MY HANDSOME TEACHER

Chapter-9

Sir Tluangtea POV

Restaurant a kan va luh chuan a hnung bera thutna fal deuh bik chu kan chuh nghal a. Waitress pakhat a lo kal a, Wendy chuan Chow, momo, aluchop, mushroom soup leh lasi a chah a, kei erawh in rice, momo leh lasi chiah ka chah thung.

Kan eitur chah te a lo thlen chuan kan ei nghal mawlh mawlh a, tawng loh reng aiah tiin "Wendy, hmeichhia chuan restaurant a mipa an kalpui in Chow chu an order ngailo an ti in ka hria?" ka tih chuan "Ka hre nang, ka story chhiar thinah hi chuan an order ngai miahlo a. Mahse keichu ka ni ve lo, Chow hi ka duh ber a, chuan a side dish tur ka la tel ngei ngei thin bawk. Chuan Sir, ka eina hi chu ka lo pe ang. E! I sawi tur chu sawi tawh la"  tihpah chuan a ei chhunzawm mawlh mawlh a, lasi chu lem zeuhin "Mipa in ka hruai che a I pek daihin a zia lo emai, chuan ka sawi duh chu Sir Rama'n niminah a hrilh vek tawh che a tiraw, keichuan ka neih theih nan che hma ka la dawn a, rei lote chiah min nghah angai ang" ka tih chuan min en kar a "Ihmaw sir.... Ka duh em ka la hrelo che, mahse han bei chhin phawt la, duhna te chu piang ve mahna tiraw? Chuan nimin ami ka thianpa kha i thik dawn anih erawh chuan min neih chu in ring duh suh, class-4 kan nih atangin kan inkawm tawh a, ka mal a mut a, a hmai ka puma phum a ching a, a haw dawn apiangin ka biangah a fawp thin bawk. Chung zawng zawng sim tura min ti dawn anih chuan i sawmna hi ka hnawl sa tih min hriat sak dawn nia" atih chuan "Ka hrelo le, ka tum chhin phawt ang. Bialpa i nei tawh hrim hrim em? Emaw tuna biak lai te pawh?" ka tih chuan a rawn nui chhuak hawk a "Bialpa ka la nei lo, biak lai te chu ka nei ve reng alom. Min bem thin tute hnenah tuna I bula ka sawi hi ka sawi thin, an thik dawn chiangsa a an sawi anih chuan ka block nghal thin. David-a an thik dawn anih chuan keichuan inlaichinna siampui ka tum hauh lo" bialpa a la nei ngailo chuan min ti hlim kher mai "Sir kum engzat nge i nih a?" a rawn tih chuan " Han risk teh, 30 chu ka la pel biklo nia, mahse😄"
"29"

"No"

"27"

"-1"

"26 maw"

"Yes"

"Oi.. Sir ka bialpa ni tura ka kum duhthusam anih chu, David-a chu mahse i thik bawksia, engtin nge ni ang aw?" a lu a dawm ve ang vung vung a, ka nuih ta rigawt a "Ngati nge 26 chu i duh kher a?" tia ka zawh chuan  "Kum 9 or 10 a inthlau bialpa ka duh a, a hma chuan pasal neih ka tum ve a, mahse tunah chuan ka tum tawh silova, bialpa ah tal ka nei mai ang ka ti a😅"

"Tinge pasal neih chu i duh tawh lova"

"Sir, hei chu personal stuff a ni tawh a, ka hrilh theilo che ni"

"Aw, anih chuan kan kal tawh mai dawn mi? I haw tlai lutuk palh ang" ka tih takah chuan rawn bu zeuhin kan tho chhuak nghal a, cheng 300 min pek chuan ka pe let leh vat a, henu luhlul zia hi. Counter-a kan va kal chuan "Tluangte, eng nge i rawn tih ve mial a, I rawn kal ngai tawp silova" atih chuan Wendy chuan zawhna mitmeng hian min melh a "Ka cousin U Ruatsanga nihhi.... U Ruatsang, hei Wendy, kan school naupang anihhi" ka tih chuan an in chibai ve vat a.Pawisa pek pah chuan "Nakinah kan rawn kal chhan chu ka la hrilh ang che, tunah chuan kan kal phawt ange" ka ti a pawisa lah chu a la duh thaklo lehnghal "I hmeichhe rawn hruai hmasa berte nia, ka treat-ah che ngai rawh" atih chuan ka zak kher mai. Pe duh ta lo chuan kan chhuak nghal a. Wendy chu bus stand a bus chanpui lehin kan inthlah fel leh a.

Time skip*

In ka thlen chuan ka nu chu ka kuah chung chung a, eng nge thil awmzia min zawh chuan vawiin a kan awmdan vel chu ka nu chu  ka hrilh ve vek a, ka sawi laklawh lai chuan ka pi hi choka ah a rawn lut ve a, a tir atang chuan kan sawi leh char char a, ka sawi zawh chuan ka nu in "A duh ve reng che nih chu, a hrethiam lo mai mai anih kha. Chuan a thianpa chu i thiklo thei dawnlo a, chuvang chuan i insum angai thung ang, chuan Wendy chuan a duh ve tak tak che nih chuan chupa chu a dang ngei bawk ang, a chhan chu i mitah kha thik na kha a lang chhuak dawn tlat ani" a ti dap dap a. Ka pi chuan "I nu thusawi kha dik lutuk mahse kha a thianpa kha a hmangaih ngei ngei dawn tih ka hre bawk. Rendy chu..... " ka nu nen kan lo nui hawk hawk a, keichuan "Pi, Wendy zawk"  ka tih chuan ka pi bawk chuan "Wendy chu a mittui i titla a, a rilru leh thinlung na taka i siam anihchuan chupa chuan a chhuah ngai lovang , chu chu hre reng bawk rawh" atih chuan ka bu ngauh ngauh a.