روح من جحيم

مًقُتٌطِفُ

اركض والهث وكلبي دكاته مسموعه
عيوني متلحك تذب دموع ....
اركض بكل مابيه من قوى اتلفت ورايه
شارع خالي مظلم رطب بسبب ليله عاصفه
كله مطر ورياح قويه لبرد ماحس بي
من لتعب خايفه وابجي شعري طاير بل لهوى
وصلت لمفترق اربع شوارع حايره من ياجهه
ركضت بسرعه لان اضويه سياراتهم قربت
ركضت بين لشوارع حافيه ابجي خايفه مرعوبه
لكيت عماره مهجوره سندت طولي ؏ حيطانه رثه
وابجي رفعت راسي للسما وبجيت
وكلت يارب ماعندي غيرك .....
زفرت نفس متعوب ونزلت راسي بجيت
كاتمه صوتي ماكملت ثواني ...
نحطت ايد على حلكي وكلبي وكف من لخوف
ماعندي لجرئه ارفع راسي واشوفو منوو
بجيت ودموعي نزلت على ايدو لبارده
نفسي لحار يضرب بيه دحكت بتمعن
وشفتو ....

يبتسم ولابس قمصلتو لسوده ومغطيه ملامحو
سواد قمصلتو لطاغي غوش رئيتي ماكدرت اميز
ملامحو بس شفافو كبالي طويل ايدو بيه وشم...
جبرت روحي اتجرئ وارفع نظري اشوفو ..
لكيتو ....يبتسملي ببتسامه عريضه
عيونو حاده ومرسومه سبحان لخلقهن ...
لوحه مرسومه كبالي شعرو مغطي عيونه
يستمر ببتسامه مرعبه اكتفت تدخل
لكلبي لخوف ولرعب توكف نبضاتو ...
احاول احجي ...وبس صوتي للاسف
ماطلع حسي ماكو اوتاري لصوتيه معدومه
وشفتي ترجفف وعيوني تتنقل بين عيونو

همس بذني بعباره اكتفت توكف جسمي
وتقشعره كزبر جلدي وهوه يقهق بخفه
ضحكتو نابعه من شر عيونو تنكط رعب
جسمي متحمل اكثر ماكدر اسنده اكثر
فقدت وعي وسمعتو يردد عباره ...

وقد اقسمتُ إن لا ترتوي شفاهي دما...
وأن لا اجعل لقلوبكم بتاراً غيري ...

اسمع خطواتو فتح مظلتو وحماني بيه
منه لمطر عيوني متكدر تشوف غيرو
مو مطمنه اله واريد يبتعد حتى اهرب
منوو استجمعت لبقى من قوتي
دفعتو وردت انهزم ....

سحب اقسام سمعت صوت سلاحو
ترس لمكان ،يقهق بنفس لنبرههه

لا يا عزيزتي انتِ تقترفين خطاء بحق ذاتك ...

ضرب طلقه بنتجاهي وكفت عن لحركه
لثواني وغمضت عيوني وكلبي وكف ....

شفت شخص كدامي متمدد شفتو شفت
ملامحوو ميت قتلوو وفرحان قتل نفس
وفرحان ويضحك بصتو لمرعب ...

اخر لطلقه ستكون من نصيبك ...

جر ايدي واني ابجي يجرني وراه
ولكيت سياره ...

حديثه سوده شبابيه سياره لتكون
سريعه وناصيه وبس بقعدين
سوده حيلل سواده مخيف بقيت
صافنه هاي تنباع بل لدولار اصلا
بل لعراق ماكو منه استوراد وغاليه
هذا منو منو شجابو عليه ؟....