, ka pa pawhin pawisa a pe reng zel a amaherawh chu ka pocket money tur tiin ka pu hian ka account ah a pension hlawh chanve hi a rawn thun ziah thin a, ka hmang ngai lemlo.

Ka nu in "Bialnu te I nei ve tawh em?" atih chuan lu ka thing a, ka pa chuan "A hunah a nei ve mai ang, tur thin suh. A la nau a, a la hun lo hrim hrim. Pathian in a hun a tihah chuan hmeichhe tha tak a pe mai ang" a tih chuan ka pa chu thumbs up ka pe a, ka nu in ka kut a rawn beng nghal "Chutiang ngawt ani lo. Experience a lo neih lawk te kha ka duh alom, ka fapa hi a zeilo lutuk anga, mo ka nei lo palh ang tih ka hlau ve tho alom" ka nu in a tih chuan ka pa leh ka pu nen kan lo nui vak vak a, "Bawihi ka tupa kha a zei lutuk. Tunah pawh khan hmeichhe thlah zo chiahin nihkha a rawn haw" ka pu in a tih chuan ka en ha, engtin nge i hriat tih melh a ka melh chuan "Ka hre ve tawp" alo timai a, he putar hi mi min zui ruk tir ani hrim hrim ang.

Ka nu in phur hmel fea min lo en chuan "Wendy lawm" ka ti a, ka nu chuan "A thiante zingah tal duh I nei lo mi? Zawng ve deuh rawh." a rawn ti a, ka nuih ta rigawt. Inbual ka duh thu hrilhin room lam ka pan nghal a, ka inbual pah chuan Wendy mal chunga ka mut kha ka hrechhuak a, ka nui suk.

Ka inbual zawh chuan ka sam te chhem ro in ka khumah chuan ka let thla, vawiin a ka bike a khalh kha inhmeh ka ti khawp, thla poh ka la ru hman anih kha, ka hnunga a tlan khan video in ka la a, ka phone ah chuan hmet chhuakin ka nui leh vur vur thin, a hnute ka tham kha ka hre chhuak zuk a, ka insum theihloh vang vek. Mahse a duhloh thu chiah min hrilh a, tihnawn chi ani lo tih ka hre thiam mai. Ka phone chu dahthla in ka mit chu ka chhing zui nghal a.

Sir Tluangtea POV

Sunday zing ani a, vawiin a chhungkaw chawei khawm kan neih tur chu ka phur teh chiam lo, naupang an tam leh dawn a, upa lamin ka senior tak tak hmaa nupui nei turin min hrilh leh luam hlawm dawn tih ka hria, ka peih lo hle bawk. Inbual tur chuan bathroom lam ka pan a.

Ka lu hru mawlh mawlh pahin bathroom  chu ka chhuahsan a, ka wardrobe lam panin ka kal a, kekawr bul dum chu ha in, tshirt var chu ka inthawlh a, room atang chuan ka chhuak zui a.

Choka lama lut nghalin ka nu chu thingpui ka duh thu ka hrilh a, Sangi chuan min lo pe vat, ka pa in min koh vang chuan ka thingpui nen sitting room lam ka pan a. "Bawiha, nupui neih lam te hi ngaihtuah ve tawh la, kan tar tawh a, Tu hmulo a thih chu ka duh biklo ania. Ka thianpa fanu sawn a duh lutuk che a, kan insiam fel mai dawn mi niang?" ka pa in a tih chuan "Pa, damchhung chenpui tur leh ka hmangaih tur chu keimah ngeiin thlan ka duh. Hetah hi chuan lo inrawlh lo zawk rawh, ka duh ang chu ka hmu ve vat mai ang" tia ka pa ka chhan chuan a thinrim deuh a "Lalruattluang, nupui neih i hun em em tawh lutuk. Kum 26 I ni ve tawh a, ka fapa neihchhun i ni bawk, ka thlah leh zel tur hi nang hian ti tawp miah suh. Kumin chhung ngei a nupui tur i hmu lo anih chuan keiman rem ka ruat ang" a ti ta piap piap mai

Ka pi chuan "Bawiha, I fapa hi tur hauh suh. A nun a ni a, a nunah inrawlh kim vek tum suh. Doctor nih a duh a, phal lovin I school a enkawl chhunzawm i duh vangin B.Ed a zir a, I thawh tir leh nghal bawk. I thu zawm loh hi a nei ngailo, a nupui turah erawh hi chuan inrawlh tum hauh suh, ka damchhung zawng chuan Mama hian i hmeichhe duh chu a nei ngai lovang, ama duh ngei a nei ang" a rawn ti a, ka pa nen an inhnial reng a, ka ngaithla peih tohlo chuan choka lamah ka phei san a, ka nu leh Sangi eirawngbawl chu ka pui a, dar 8 a rik chuan chaw ei kan inpeih der tawh.